<div class="article-content">
<p>ភ្នំពេញ ៖ បុរសជនជាតិចិនម្នាក់បានរង របួស ត្រូវចំដៃធ្លាយទៅឆ្អឹងជំនីរ កាលពី វេលាម៉ោង<br />ប្រមាណ ១០និង៣០នាទីយប់ ថ្ងៃទី៣១ ខែឧសភា ឆ្នាំ២០១៣ ដោយសារ តែក្រុមក្មេងស្ទាវ <br />បានជិះម៉ូតូដេញ បាញ់គ្នា ហើយផ្លាតទៅចំជនរងគ្រោះតែម្ដង ពេល កំពុងដើរតាមបណ្ដោយ<br />ព្រះមុនីវង្ស កែងផ្លូវ លេខ២០៨ សង្កាត់បឹងរាំង ខណ្ឌដូនពេញ ក្រោយពីចុះពីលើម៉ូតូកង់បាន<br />បន្ដិច ។</p>
<p>សេចក្ដីរាយការណ៍ពីសាក្សីនៅកន្លែង កើតហេតុបានឱ្យដឹងថា នៅពេលដែលបុរស ជនជាតិរូប<br />នេះ បានចុះ ពី លើម៉ូតូកង់បី ដើរ ប្រមាណ៥០-៦០ ម៉ែត្រ គាប់ជួនមានក្រុម ក្មេងស្ទាវជិះម៉ូតូពីរ<br />គ្រឿងមកក្បែរនោះ ហើយ ដកកាំភ្លើងបាញ់ ត្រូវចំនួនពីរគ្រាប់រងរបួសធ្ងន់តែម្ដង រួចហើយជិះម៉ូតូ<br /> គេចខ្លួនបាត់ ។ ក្រោយកើតហេតុជនរងគ្រោះ ត្រូវបានសមត្ថកិច្ចជួយដឹកបញ្ជូនភ្លាមៗទៅកាន់<br />មន្ទីរពេទ្យកាល់មែត ។</p>
<p>សមត្ថកិច្ចមូលដ្ឋានបានឱ្យដឹងថា ជនរង គ្រោះមានឈ្មោះអ៊ួយ គុយយីង អាយុ៥៩ ឆ្នាំ រងរបួសចំ<br />ដៃខាង ឆ្វេង ធ្លាយទៅឆ្អឹងជំនីរ ខាងឆ្វេង ហើយស្នាក់នៅសណ្ឋាគាររីវើល អស់រយៈពេល២ថ្ងៃមក<br />ហើយ ។</p>
<p>បើតាមសមត្ថកិច្ចមូលដ្ឋានបានបន្ដថា ករណីនេះផ្ដើមចេញពីជនសង្ស័យទាំងនោះ ប្រហែលមាន<br />ទំនាស់ ជាមួយគ្នា ហើយដក កាំភ្លើងបាញ់ ប៉ុន្ដែសំណាងអាក្រក់ បែរជាចំ ជនរងគ្រោះទៅវិញ ។</p>
<p>យ៉ាងណាក៏ដោយ ក្រោយមានករណីនេះ កើតឡើង កម្លាំងនគរបាលរាជធានីភ្នំពេញ ដោយមាន<br />ការ បញ្ជាផ្ទាល់ពីស្នងការ ជួន សុវណ្ណ បានបើកការស្រាវជ្រាវយ៉ាងយកចិត្ដ ទុកដាក់តាមចាប់ ក្រុម<br />បង្កទាំងនោះ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0559.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>