<div class="article-content">
<p><strong>បាត់ដំបងៈ</strong> ពីមុនតែងមានអំពើចោរលួចគោ កាប់យកសាច់លក់ចល័ត ដែលបន្សល់ទុក គ្រោងឆ្អឹង និង គ្រឿងក្នុងចោលនេះ បានបាត់សកម្មភាពនេះ ជាយូរឆ្នាំហើយ តែឥឡូវនេះចាប់ផ្តើមមានសកម្មភាពនេះ ឡើងវិញហើយ នៅស្រុកមោងឬស្សី ជាក់ស្តែងនៅយប់រំលងអាធ្រាត្រ ថ្ងៃទី១៧ ខែសីហា ឆ្នាំ២០១៤ នៅចំណុចវាលស្រែតាមាវ ស្ថិតក្នុងភូមិ-ឃុំមោង ស្រុកមោងឬស្សី ត្រូវបានអ្នកច្រូតស្មៅគោ បានប្រទះ ឃើញឆ្អឹងជើង និងគ្រឿងក្នុង សត្វគោ ដែលត្រូវចោរលួចយកទៅកាប់ យកសាច់អស់ នៅព្រឹកព្រលឹម ថ្ងៃដដែល ទើបដឹងដល់ម្ចាស់ ហើយសមត្ថកិច្ចបានចុះទៅពិនិត្យ និងតាមស្រាវជ្រាវរកមុខសញ្ញា ដើម្បី ចាប់ខ្លួនជនសង្ស័យយកមកដាក់ទោសពេលក្រោយ ។</p>
<p>លោក សោម រ៉ាវុធ មន្រ្តីអាវុធហត្ថ ស្រុកមោងឬស្សីបានឲ្យដឹងថា ជនរងគ្រោះដែលត្រូវចោរលួចគោ ផើមមេពូជ ១ ក្បាលនោះ មានឈ្មោះ ដោក ពេញ ភេទប្រុស អាយុ ៥៣ឆ្នាំ រស់នៅភូមិចុងប្រឡាយ ឃុំ តាលាស់ ស្រុកមោងឬស្សី ។ ចំណែកក្រុមចោរលួចគោ មិនស្គាល់អត្តសញ្ញាណ បានរត់គេចខ្លួនបាត់ បន្ទាប់ពីបានធ្វើសកម្មភាពរួច ។</p>
<p>លោក សោម រ៉ាវុធ បានបញ្ជាក់ថា សកម្មភាពក្រុមចោរលួចគោ កាប់យកសាច់ចល័តរបៀបនេះ បាន បាត់ករណីនេះជាច្រើនឆ្នាំមកហើយ ទើបតែពេលនេះ ក៏មានលេចឮសកម្មភាព ក្រុមចោរប្រភេទនេះ សារជាថ្មី នៅលើទឹកដីស្រុកមោងឬស្សី តែទោះជាយ៉ាងណាក៏ដោយ សមត្ថកិច្ច កំពុងតាមស្វែងរកមុខ សញ្ញាបក្ខពួក ក្រុមចោរទាំងនេះ យកមកដាក់ទោស ឲ្យបាននៅពេលក្រោយជាមិនខាន ។</p>
<p>គួបញ្ជាក់ថា កាលពីប៉ុន្មានឆ្នាំមុន ក្រុមចោរលួចគោទាំងនេះ បានធ្វើសកម្មភាពលួចគោបានហើយ លើក ដាក់លើរថយន្តបណ្តើរភ្លះយកសាច់បណ្តើរ រួចទម្លាក់ឆ្អឹងចោល ដោយមានជំនាញ បំផុតមិនងាយនឹង ចាប់បានឡើយ ។</p>
<p>អាជ្ញាធរដែនដី និងសមត្ថកិច្ចមូលដ្ឋាន បានអំពាវនាវដល់ប្រជាពលរដ្ឋទាំងអស់ថា សូមបងប្អូនបង្កើន ការប្រុងប្រយ័ត្នខ្ពស់ កុំប្រហែសឲ្យសោះ និងសហការគ្នាតាមរកមុខសញ្ញាក្រុមចោរលួចទាំងនេះ ដើម្បី ផ្តន្ទាទោសតាមច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2014/August/id-015/T-0347.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-015/T-0348.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-015/T-0349.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-015/T-0350.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-015/T-0351.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-015/T-0352.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-015/T-0353.jpg" alt="" width="500" /></p>
</div>
<p style="text-align: right;"><a href="http://www.dap-news.com/2011-06-14-02-39-55/92997-2014-08-18-02-25-22.html" target="_blank">ផ្តល់សិទ្ធដោយ ៖ ដើមអម្ពិល</a></p>