<div class="article-content">
<p><strong>-នគរបាល រាជធានីភ្នំពេញ និងនគរ បាល ខេត្ដស្ទឹងត្រែង កំពុងតាមចាប់ជន សង្ស័យ<br /> ៣នាក់</strong></p>
<p><strong>ភ្នំពេញ ៖</strong> ក្រោយពីធ្វើការស្រាវជ្រាវ ដោយយកចិត្ដទុកដាក់ និងតាមជំនាញរបស់ ខ្លួន កម្លាំង<br />នគរបាលខណ្ឌពោធិ៍សែនជ័យ និងកម្លាំងនគរបាល ការិយាល័យព្រហ្មទណ្ឌ រាជធានីភ្នំពេញ<br /> ក្រោមការដឹកនាំបញ្ជា ផ្ទាល់ ពីសំណាក់ស្នងការនគរបាលរាជធានី ភ្នំពេញ លោកឧត្ដមសេនីយ៍<br />ផ្កាយ ៣ ជួន សុវណ្ណ និងស្នងការរង ជួន ណារិន្ទ ក្នុង ករណីអំពើឃាតកម្ម បាញ់សម្លាប់ស្ដ្រីជា <br />បុគ្គលិកធនាគារកាណាឌីយ៉ា និងក្មួយប្រុស បណ្ដាលឱ្យស្លាប់ ខណៈដែលបងស្រីរង របួសធ្ងន់<br />នោះ ឥឡូវនេះសមត្ថកិច្ចបានតាម ដានរកឃើញហើយថា ជនសង្ស័យដែល សមត្ថកិច្ច ចាត់<br />ទុកថា ជាឃាតកស៊ីឈ្នួល សម្លាប់មនុស្សនោះ ត្រូវបានគេសម្លាប់បន្ដ នៅឯខេត្ដស្ទឹងត្រែង ទាំង<br />មិនទាន់បានលុយ សម្រាប់ទង្វើរបស់ខ្លួនផងនោះ ។</p>
<p>ជនសង្ស័យដែលជាឃាតកស៊ីឈ្នួលត្រូវ បានគេសម្លាប់បំបិទមាត់ ក្នុងករណីឃាត កម្មនេះ ត្រូវ<br />បានសមត្ថកិច្ចអះអាងថា បាន កើតឡើង កាលពីវេលាម៉ោង ១០ និង៣០ នាទីយប់ ថ្ងៃទី០៩ ខែ<br />មេសា ឆ្នាំ២០១៣ ស្ថិតនៅភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្ដស្ទឹងត្រែងហើយ<br />ជនសង្ស័យរូបនេះ ឈ្មោះ វ៉ាន់ ចិត្ដ្រា ហៅ អូន អាយុ ២១ឆ្នាំ មានមុខរបរ ជាជាងជួសជុល ម៉ូតូ <br />នៅគីឡូម៉ែត្រលេខ ៤ ក្នុងភូមិសង្កាត់ កើតហេតុខាងលើ ហើយជននេះជាកូន អតីតមន្ដ្រីយោធា<br />មួយរូប នៃការិយាល័យ ទី២ តំបន់ប្រតិបត្ដិការសឹករង ខេត្ដស្ទឹង ត្រែងទៀតផង ។</p>
<p>អធិការនគរបាល ខណ្ឌពោធិ៍សែនជ័យ ដែលបានទទួលបញ្ជា ពីលោកស្នងការ និង ស្នងការរង<br />ទទួលផែន ដើម្បីតាមដានស្រាវ ជ្រាវករណីឃាតកម្មនេះ លោកវរសេនីយ៍ ទោ ប៊ន សំអាត បាន<br />ថ្លែងប្រាប់មជ្ឈមណ្ឌល ព័ត៌មានដើមអម្ពិលតាមទូរស័ព្ទ នៅ រសៀលថ្ងៃទី១១ ខែមេសា ឆ្នាំ ២០១៣<br />ថា ក្រោយពីការស្រាវជ្រាវ និងកំណត់អត្ដ សញ្ញាណជនសង្ស័យ ក្នុងអំពើឃាតកម្ម បាញ់សម្លាប់<br />ខាងលើនេះ និងតាមរយៈការ ទស្សនាព័ត៌មាន តាមកញ្ចក់ទូរទស្សន៍ អប្សរា ណែត ដោយឃើញ<br />ចាក់ផ្សាយពីរឿងឃាតកម្ម សម្លាប់យុវជនម្នាក់នៅខេត្ដ ស្ទឹងត្រែងនោះ ធ្វើឱ្យលោកមានការសង្ស័យ<br /> ហើយក៏ធ្វើការស្រាវជ្រាវបន្ដ តាមរយៈការ យករូបភាព នៅក្នុងវីដេអូទៅចាក់បង្ហាញ ឱ្យជនរងគ្រោះ<br /> ដែលកំពុងសម្រាកព្យាបាល និងសាច់ញាតិជនរងគ្រោះមើល ។</p>
<p>លោក ប៊ន សំអាត បានបន្ដ នៅពេលដែលយករូប ភាពវីដេអូខាងលើនេះ ទៅចាក់បង្ហាញនៅ មន្ទីរ<br />ពេទ្យ ស្រាប់តែជនរងគ្រោះដែលជាបងស្រីបង្កើត របស់ស្ដ្រីជាបុគ្គលិកធនាគារ កាណាឌីយ៉ា សាខា<br />កាំបូល និងជាម្ដាយ បង្កើតរបស់ក្មេងរងគ្រោះអាយុទើប ៩ខែ រួមទាំងបងប្អូនផ្សេងទៀត ដែលបាន<br />ឃើញ នៅក្នុងវីដេអូនោះ ក៏នាំគ្នាយំ និងស្រែកថា វាជាឃាតក ដែលសម្លាប់ជនរងគ្រោះ ។</p>
<p>ក្រោយពីចាំយ៉ាងច្បាស់ នូវមុខឃាតក បូករួមទាំងការសិក្សាស្រាវជ្រាវ តាម ជំនាញរបស់ខ្លួនផង<br />នោះ កម្លាំងនគរបាល រាជធានីភ្នំពេញ បានទាក់ទងសុំសហការ ជាមួយកម្លាំងនគរបាល ខេត្ដស្ទឹង<br />ត្រែង ដើម្បីសួរនាំ និងតាមដានរឿងនេះបន្ដ ទៀត ។</p>
<p>អធិការនគរបាល ខណ្ឌពោធិ៍សែនជ័យ លោក ប៊ន សំអាត បានបន្ដថា ក្រោយពី បានសួរនាំ និង<br />ស្រាវជ្រាវបន្ដ ចំពោះករណី ឃាតកម្មនេះ សមត្ថកិច្ចបានសន្និដ្ឋានថា ជន សង្ស័យដែលគេសម្លាប់ <br />កាលពីយប់ថ្ងៃទី៩ ខែមេសា ឆ្នាំ ២០១៣ នៅខេត្ដស្ទឹងត្រែង នោះ គឺជាជនសង្ស័យដែលបាញ់ស្ដ្រី<br />បុគ្គលិក ធនាគារកាណាឌីយ៉ា ឈ្មោះ ទិត្យ ធារ៉ា អាយុ ១៦ឆ្នាំ និងក្មួយប្រុសឈ្មោះ យុទ្ធ ធារ៉ា អា<br />យុជិត ១ឆ្នាំ បណ្ដាលឱ្យស្លាប់ និង ធ្វើឱ្យស្ដ្រីជាបងជនរងគ្រោះ ឈ្មោះ ទិត្យ សុម៉ាឡែន អាយុ ៣៥<br />ឆ្នាំ រងរបួសធ្ងន់កាល ពីល្ងាចថ្ងៃទី០៨ ខែមេសា ឆ្នាំ ២០១៣ នៅ ក្នុងបុរីញូវថោន ភូមិទ្រា សង្កាត់<br />ចោមចៅ ខណ្ឌពោធិ៍សែនជ័យ ។</p>
