<div class="article-content">
<p><strong>ភ្នំពេញ៖</strong> ប្រេសិតអង្គការ សហប្រជាជាតិ ទទួលបន្ទុកកិច្ចសិទ្ធិមនុស្ស នៅកម្ពុជា លោក សូរិយា ប្រាសាទ ស៊ូប៊ែឌី កំពុងតែថ្លែងនៅក្នុងសន្និសីទ កាសែតមួយ នៅរសៀលថ្ងៃទី១៦ ខែមករា ឆ្នាំ ២០១៤ នាការិយាល័យរបស់ OHCHR ក្នុងដំណើរបំពេញបេសកកម្ម លើកទី១០ របស់លោក នៅកម្ពុជា។</p>
<p>នៅក្នុងសន្និសីទ លោក ស៊ូប៊ែឌី បានធ្វើបទបង្ហាញផងដែរ អំពីខ្លឹមសំខាន់ៗ មួយចំនួនដែលត្រូវ បានលើកឡើង ក្នុងដំណើរបេសកកម្ម របស់លោក ហើយលោក ក៏នឹងផ្តល់វេទិកាសួរឆ្លើយ ដល់ អ្នកកាសែតផងដែរ ទាក់ទងនឹង អណត្តិការងារបស់លោក។ លោក បានមកបំពេញទស្សនកិច្ច នៅកម្ពុជា ចាប់តាំងពីថ្ងៃទី១២ ខែមករា បន្ទាប់ពីលោក កាន់តំណែងនេះ ក្នុង ឆ្នាំ២០០៩។</p>
<p>ក្នុងដំណើរទស្សនកិច្ចនេះ លោកបានជួបសម្តែងការគួរសម និងពិភាក្សាការងារជាមួយ សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃ ព្រះរាជាណាចក្រកម្ពុជា និងមន្រ្តីអង្គការ សង្គមស៊ីវិល មួយចំនួន ផងដែរ ប៉ុន្តែលោក មិនបានទៅចូលរួម អង្កេតការណ៍ព្រឹត្តិការណ៍ ដែល មេដឹកនាំ គណបក្សប្រឆាំង ចូលទៅបំភ្លឺ នៅសាលាដំបូងរាជធានីភ្នំពេញ កាលពីថ្ងៃទី១៤ ខែមករា ដូចការលើកឡើងរបស់ មេដឹកនាំគណបក្ស ប្រឆាំងនោះទេ ៕</p>
<p style="text-align: center;"><img src="http://image.dap-news.com:81/dap-news/dap-images/2014/January/id-014/that-0174.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/79281-2014-01-16-07-14-19.html"><span style="color: #0000ff;">ដើមអំពិល</span></a></p>
</div>