<p><span style="color: #000000;"><strong>ភ្នំពេញ ៖</strong> លោកឧត្ដមសេនីយ៍ ម៉ក់ ជីតូ អគ្គស្នងការរងនគរបាលជាតិ ទទួលផែន ប្រឆាំងបទល្មើសគ្រឿងញៀន នៅវេលាម៉ោង ២និង៣៧នាទីរសៀលថ្ងៃទី២០ ខែមិថុនា ឆ្នាំ២០១៥នេះ បានបង្ហាញមុខ ក្រុមជួញដូរគ្រឿងញៀន ដ៏ធំនៅកម្ពុជា និង វត្ថុតាងជាគ្រឿងញៀនជិត៥៥គីឡូក្រាម ដែលត្រូវបានបង្ក្រាបនិងដកហូតក្នុងរយៈពេល ប៉ុន្មានថ្ងៃមកនេះ មុនពេលបញ្ជូនទៅកាន់សាលាដំបូងរាជធានីភ្នំពេញ ដើម្បីបន្ដការសួរនាំនិងចាត់វិធានការតាមផ្លូវច្បាប់ ។</span></p>
<p><span style="color: #000000;">សូមបញ្ជាក់ថា ការបង្ហាញមុខមេជួញដូរ គ្រឿងញៀនដ៏ធំនៅពេលនេះ គឺមានជន សង្ស័យចំនួន៣នាក់ ក្នុងនោះបុរសពីរនាក់ ជាជនជាតិចិន និងស្ដ្រីខ្មែរ ដែលត្រូវបានកម្លាំងនគរបាលមន្ទីរប្រឆាំងគ្រឿងញៀនក្រសួងមហាផ្ទៃ ចុះបង្ក្រាបនិងចាប់ខ្លួនបាននៅ៥គោលដៅ ក្នុងរាជធានីភ្នំពេញ ព្រមទាំងចាប់មេខ្លោង ម្នាក់ទៀត នៅឯខេត្ដស្ទឹងត្រែង ។</span></p>
<p><span style="color: #000000;">នេះជាប្រតិបត្ដិការដ៏ធំលើកដំបូងនៅ កម្ពុជា ដែលត្រូវបានបង្ក្រាបនៅពេលនេះ ដោយដកហូតថ្នាំញៀន រាប់សិបគីឡូក្រាមបែបនេះ។</span></p>
<p><span style="color: #000000;">សូមជម្រាបថា ប្រតិបត្តិការបង្ក្រាបគ្រឿងញៀនទ្រង់ទ្រាយធំនេះ ត្រូវបានធ្វើឡើងជាបន្តបន្ទាប់នៅរាជធានីភ្នំពេញ និងខេត្តស្ទឹងត្រែង លើ៥គោលដៅផ្សេងៗគ្នា៖</span></p>
<p><span style="color: #000000;">គោលដៅទី១៖ នៅចំណុចផ្ទះលេខសេ១៩ ផ្លូវបេតុងក្នុងបូរីពេញចិត្ត សង្កាត់ឬស្សីកែវ ខណ្ឌឬស្សីកែវ បានឃាត់ខ្លួន ជនសង្ស័យម្នាក់ ឈ្មោះ ផល រ៉ានី ភេទស្រី ជនជាតិខ្មែរ អាយុ២២ឆ្នាំ ដែលត្រូវជាភរិយា របស់មេក្លោង។ ក្នុងការឆែកឆេបានរកឃើញម្សៅក្រាមសង្ស័យគ្រឿងញៀន (ice) ចំនួន ០៧កញ្ចប់ធំ ជញ្ជីងថ្លឹង ២គ្រឿង ថង់សម្រាប់ច្រកគ្រឿងញៀនមួយចំនួន ម៉ាស៊ីនសម្ងួត១គ្រឿង និងទូដែកចំនួន១ទូ។</span></p>
<p><span style="color: #000000;">គោលដៅទី២៖ បន្តឆែកឆេរបន្ទប់ជួលលេខ៦១៥ នៃអាផាតមិន LEE ផ្លូវលេខ៣៨៤ សង្កាត់ទួលស្វាយព្រៃ១ ខណ្ឌចំការមន បានឃាត់ខ្លួនជនសង្ស័យម្នាក់ ឈ្មោះ LI YONG ភេទប្រុសជនជាតិចិន មុខរបរបច្ចេកទេស ផ្សំថ្នាំញៀន។ ជាលទ្ធផលរកឃើញវត្ថុតាងរួមមានម្សៅក្រាមសង្ស័យគ្រឿងញៀន (ice) ចំនួន ១៤កញ្ចប់(៦កញ្ចប់ធំ-៨កញ្ចប់តូច) និងជញ្ជីងសំរាប់ថ្លឹងគ្រឿងញៀន១គ្រឿង ។</span></p>
<p><span style="color: #000000;">រគោលដៅទី៣៖ បន្ដឆែកឆេរបន្ទប់ជួល៧ Apartment លាលូន សង្កាត់ទួលទំពូង១ ខណ្ឌចំការមន ឃាត់ខ្លួនជនសង្ស័យម្នាក់ ឈ្មោះ DENG YUAN PING ភេទប្រុស ជនជាតិចិន កើតឆ្នាំ១៩៦២ ជំនាញខាងមន្ទីរពិសោធន៍ និងចាប់យកវត្ថុតាង ice ០១កញ្ចប់ wy ៣០គ្រាប់ និងចាប់ បានមេក្លោងដែលជាអ្នកដឹកនាំក្នុងការជួញដូររក្សាទុក កែច្នៃគ្រឿងញៀន ឈ្មោះ លីវ ស៊ឺ នៅខេត្តស្ទឹងត្រែង។ សរុបលទ្ធផលប្រត្តិបត្តការនេះ គឺសមត្ថកិច្ចបានបង្ក្រាបគ្រឿងញៀនចំនួន ៥៤៥៩៩,៦០ក្រាមនិងពីរគោលដៅទៀត ។</span></p>
<p><span style="color: #000000;"><img src="http://image.dap-news.com:81/dap-news/dap-images/2015/June/id-011/Hong-0946.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/June/id-011/Hong-0947.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/June/id-067/CH-01150.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/June/id-067/CH-01151.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/June/id-067/CH-01152.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/June/id-067/CH-01153.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/June/id-067/CH-01154.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/June/id-067/CH-01155.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/June/id-067/CH-01156.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/June/id-067/CH-01157.jpg" alt="" width="550" /></span></p>
<p style="text-align: right;"><br /><span style="color: #000000;">ផ្ដល់សិទ្ធដោយ៖ ដើមអម្ពិល</span></p>