<p>លោក ប៊ន សំអាត បានថ្លែងបន្ដថា ក្រោយពីធ្វើសកម្មភាពបាញ់សម្លាប់ជនរង គ្រោះខាងលើនេះ<br />ហើយ ជនសង្ស័យរូបនេះ ដែលជាឃាតកស៊ីឈ្នួល បានធ្វើដំណើរទៅ ខេត្ដស្ទឹងត្រែងភ្លាមៗ ទំនង<br />ទៅយកលុយ សម្រាប់ការងាររបស់ខ្លួន ប៉ុន្ដែក៏ត្រូវគេវាយសម្លាប់បំបិទមាត់ ថែមទាំងមិនបានលុយ<br />ទៀតផង ។</p>
<p>ជុំវិញករណីនេះ លោក ប៊ន សំអាត បាន បន្ដថា កម្លាំងនគរបាលរាជធានីភ្នំពេញ ដឹក នាំដោយ<br />លោក ជួន សុវណ្ណ បានទាក់ទង កិច្ចសហប្រតិបត្ដិការជាមួយកម្លាំងនគរ បាល ខេត្ដស្ទឹងត្រែង <br />ដើម្បីតាមចាប់ជន សង្ស័យ ៣នាក់ផ្សេងទៀត ដែលកំពុងរត់ គេចខ្លួន ជុំវិញការសម្លាប់បំបិទមាត់<br /> និង អាចជាអ្នកនៅពីក្រោយខ្នង ក្នុងអំពើឃាត កម្មដ៏សាហាវខាងលើនេះ ។</p>
<p>បើតាមលោកប៊ន សំអាត នេះជាស្នាដៃ ថ្មីមួយទៀត ដែលកម្លាំងនគរបាលបាន សម្រេច ប៉ុន្ដែ នៅ<br />បន្ដការងារតាមចាប់ជន សង្ស័យ ៣នាក់ផ្សេងទៀត ដែលកំពុងរត់ គេចខ្លួន ។</p>
<p>យោងតាមប្រភពព័ត៌មាន ពីសមត្ថកិច្ច ខេត្ដស្ទឹងត្រែងបានឱ្យដឹងថា ជនសង្ស័យ វ៉ាន់ ចិន្ដ្រា ហៅ <br />អូន គឺជាបងធំម្នាក់ ប្រចាំ ទីរួមខេត្ដស្ទឹងត្រែង និងតែងតែបង្ករបួស ស្នាម ្ននិងកាប់គេកាប់ឯងរហូត<br />ដល់តុលា ការចេញដីកាតាមចាប់ខ្លួន ជននេះទៀតផង ហើយការស្លាប់របស់គេ ពិតជាធ្វើឱ្យប្រជា<br /> ពលរដ្ឋ នៅទីរួមខេត្ដស្ទឹងត្រែង មានការ សប្បាយចិត្ដខ្លាំងណាស់ ។</p>
<p>គួរបញ្ជាក់ថា ស្ដ្រីវ័យក្មេង និងក្មួយប្រុស របស់ខ្លួនម្នាក់ បានស្លាប់ និងស្ដ្រីជាបងប្អូន និងគ្នាម្នាក់<br />ទៀត បានរងរបួស នៅក្នុងករណី បាញ់ប្រហារ ដែលមានការគ្រោងទុកមួយ នៅក្នុងបុរីញូវថោន<br /> ដែលមានទីតាំងនៅក្នុង ភូមិព្រៃទា សង្កាត់ចោមចៅ ខណ្ឌពោធិ៍ សែនជ័យ រាជធានីភ្នំពេញ នៅ<br />ល្ងាចថ្ងៃទី០៨ ខែមេសា ឆ្នាំ ២០១៣ នេះ ។</p>
<p>ស្ដ្រី និងក្មេងប្រុស ដែលស្លាប់បាត់បង់ជីវិត នៅក្នុងអំពើបាញ់ប្រហារ ខាងលើ ត្រូវបាន គេស្គាល់<br />ឈ្មោះទិត ធារ៉ា ភេទស្រី អាយុ ២៦ ឆ្នាំ ជាបុគ្គលិក ធនាគារកាណាឌីយ៉ា មានទីលំនៅ ផ្ទះចំណុច<br />កើតហេតុខាងលើ និងក្មួយ ប្រុសម្នាក់ទៀត ត្រូវបានគេស្គាល់ឈ្មោះ យុទ្ធ ធារ៉ា អាយុជាង ១ខួប។<br /> ដោយឡែកស្ដ្រី ដែលរងរបួស ត្រូវជា បងប្អូនដែរនោះ ឈ្មោះ ទិត សុម៉ាឡែន អាយុ ៣៥ឆ្នាំ អតីត<br />តារាចម្រៀងមិនសូវល្បីឈ្មោះមួយរូបផងដែរ។</p>
