<p><strong>ភ្នំពេញ៖</strong> បច្ចុប្បន្នអតីត Freshie Girl ចំណាត់ថ្នាក់លេខ១ ឆ្នាំ២០១១ កញ្ញា ហ៊ុយ ច័ន្ទរាជនី ត្រូវ<br />បានមហាជនអ្នកតាមដានសង្គមសិល្បៈមួយចំនួន មើលឃើញថា នាងកំពុងតែមានយីអ៊ុនខ្ពស់<br /> ក្នុងការងារសិល្បៈតាមរយៈការសម្តែង ខ្សែភាពយន្ត ខារ៉ាអូខេបទចម្រៀង និងថតស្ពតពាណិជ្ជ<br />កម្មផ្សេងៗ ។</p>
<p>ខណៈការងារសិល្បៈ កំពុងតែមមាញឹកស្ទើរតែ រកពេលសម្រាកមិនបានផងនោះ ស្រាប់តែថ្មីៗ<br />នេះ តារាសម្តែង និងជាអតីត Freshie Girl កញ្ញា ហ៊ុយ ច័ន្ទរាជនី ត្រូវបានប្រភពពីអ្នក នៅក្នុង<br />ចង្កោមសិល្បៈមួយរូប ដែលសុំមិនបញ្ចេញឈ្មោះ បានបង្ហើប ប្រាប់ LookingTODAY ឲ្យដឹងថា<br /> បច្ចុប្បន្នការងារសិល្បៈរបស់ កញ្ញា ហ៊ុយ ច័ន្ទរាជនី ហាក់មមាញឹកយ៉ាងខ្លាំង ព្រោះនាង ត្រូវ<br />សម្តែងខ្សែភាពយន្ត ថតខារ៉ាអូខេបទចម្រៀង ស្ទើរតែរាល់ថ្ងៃ ។</p>
<p>ជុំវិញការងារសិល្បៈ កំពុងតែកាក់កប មមាញឹកនេះដែរ ប្រភពដដែលខាងលើ បានបង្ហើបប្រាប់<br />ឲ្យដឹងទៀតថា ស្រីស្រស់ ហ៊ុយ ច័ន្ទរាជនី មានខ្នងបង្អែកនៅក្នុងផលិតកម្មហង្សមាស រង់ចាំជួយ<br />យិតយោងនាង ដើម្បីឲ្យនាងទទួលបានឱកាសច្រើន ក្នុងការសម្តែងខ្សែភាពយន្ត និងខារ៉ាអូខេ<br />បទចម្រៀង ។</p>
<p>មិនតែប៉ុណ្ណោះប្រភពដដែល បានបញ្ជាក់យ៉ាងច្បាស់ថា តារាសម្តែងដែលកំពុងតែទទួលបាន<br />ប្រជាប្រិយភាពរូបនេះ តែងតែបង្ហាញវត្តមានជានិច្ច នៅក្នុងការសម្តែងខារ៉ាអូខេបទចម្រៀង និង<br />ខ្សែភាពយន្តរបស់ ហង្សមាស ។</p>
<p>ចំពោះការលើកឡើងរបស់ប្រភពខាងលើនេះ ក៏ត្រូវបានមហាជនមួយចំនួន មានការសង្ស័យយ៉ាង<br />ដូច្នេះ ព្រោះគេសង្កេតឃើញថា តារាសម្តែងសម្បូរ មន្តស្នេហ៍ ហ៊ុយ ច័ន្ទរាជនី មានវត្តមានសម្តែង<br />នៅក្នុងខារ៉ាអូខេបទចម្រៀងស្ទើរ តែគ្រប់វ៉ុលនៅក្នុងផលិតកម្ម ហង្សមាស ។ លើសពីនេះទៅទៀត<br />នោះ គេមើលឃើញថា នាង ហាក់មិនសូវទទួលបានការសម្តែង នៅក្នុងផលិតកម្មផ្សេងៗ ក្រៅពី<br />ផលិតកម្មហង្សមាស នោះទេ ។</p>
<p>ទោះជាយ៉ាងណា ជុំវិញការលើកនេះ ត្រូវបានអតីត Freshie Girl លេខ១ប្រចាំឆ្នាំ២០១១កញ្ញា ហ៊ុយ<br /> ច័ន្ទរាជនី បានប្រាប់ LookingTODAY តាមទូរស័ព្ទនៅថ្ងៃទី០៤ ខែមិថុនា ឆ្នាំ២០១៣នេះថា "តាមពិត<br />ទៅ ខ្ញុំមិនមានខ្នងបង្អែក ដូចជាការលើកឡើង នោះទេ ។ តែចំពោះខ្ញុំ ជាអ្នកសិល្បៈអ៊ីចឹង គឺមានគេ<br />ស្គាល់ខ្ញុំច្រើន តែការស្គាល់ស្និទ្ធស្នាលនោះ គឺមិនមាននោះទេ "។</p>
<p>កញ្ញា ហ៊ុយ ច័ន្ទរាជនី បានឲ្យដឹងទៀតថា " ការដែលគេមើលឃើញថា ខ្ញុំសម្តែងនៅក្នុងផលិតកម្ម<br /> ហង្សមាស ច្រើន គឺដោយសារតែបទចម្រៀងនោះ គឺមានលក្ខណៈជាសាច់រឿង«Story»ជាប់ៗគ្នា <br />ដូច្នេះគេក៏មើលឃើញ ថាខ្ញុំសម្ដែងច្រើនបែបហ្នឹងទៅ" ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0139.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0140.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0141.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0142.jpg" alt="Looking Today" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>