<p><span style="color: #000000;">យល់ដឹង ៖ «ការរងទុក្ខវេទនាពីអតីតកាល បានធ្វើឲ្យខ្ញុំរកឃើញអនាគតដ៏ភ្លឺស្វាង ព្រោះខ្ញុំបានរៀនពីអតីតកាលដើម្បីវែកផ្លូវរកអនាគតហើយវាបាន ធ្វើឲ្យខ្ញុំចេះគ្រប់គ្រងជីវិតខ្លួនឯង»។ នេះ ជាការលើកឡើងរបស់លោក ម៉ៅ សុខុម ដែលបានប្រែខ្លួនពីក្មេងកំព្រាទៅជាមនុស្សម្នាក់ ដែល មនុស្សគ្រប់គ្នាលើទឹកដីអាមេរិកទទួលស្គាល់ថា គាត់ទទួលបានជោគជ័យ។</span></p>
<p><span style="color: #000000;">ជោគជ័យត្រង់ថា កាលពី ១៩ ខែឧសភា ឆ្នាំ ២០១៥ សុខុម ទទួល បានងារ កិត្តិយសពីកម្មវិធី White House Champion of Change ជាកម្មវិធីទទួលស្គាល់ប្រជាជនអាមេរិក ដែលធ្វើសកម្មភាព នានាក្នុង គោលបំណងធ្វើការផ្លាស់ប្តូរសង្គមរស់នៅឲ្យប្រសើរឡើង។</span></p>
<p><span style="color: #000000;"><a class="thickbox" title="" href="/FileManager/Commons/2015/6/13/81-13-06-2015--11-28-01.jpg"><img src="/FileManager/Articles/mce/2015/6/13/81-13-06-2015--11-28-01.jpg" alt="" width="492" height="326" /></a><br /></span></p>
<p><span style="color: #000000;">លោក សុខុម ជាយុវជន កម្ពុជា អាមេរិក វ័យក្មេង និង ជា លើកដំបូងដែលបម្រើការជាស្នងការ និងប្រធាន ក្រុមប្រឹក្សាភិបាលរបស់ប៉ូលិសនៃក្រុង Oakland ហើយលោកក៏ជាស្នងការយុត្តិធម៌អនីតិជន (a Juvenile Justice Commissioner) មួយរូបសម្រាប់ Alameda County ផងដែរ។</span></p>
<p><span style="color: #000000;">ក្នុងរយៈពេល ៤ ឆ្នាំនៃតួនាទីខាងលើ លោក សុខុម មានតួនាទី ឃ្លាំមើល ភាពខុសឆ្គងណាមួយរបស់មន្ត្រីប៉ូលិស ។ លោក មាន សិទ្ធ ចេញលិខិតពិន័យមន្ត្រីប៉ូលិស បើ រក ឃើញថា មានកំហុសវិជ្ជាជីវៈផ្លូវការណាមួយ។</span></p>
<p><span style="color: #000000;"><a class="thickbox" title="" href="/FileManager/Commons/2015/6/13/60-13-06-2015--11-28-15.jpg"><img src="/FileManager/Articles/mce/2015/6/13/60-13-06-2015--11-28-15.jpg" alt="" /></a><br /></span></p>
<p><span style="color: #000000;">លើសពីនេះទៀតលោក ក៏ជាមន្ត្រីនៃតុលាការផងដែរ ដោយលោកបម្រើការជាស្នងការយុត្តិធម៌អនីតិ ជនដែលមានតួនាទីជាអ្នក ឃ្លាំមើលលើការត្រួតពិនិត្យក្នុងពន្ធនាគារអនីតិជននៅ Alameda County»។ តាមរយៈការផ្តល់ កិត្តិយស ពីសេតវិមាន និងភាពជោគជ័យនេះ លោក សុខុម ពោលថា៖ «ខ្ញុំយកភាពជោគជ័យ នេះមកប្រើដើម្បីជួយដល់អ្នកដែលត្រូវការ និង ដើម្បី នាំយកមកនូវសង្គមមួយដែលកាន់ តែមានក្ដីស្រឡាញ់ និងសន្តិភាព។ ខ្ញុំមាន ក្តីរំភើបណាស់ដែលអាចក្លាយជាភ្នាក់ងារនៃការផ្លាស់ ប្តូរ សម្រាប់ភាពប្រសើរឡើងនៃសង្គម»។</span></p>