<p>ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ ស្ដ្រីរងគ្រោះ ដែលធ្វើដំណើរ<br />ពីកន្លែង ធ្វើការមកផ្ទះ ដោយ រថយន្ដក្រុមហ៊ុនជូនមកនោះ ពេលមកដល់មុខផ្ទះ បានចុះពីរថយន្ដ <br />ដើរសំដៅចូលទៅ ក្នុងផ្ទះ ស្រាប់តែមានមនុស្សម្នាក់ ដែលឈរ ចាំនៅក្បែរនោះ បានដើរសំដៅទៅ<br /> រួចហើយ ដកកាំភ្លើង បាញ់ ប្រហារអស់ជាច្រើនគ្រាប់ ធ្វើឱ្យជនរងគ្រោះមីង និងក្មួយ ត្រូវគ្រាប់កាំ<br />ភ្លើង ហើយខ្មាន់កាំភ្លើង ក៏បានរត់ឡើង ជិះម៉ូតូគេចខ្លួនបាត់ទៅ។</p>
<p>តាមការសន្និដ្ឋាន ពីកន្លែងកើតហេតុ បានឱ្យដឹងថា ករណីបាញ់ប្រហារខាងលើនេះ ជារឿងគំនុំ ឬ<br />ជាឃាតក ស៊ីឈ្នួលបាញ់សម្លាប់ ច្រើនជាងករណីប្លន់ ព្រោះក្រោយបាញ់ប្រហារហើយជនសង្ស័យ<br /> មិនបានយកទ្រព្យ សម្បត្ដិ របស់ជនរងគ្រោះនោះទេ។ ប្រភពបង្ហើបពីសមត្ថកិច្ច ក៏បានឲ្យដឹងផង<br />ដែរថា ករណីបាញ់សម្លាប់នេះ អាចជាការបាញ់ច្រឡំ ពោលមុខសញ្ញាបាញ់ប្រហាររបស់ជន<br />សង្ស័យអាចសំដៅលើស្រ្តីជាបង ឈ្មោះ ទិត សុម៉ាឡែន ដែលអតីតជាតារា ចម្រៀង។</p>
<p>ទោះជាយ៉ាងណា ក្រោយកើតហេតុភ្លាមៗ លោកឧត្តមសេនីយ៍ផ្កាយ៣ ជួន សុវណ្ណ ស្នងការនគរ<br />បាលរាជធានីភ្នំពេញ និងលោកស្នងការរងឧត្តមសេនីយ៍ ជួន ណារិន បានបញ្ជាកម្លាំងសមត្ថកិច្ច<br />ជំនាញ បន្តស៊ើបអង្កេតស្វែងរកខ្មាន់កាំភ្លើង និងដំណើររឿង នៃការបាញ់ប្រហារនេះ៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0197.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0198.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0199.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0200.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0201.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0202.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0203.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>