<p>ពីសិស្សកម្ជិល និងតែងតែគេចសាលា ដើម្បីបានដើរលេង ប៉ុន្ដែ ក្រោយមក Heshan de Silva <br />ក៏បានភ្ញាក់ខ្លួន និងបានផ្ដើមរកស៊ី ចាប់ពីអាយុ ១៨ឆ្នាំ ហើយក៏រកបានប្រាក់រាប់លានដុល្លារ <br />ពេលមានអាយុ ២៥ឆ្នាំ។</p>
<p style="text-align: center;"><a class="thickbox" title="" href="/FileManager/Commons/2014/5/4/silvajpgdgsdg-04-05-2014--09-46-51.jpg"><img src="/FileManager/Articles/mce/2014/5/4/silvajpgdgsdg-04-05-2014--09-46-51.jpg" alt="" /></a></p>
<p style="text-align: center;">Heshan de Silva ក្លាយជាសេដ្ឋី ក្នុងវ័យ ២៥ឆ្នាំ<br /><br /></p>
<p style="text-align: left;">កាលពី ៩ឆ្នាំមុន ក្នុងវ័យ ១៦ឆ្នាំ Heshan de Silva បានចាកចេញពី ប្រទេសកេនយ៉ា ទៅកាន់<br />អាមេរិក ដោយមានបំណងបន្តការសិក្សានៅមហាវិទ្យាល័យ។ ដោយវប្បធម៌មានភាពខុសគ្នា<br />ខ្លាំងពេក de Silva មិនអាចតាមទាន់មិត្តរួមថ្នាក់របស់ខ្លួន ដែលពួកគេកាន់ចង្កូតរថយន្ដ Ferrari <br />តាំងតែពីអាយុ ១៨ឆ្នាំ ដូច្នេះ de Silva ក៏បែកគំនិត គេចសាលា ដើរលេងជាមួយក្រុមមិត្តភ័ក្ដិដទៃ<br />របស់ខ្លួន។de Silva និយាយនៅលើទំព័រ Business Beat ថា “ខ្ញុំចង់លេចធ្លោ ទាក់ទាញចំណាប់<br />អារម្មណ៍ពីក្រុមមនុស្សដែលមានរថយន្ដ Ferrari ហើយចូលរួមជាមួយពួកគេ”។<br /><br />ដើម្បីបម្រើដល់ជីវភាពបែបកូនអ្នកមាន Silva ត្រូវការប្រាក់យ៉ាងច្រើន ពេលនោះ គាត់រកឃើញ<br />ថា ខ្លួនអាចចំណាយពេល និងគំនិត ដើម្បីរកប្រាក់ ដោយការសរសេរមេរៀន ឬសរសេរអត្ថបទ<br />ទាក់ទិននឹងកិច្ចការសាលា ជំនួសក្រុមសិស្សដែលចូលចិត្តដើរលេង ច្រើនជាងការសិក្សា។ ក្នុង<br />ពេលតែមួយយប់ Silva អាចរកបាន ៥០០ដុល្លារ ហើយយកប្រាក់នេះ ផឹកស្រា លេងសើច។ល។<br /><br />ក៏ប៉ុន្ដែ នៅពេលដឹងខ្លួន Silva ឃើញថា ខ្លួនកំពុងដើរផ្ទុយពីក្ដីសង្ឃឹមរបស់ពុកម្ដាយ។ គាត់ថ្លែង<br />ថា “ខ្ញុំយល់ថា ខ្លួនឯងពិតជាគ្មានបានការ ហើយធ្វើឱ្យពុកម្ដាយអស់សង្ឃឹម។ ពេលខ្លះ ខ្ញុំថែម<br />ទាំងចង់សម្លាប់ខ្លួនទៀតផង”។ បន្ទាប់មក ពុកម្ដាយរបស់ Silva បានមកកាន់អាមេរិកដោយផ្ទាល់<br /> ហើយក៏នាំ Silva ពីមណ្ឌលកែប្រែ ត្រឡប់ទៅស្រុក និងឱ្យគាត់ចូលរៀននៅសាលាមួយ នៅទ្វីប<br />អាហ្វ្រិក។<br /><br />មានពេលមួយនោះ Silva បានធ្វើដំណើរទៅកាន់មណ្ឌលកែប្រែមួយចំនួន ដើម្បីចែករំលែកបទ<br />ពិសោធ និងលើកទឹកចិត្តដល់មនុស្សដែលមានស្ថានភាពដូចខ្លួន។ ក្នុងអំឡុងពេលនោះ Silva <br />បានជួបមនុស្ស ៣នាក់ ដែលមានគំនិតលក់ធានារ៉ាប់រងដល់ក្រុមភ្ញៀវដែលធ្វើដំណើរតាមរថ<br />យន្តក្រុង