<div class="article-content">
<p><strong>ភ្នំពេញៈ</strong> ជនសង្ស័យបានពីរនាក់ បានហៅអ្នករត់ម៉ូតូម្នាក់ ឌុបយកទៅទីកន្លែង ដែលគេណាត់<br />បក្ខពួក របស់គេជួប លុះទៅដល់កំពុង តែហូតកាបូបលុយ រាប់ឲ្យ ជនរងគ្រោះ ក៏ស្រាបតែគ្នា<br />របស់គេ មកដល់រួចហើយ ធ្វើសកម្មភាពវាយទៅលើជនរង គ្រោះទម្លាក់ប្រឡាយ ទឹករួចហើយ<br />នាំគ្នា ជិះម៉ូតូចេញទៅ២នាក់ នឹងពីរនាក់ទៀត រត់គាត់វាលស្រែទៅបាត់ទាំងអស់គ្នា ។</p>
<p>ហេតុការនេះកើតឡើង កាលពីវេលាម៉ោង ១៩និង២០នាទី ថ្ងៃទី២៥ ខែមិនា ឆ្នាំ២០១៣ ស្ថិតនៅ<br />ក្បែរប្រឡាយទឹក ភូមិចោមចៅ សង្កាត់ចោមចៅ ខណ្ឌពោធិ៍សែនជ័យ ។</p>
<p>ប្រភពព័ត៌មាន បានឲ្យដឹងថា ម៉ូតូដែលត្រូវក្រុមចោរ វាយប្លន់យកទៅ បាត់នោះម៉ាកសេ១២៥ ពណ៌<br />ខ្មៅសេរី ឆ្នាំ២០១២ ពាក់ស្លាកលេខ កំពត1E-1400 ម្ចាស់មាន ឈ្មោះ វ៉ាត ញេញ់ ភេទប្រុស អាយុ<br />២៨ ឆ្នាំមានមុខរបររត់ម៉ូតូឌុបស្នាក់ផ្ទះជួលភូមិជម្ពូវ័ន្ត សង្កាត់ចោមចៅ ខណ្ឌពោធិ៍សែនជ័យត្រូវក្រុម<br />ចោរ វាយបែកមាត់និង ជាំភ្នែក (ការវាយនេះ គឺវាយដោយដៃនោះទេ)ចំណែកឯក្រុមចោរវិញ មាន<br />គ្នា ៤នាក់ ពុំត្រូវគេស្គាល់ អត្តសញ្ញាណនោះ ទេ មធ្យោបាយថ្មើរជើង គេចខ្លួនបាត់ទាំងអស់គ្នា។</p>
<p>ប្រភពបានបន្តទៀតថា មុនពេលកើតហេតុមាននារីម្នាក់ បានហៅជនរងគ្រោះឌុប មកម្តុំជញ្ជីងចោម<br />ចៅ ពេលមកដល់ដាក់នាងរួច ហើយជិះម៉ូតូចេញបានប្រមាណជា២០ម៉ែត្រ ស្រាប់តែជួបជនសង្ស័យ<br />ពីរនាក់ បានហៅឲ្យទៅម្តុំភូមិចោមចៅ ដោយឲ្យតម្លៃ៤ពាន់រៀល ពេលទៅដល់ម្តុំកែង ហ្គារ៉ាសសាំង<br /> ឲ្យជនរងគ្រោះឌុបចូល ក្នុងប្រមាណ ជា ៤០០ម៉ែត្រទៀត ពេលទៅដល់ជនសង្ស័យទាំងពីរនាក់បាន<br />ធ្វើជាហូតលុយឲ្យជនរងគ្រោះ ប៉ុន្តែខណៈបំរុង រាប់លុយឲ្យជនរងគ្រោះនោះ ក៏ស្រាប់ តែឃើញបក្ខ<br />ពួក របស់គេ២នាក់ទៀត ចេញមករួចហើយ ក៏ធ្វើសកម្មភាព វាយដាល់ជនរងគ្រោះទម្លាក់ប្រឡាយ<br />ទឹក រួចហើយជិះម៉ូតូរួចហើយ បក្ខពួករបស់គេពីរនាក់ បានឡើងជិះម៉ូតូ របស់ជនរងគ្រោះគេចខ្លួនទៅ<br />បា់ត់ដោយសុវត្ថិភាព និងគ្នារបស់គេ២នាក់ទៀតរត់កាត់វាលស្រែ ។</p>
<p>ប្រភពបានបន្តថា ភ្លាមៗ នោះនគរបាល ខណ្ឌបានសហការ ជាមួយនគរបាលប៉ុស្តិ៍ចុះទៅដល់កន្លែង<br />កើតហេតុ បាននាំជនរងគ្រោះមកដាក់ ពាក្យបណ្តឹង នៅប៉ុស្តិ៍ចោមចៅ និងបានតាមរុករកមុខសញ្ញា<br />ពេលវាលទាំងយប់ ប៉ុន្តែដោយសារស្ថានភាពនៅ នោះមានសភាពស្មុគស្មាញពេក ធ្វើឲ្យក្រុមចោររត់<br />រួចបាត់ ។</p>
<p>ប្រភពបានបន្តថា សកម្មភាពបែបនេះ គឺកើតឡើងច្រើនលើករួចមកហើយនៅម្តុំនេះ ព្រោះជនសង្ស័យ<br /> តែងតែហៅជនរងគ្រោះ ជាអ្នករត់ ម៉ូតូឌុបយកទៅទីនោះរួច ហើយធ្វើសកម្មភាពវាយប្លន់តែម្តង ដូច្នេះ<br />មុខសញ្ញា នេះទំនងជាមុខ សញ្ញាដដែល ប៉ុណ្ណោះ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-011/Hong-0388.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>