<p><strong>ព័ត៌មានអន្តរជាតិ ៖</strong> សារព័ត៌មាន ស៊ីអិនអិន អាម៉េរិក បានចេញផ្សាយ នៅថ្ងៃសុក្រ ទី១៨ ខែកក្កដា នេះថា យន្តហោះ ម៉ាឡេស៊ី MH17 គឺត្រូវបានគ្រាប់ មីស៊ីល បាញ់ទម្លាក់ ហើយទង្វើនេះ អាច ជាការ ប្រព្រឹត្តរបស់ ក្រុមភេរវករបំបែករដ្ឋ ដែលកំពុងបង្កភាពវឹកវរយ៉ាងខ្លាំងនៅភាគខាងកើត ប្រទេស អ៊ុយ ក្រែន នោះឯង។</p>
<p>មន្ត្រីជាន់ខ្ពស់អាម៉េរិក បានប្រាប់ ស៊ីអិនអិន ថាយន្តហោះម៉ាឡេស៊ី ពិតជាត្រូវគេបាញ់គ្រាប់ មីស៊ីល ទម្លាក់ ប៉ុន្តែមន្ត្រី រូប នោះមិន បានបង្ហាញថា តើក្រុមណានឹងត្រូវទទួលខុស ត្រូវឲ្យជាក់ លាក់នោះ ឡើយ។ តាមមន្ត្រីកំពូល របស់អ៊ុយក្រែន បានបញ្ជាក់ថា យន្តហោះខាងលើនេះ ធ្វើដំណើរ ពីទីក្រុង អាំស្ទើដាំ ទៅកាន់ ទីក្រុងកូឡាឡំាពួរ ដោយហោះក្នុងរយៈកម្ពស់ ១០ គីឡូម៉ែត្រ មុនពេលដែលវាត្រូវ គេបាញ់ធ្លាក់។</p>
<p><a class="thickbox" title="" href="/FileManager/Commons/2014/7/18/76339189ukrainemalaysiaplane976latest-18-07-2014--10-22-21.gif"><img src="/FileManager/Articles/mce/2014/7/18/76339189ukrainemalaysiaplane976latest-18-07-2014--10-22-21.gif" alt="" /></a></p>
<p>បើតាមការ អះអាង ពីសារព័ត៌មានអាម៉េរិក ថាប្រព័ន្ធរ៉ាដា បានដឹងថាមានសញ្ញានៃការបង្វែទិស ប្រ ព័ន្ធ បាញ់ គ្រាប់មីស៊ីល ទៅកាន់ទីតាំង ដែលយន្តហោះធ្វើដំណើរ ហើយបន្ទាប់មកយន្តហោះ នោះ ក៏ ត្រូវ បាន បាញ់ធ្លាក់តែម្តង ។ រហូតមក ដល់ពេលនេះ រដ្ឋបាលលោក អូបាម៉ា បានចេញ សេចក្តី ថ្លែង ការណ៍ថា យន្តហោះ ម៉ាឡេស៊ី ខាងលើនេះ គ្មានសមត្ថភាព អ្វីទប់ទល់នឹងការ វាយប្រហារនោះទេ ហើយវា ធ្វើដំណើរនៅលើផ្លូវអាកាស តែឯកឯងទៀត ដូច្នេះយន្តហោះ ងាយណាស់ នឹង ត្រូវគេបាញ់ ទម្លាក់ ៕</p>
<p><a class="thickbox" title="" href="/FileManager/Commons/2014/7/18/mh17052-18-07-2014--10-22-09.jpg"><img src="/FileManager/Articles/mce/2014/7/18/mh17052-18-07-2014--10-22-09.jpg" alt="" /></a></p>
<p><a href="/News/Detail/67810/malaysia-jet-crashes-in-east-ukraine-conflict-zone" target="_blank"><span style="color: #0000ff;">- អាន ៖ Updated : MH17 យន្តហោះ ម៉ាឡេស៊ី ផ្ទុះធ្លាក់ ឆេះយ៉ាងសន្ធោសន្ធៅ ទំនងមកពីការ បាញ់ទម្លាក់ ដោយម៉ីស៊ីល</span></a></p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ីអិនអិន និង ដើមអម្ពិល</p>