ផ្លូវឆ្ងាយ។ ប្រភេទធានារ៉ាប់រងនេះ ត្រូវបានដាក់នៅលើសំបុត្ររថយន្ត និងមានតម្លៃ <br />០,០៥ដុល្លារ ហើយអាចទិញតាមរយៈការហៅទូរស័ព្ទ។ តមកទៀត អ្នកទាំង ៤ បានបង្កើតក្រុម<br />ហ៊ុនមួយដែលមានឈ្មោះថា VenCap ។ ពេលនោះ Silva មានអាយុ ១៨ឆ្នាំ បានវិនិយោគ ៨៦<br />ដុល្លារ និងកាន់កាប់ភាគហ៊ុន ចំនួន ៨០% ។ ចុងឆ្នាំដដែលនោះ ក្រុមហ៊ុនរបស់ពួកគេ រកបាន<br /> ១,០៤លានដុល្លារអាមេរិក។<br /><br />ក្រោយមកទៀត Heshan de Silva ដឹងថា ការផ្ដល់ទុនដល់បណ្ដាក្រុមហ៊ុន អាជីវកម្ម ដើម្បីប្ដូរ<br />យកភាគហ៊ុន ក៏ជាឱកាសដ៏ល្អសម្រាប់រកប្រាក់។ ប្រការ បានជម្រុញឱ្យគាត់ បង្កើតក្រុមហ៊ុនមេ<br /> De Silva ម្ចាស់មូលនិធិ DSGVenCap ។ មកដល់ពេលនេះ DSGVenCap បានវិនិយោគទៅលើ<br />គំនិតអាជីវកម្មចំនួន ២២០០០ និងបង្កើតបានក្រុមហ៊ុន ជាង ១៧០០០។ Silva ឱ្យដឹងថា “នៅ<br />ក្នុងក្រុមហ៊ុននិមួយៗ ភាគហ៊ុនរបស់ខ្ញុំ គឺមិនលើសពី ៤០% នោះទេ។ ខ្ញុំតែងជឿជាក់លើពួក<br />គេ” ។<br /><br />ដោយសារតែការវិនិយោគ ទទួលបានជោគជ័យដល់ទៅ ៧០% ក្នុងនោះ មានក្រុមហ៊ុនចំនួន<br /> ៣ ត្រូវបានកំណត់តម្លៃថា ខ្ពស់ជាង ១០លានដុល្លារ ពេលនេះ ទ្រព្យរបស់ Silva បានឡើងដល់<br /> ១១,៥លានដុល្លារ។ <br /><br />មកទល់នឹងពេលនេះ Silva មិនទាន់ត្រឡប់ទៅសាលាដើម្បីទទួលសញ្ញាបត្រ ព្រោះគិតថា វា<br />គ្រាន់តែជាក្រដាស់មួយសន្លឹកប៉ុណ្ណោះ។ Silva ថ្លែងថា “សញ្ញាបត្រមហាវិទ្យាល័យ នឹងជួយឱ្យ<br />អ្នក មានតម្លៃខ្ពស់ ពិសេសគឺនៅពេលទៅសុំការងារ។ ប៉ុន្ដែ ការដែលគិតថា វាគឺជាគន្លឹះសម្រាប់<br />ធានាដល់ជោគជ័យនោះ គឺគួរឱ្យអស់សំណើច”។<br /><br />ទស្សនាវដ្ដី Forbes បានជ្រើសរើស Silva ទៅក្នុងបញ្ជីនៃអ្នកជំនួញដែលមានអនាគតបំផុត នៅ<br />អាហ្វ្រិក សម្រាប់ឆ្នាំនេះ។ កាលពីឆ្នាំទៅ Silva ក៏ធ្លាប់មានឈ្មោះ នៅក្នុង top 10 នៃបណ្ដាមនុស្សដែលមានឥទ្ធិពលបំផុតក្នុងទ្វីបនេះផងដែរ៕</p>
<p style="text-align: center;"><object width="488" height="418" data="http://www.youtube.com/v/VGT-nR5TTVA&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/VGT-nR5TTVA&rel=1" /></object></p>
<p><object style="display: block; margin-left: auto; margin-right: auto;" width="485" height="416" data="http://www.youtube.com/v/CXaoLr_tCDU&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/CXaoLr_tCDU&rel=1" /></object></p>
<p> </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ brandkenya/Youtube</p>
<p> <br /><br /></p>