<div class="article-content">
<p><strong>ភ្នំពេញៈ</strong> ស្រ្តីម្នាក់ជាម្ចាស់ផ្ទះ លក់គ្រឿងក្រអូប ដូរលុយ និងថតរូប ត្រូវបានជនសង្ស័យ ពីរនាក់<br /> ចូលវាយ១ ញញួរចំកញ្ចឹងក បណ្តាលឲ្យរងរបួសធ្ងន់ សន្លប់ឈឹង បន្ទាប់វាយម្ចាស់ផ្ទះ ហើយជន<br />សង្ស័យ បាននាំគ្នាគេចខ្លួនទៅ ជាន់លើបាត់ នគរបាល ធ្វើការឡោមព័ទ្ធឃាត់ខ្លួន ជនសង្ស័យ<br />ពីរនាក់ នាំយកទៅសាកសួរ ប្រជាពលរដ្ឋ នៅកន្លែងកើតហេតុសង្ស័យថា ជាករណីប្លន់ ប៉ុន្តែ<br />នគរបាលសង្ស័យថា ជាករណីគំនុំ។ ហេតុការណ៍នេះកើត ឡើងកាលពីវេលា ម៉ោង៩ និង៣០<br /> នាទី ព្រឹកថ្ងៃទី២២ ខែកក្កដា ឆ្នាំ២០១៣ ស្ថិតនៅទល់មុខផ្សារទួលពង្រ ភូមិត្រពាំងរំចេក សង្កាត់<br />ចោមចៅ ខណ្ឌពោធិ៍ សែនជ័យ រាជធានីភ្នំពេញ។</p>
<p>លោកម៉ៃ សេង ឪពុកជនរងគ្រោះបានឲ្យដឹងថា កូនស្រីរបស់គាត់មានឈ្មោះម៉ៃ ផល្លីន អាយុ២៦<br />ឆ្នាំ មានមុខ របរលក់ដូរគ្រឿងក្រអូប ដូរលុយនិងថតរូប រងរបួសត្រង់កញ្ចឹងកយ៉ាងធ្ងន់ធ្ងរ សន្លប់<br />បាត់ស្មារតីឈឹងនៅនឹងកន្លែង ប្តីរបស់នាងមានឈ្មោះ កាន់ សុភាធន់ អាយុ ៣០ឆ្នាំជាងមានមុខ<br />របរ ជាកម្មករោងចក្រ អ្នកទាំងពីរ រស់នៅក្នុង ផ្ទះកើតហេតុ។ ចណែកឯជនសង្ស័យវិញ មានបក្ខ<br />ពួក ២នាក់ ពុំត្រូវបានគេ ស្គាល់អត្តសញ្ញាណនោះទេ ប្រដាប់ដោយញញួរ១។</p>
<p>ប្រជាពលរដ្ឋរស់នៅក្បែរកន្លែង កើតហេតុបានឲ្យដឹងថា មុនពេលកើតហេតុគេឃើញស្រ្តីរងគ្រោះ<br />នៅផ្ទះម្នាក់ឯងចំណែកប្តីរបស់នាងវិញ ទៅបំរើការងារ នៅក្នុងរោងចក្រ ខណៈនាងកំពុង តែរៀប<br />ចំអីវ៉ាន់ លក់ដូរនោះ ស្រាប់តែមានជនសង្ស័យពីរនាក់ ដើរចូលទៅក្នុងផ្ទះទំនង ដូចជាចង់ទិញ<br />អីវ៉ាន់ ប៉ុន្តែពេលទៅជិតជនរង គ្រោះ ស្រាប់តែ ដកញញួរក្បាលដែក ដងឈើ វាយទៅលើជនរង<br />គ្រោះ ចំកញ្ចឹងក ១ញញួរ បណ្តាលឲ្យនាងដួលដេក ទៅនឹងដី សន្លប់ ឈឹង ភ្លាមៗ នោះ អ្នកជិត<br />ខាងប្រទះ ឃើញទាន់ស្រែកឆោឡោឡើង ទើបធ្វើឲ្យជនសង្ស័យ ភ័យរត់គេចខ្លួន ឡើងទៅជាន់<br />លើបាត់ពុំ ទាន់យកអ្វីបាននោះទេ ។</p>
<p>ប្រជាពលរដ្ឋបានបន្តថា ភ្លាមៗនគរបាលបានចុះទៅដល់កន្លែងកើតហេតុហើយធ្វើការឡោមព័ទ្ធ<br /> ដើម្បីស្វែងរក ចាប់ ខ្លួនជនសង្ស័យ ហើយក្នុងនោះមានការសង្ស័យ ទៅលើគូរសង្សារ១គូរ ដែល<br />កំពុងសំងំនៅក្នុងបន្ទប់ជួលជាន់លើរួចក៏នាំយកទៅធ្វើការសាកសួរ ។ ចំណែកឯជនរងគ្រោះវិញ <br />ត្រូវបាននគរបាលហៅ រថយន្តសង្គ្រោះ របស់អង្គភាព ៧១១ កងពលតូចលេខ៧០ ដឹកយកទៅ<br />កាន់មន្ទីរ ពេទ្យព្រះកុសមៈ ហៅមន្ទីរពេទ្យលោកសង្ឃ ដើម្បីសង្គ្រោះអាយុជីវិតបន្ទាន់។</p>
<p>លោកប៊ន សំអាត អធិការនគរបាល ខណ្ឌពោធិ៍សែនជ័យ ដែលបានចុះទៅដល់កន្លែង កើត<br />ហេតុបានឲ្យដឹងថា ការចូលវាយដល់ក្នុងផ្ទះនេះ ទំនងជាករណីគំនុំ ពីព្រោះជនសង្ស័យ ពុំបាន<br />យកអ្វីទាំង អស់ គឺគ្រាន់តែ វាយ ជនរងគ្រោះរួចគេចខ្លួនតែម្តង ដោយបានបន្សល់ទុកញញួរ១ <br />និងកូនសោបន្ទប់១ចង្កោម ភ្លាមៗនោះ កម្លាំងរបស់លោកឃាត់ខ្លួនគូរសង្សារ១គូរ នាំយកទៅ<br />សាកសួរ ប៉ុន្តែវាគ្រាន់តែ សង្ស័យប៉ុណ្ណោះទេ។ ប៉ុន្តែទោះ បីយ៉ាងណាក៏ដោយលោក នឹងខិតខំ<br />ស្រាវ ជ្រាវស្វែងរកជនដៃ ដល់ ដើម្បីចាប់យកមកផ្តន្ទាទោសឲ្យខាងតែបាន។</p>
<p>បច្ចុប្បន្នជនរងគ្រោះកំពុងសម្រាកព្យាបាលបន្តនៅ មន្ទីរពេទ្យលោកសង្ឃ ចំណែកឯជនសង្ស័យ<br />ទាំងពីរត្រូវ ឃាត់ខ្លួន ជា បណ្តោះអាសន្ននៅប៉ុស្តិ៍ចោមចៅ ៕</p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0551.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0550.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0552.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>