<p><span style="color: #000000;">វាមិនមែនជារឿងងាយនោះទេក្នុងការធ្វើអ្វីមួយ ហើយ ទទួល បានជោគជ័យ ជាពិសេសគឺនៅលើទឹក ដី សហរដ្ឋអាមេរិក។ លោក សុខុម ពោលថា ៖ «កត្តាដែលធ្វើឲ្យខ្ញុំជោគជ័យមកដល់សព្វថ្ងៃ នោះគឺ ដោយសារ តែ មនុស្ស គ្រប់គ្នាផ្តល់ជំនឿមកលើខ្ញុំ។ ខ្ញុំតែងតែអនុវត្តតាមនូវទ្រឹស្តីល្អៗ ដែលផ្តល់នូវសន្តិភាព និង យុតិ្តធម៌»។</span></p>
<p><span style="color: #000000;">មានកំណើតនៅទីក្រុង Oakland រដ្ឋ California នៃសហរដ្ឋ អាមេរិក លោក ម៉ៅ សុខុម ជាក្មេងកំព្រាម្តាយ តាំងពីអាយុ ៩ ឆ្នាំ។</span></p>
<p><span style="color: #000000;">ក្រោយមកលោក និងបងប្អូនប្រុសស្រីទាំង ៥ នាក់ទៀត ត្រូវ បាន គេយកចិញ្ចឹមនៅមូលដ្ឋានប្រព័ន្ធថែរក្សាកូនចិញ្ចឹមរដ្ឋ កាលីហ័្វរនីញ៉ា។ ឪពុកម្តាយរបស់លោក សុខុម ជាជនភៀសខ្លួន ដែលរត់គេចពីសង្គ្រាមក្នុងសម័យ ខ្មែរ ក្រហម ប៉ុល ពត ។ លោក សុខុម បានរំឭកថា៖ «ឪពុកម្តាយរបស់ខ្ញុំតែងតែ ប្រាប់ រឿង អតីតកាល ពីភាពលំបាកជូរចត់នូវនៃសង្គ្រាមស៊ីវិល ក្នុងសម័យនោះ»។ បន្ទាប់ពីផ្លាស់ប្តូរការរ ស់នៅពីមជ្ឈមណ្ឌលកុមារកំព្រា លោក បានមានវត្តមាន នៅមណ្ឌលយុវជន Bay Area Youth Centers ជាទីកន្លែង ដែលផ្តល់ការគាំពារ និងលើកទឹកចិត្តដល់រូបលោកឲ្យមានការសិក្សា និងបន្តការសិក្សា។</span></p>
<p><span style="color: #000000;">លោក បានបញ្ចប់សញ្ញាបត្រ Bachelors of Arts Degree ពីសាកលវិទ្យាល័យ San Francisco State University។ លោក ក៏ជាអគ្គរដ្ឋទូតតំណាងកម្មវិធី Guardian Scholars Program ដែលត្រូវបានបង្កើត ឡើងក្នុងគោលបំណងជួយយុវជន ម្តាយចិញ្ចឹម ទទួល បានការអប់រំ បាន ខ្ពស់ ផងដែរ។ ក្រៅពីនេះ លោក មាន ជំនាញ ទិន្នន័យទៅលើ កា រ សិក្សាស្រាវជ្រាវ ក៏ដូចជា ទៅលើក្រុមវិភាគនៃមជ្ឍមណ្ឌល California Social Work Education Center។</span></p>
<p><span style="color: #000000;">លោក ម៉ៅ សុខុម បានពោលថា ដើម្បីទទួលបានជោគជ័យយើងត្រូវមើលចិត្ត និង ចំណង់របស់យើងឲ្យច្បាស់ថា ចង់ធ្វើអ្វីមួយ ហើយប្រើប្រាស់ជាអំពើ ល្អមួយសម្រាប់ពិភពលោក។ អ្វីក៏ដោយមិនថា តែជាតន្ត្រីករ អ្នកអក្សរសាស្ត្រ អ្នកវិទ្យាសាស្ត្រ ពាណិជ្ជករ អ្នកច្បាប់ ពេទ្យ ឬការងារអ្វីមួយនោះទេ គឺយើងត្រូវប្រឈមមុខប្រកួតប្រជែងដោយប្រើធនធានរបស់ យើង ដែលជំរុញឲ្យយើងទទួលបានផលវិជ្ជមានជីវិត៕</span></p>
<p><span style="color: #0000ff;"><a href="/News/Detail/9674/former-foster-youth-named-white-house-champion-of-change" target="_blank"><span style="color: #0000ff;">- អាន ៖ បញ្ញាវ័ន ខ្មែរ ម៉ៅ សុខុម ជោគជ័យលើដី US ល្បីខ្ទរខ្ទារ ពេញ សេតវិមាន</span></a></span></p>
<p style="text-align: right;"><span style="color: #000000;">ប្រភព ៖ ប៉ុស្តិ៍ខ្មែរ និង linkedin</span></p>