<p>បច្ចុប្បន្នមានទស្សនាវដ្ដីជាច្រើន ដែលបានបោះពុម្ភផ្សាយ នៅលើទីផ្សារ ដោយទស្សនាវដ្ដី នីមួយៗ ផ្ដោតទៅលើមាតិកាផ្សេងៗគ្នា។ មានទស្សនាវដ្ដីខ្លះ បោះពុម្ភផ្សាយជា រៀងរាល់សប្ដាហ៍ ខ្លះទៀតជាចេញផ្សាយរាល់ខែ និងមានខ្លះទៀត ចេញផ្សាយរាល់បីខែម្ដង។</p>
<p>លោកអ្នកមានឆ្ងល់ទេថា ហេតុអ្វីទស្សនាវដ្ដីខ្លះ ចេញផ្សាយរាល់បីខែម្ដង ទស្សនាវដ្ដីខ្លះមានតម្លៃថ្លៃ និងទស្សនាវដ្ដីខ្លះចេញ លក់តែប៉ុន្មានរយក្បាល? ទាំងនេះដោយសារតែមានទស្សនាមួយចំនួន បោះពុម្ភឡើងសម្រាប់ តែអ្នកមានលុយអាន។ អ្នកប្រហែលជាមិនជឿទេថា វាបង្កើតឡើងតែ សម្រាប់អ្នកមាន? ច្បាស់ណាស់ព្រោះថា ទស្សនាវដ្ដីទាំងនោះ មានតម្លៃថ្លៃ ហើយមាតិកានៅក្នុង នោះអាចមើលយល់ តែសម្រាប់អ្នកមាន។</p>
<p>ខាងក្រោមនេះជា ទស្សនាវដ្ដីទាំង ១០សម្រាប់អ្នកមានអាន៖</p>
<p><strong>១០. ទស្សនាវដ្ដី Dolce Vita (តម្លៃ ៣៨ដុល្លារអាមេរិកក្នុងមួយក្បាល)</strong></p>
<p>ទស្សនាវដ្ដី Dolce Vita បានជាប់នៅក្នុង លំដាប់ថ្នាក់ទី១០ នៃទស្សនាវដ្ដី សម្រាប់អ្នកមាន ដែលមានតម្លៃ ២៨ដុល្លារអាមេរិក ក្នុងមួយក្បាល។ ទស្សនាវដ្ដីនេះ ចេញលក់បីខែម្ដង ពោលគឺមួយ ឆ្នាំចេញបួនដង សរុបជិត ៣០ម៉ឺនក្បាលក្នុងមួយឆ្នាំ។ មាតិកានៅក្នុងទស្សនាវដ្ដីនេះ មានដូចជាគ្រឿងអលង្កា រថយន្ត Fashion ពាណិជ្ជកម្មអន្តរជាតិ សហគ្រិនជាន់ខ្ពស់ រមណីយដ្ឋាន និងអចលនទ្រព្យ។</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0627.jpg" alt="" width="600" /></p>
<p><strong>៩. ទស្សនាវដ្ដី Islands (តម្លៃ៣៩,៦០ដុល្លារអាមេរិកក្នុងមួយក្បាល)</strong></p>
<p>ទស្សនាវដ្ដី Islands បានចាប់ផ្ដើមបោះពុម្ភផ្សាយ ជាលើកដំបូងតាំងពីឆ្នាំ ១៩៨១ ដែលមកដល់ពេលនេះ ចេញផ្សាយ ៨ដងក្នុងមួយឆ្នាំ ដែលផ្ដោតសំខាន់ទៅលើ ការធ្វើដំណើរផ្សងព្រេង។ នៅក្នុងនោះ ក៏មាននិយាយផងដែ រអំពីសិល្បះនៃ ការរស់នៅ ជីវប្រវត្តិ និងអាហារ ដោយក្នុងមួយឆ្នាំ មានអ្នកអានទស្សនាវដ្ដីនេះចំនួន ៣០០.០០០នាក់។</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0628.jpg" alt="" width="600" /></p>
<p><strong>៨.ទស្សនាវដ្ដី Yachts International (តម្លៃ៤១,៩៤ដុល្លារអាមេរិកក្នុងមួយក្បាល)</strong></p>
<p>Yachts International ជាទស្សនាវដ្ដីមួយ ដែលនិយាយអំពីទូក(នាវា) ស៊េរីទំនើបៗ និងមានតម្លៃថ្លៃ។ នៅក្នុងទស្សនាវដ្ដីនេះ <span style="line-height: 1.8;">និយាយលម្អិតអំពីទូក ដែលជាទីចាប់អារម្មណ៍ ដល់ពួកអ្នកមាន ឬមហាសេដ្ឋី និយាយអំពីអ្នករចនាម៉ូដទូក ក្រុមហ៊ុនរចនា និងទូកសម្រាប់ប្រើជា លក្ខណៈអន្តរជាតិ។ ក្នុងមួយឆ្នាំ ទស្សនាវដ្ដីទូកនេះ ចេញផ្សាយតែ ៦ដងប៉ុណ្ណោះ ប៉ុន្តែវាបានក្លាយទៅជា ទស្សនាវដ្ដីដែលល្អ សម្រាប់អ្នកមានលំដាប់ទី៨។</span></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0629.jpg" alt="" width="600" /></p>
<p><strong>៧.ទស្សនាវដ្ដី Plane and Pilot (តម្លៃ ៤៣,៨៩ដុល្លារអាមេរិកក្នុងមួយក្បាល)</strong></p>
<p>ជាទស្សនាវដ្ដីស៊េរីទំនើប មួយផ្សេងទៀតដែល អ្នកមានភាគច្រើនចូលចិត្ត និងនិយមអាន ព្រោះវាផ្ដោតសំខាន់ទៅ លើជីវិតដែលចូលចិត្ត បើយន្ដហោះជា លក្ខណៈឯកជន។ សម្រាប់អ្នកដែល សម្រេចចិត្តចង់ ទិញយន្តហោះខ្នាត តូចទុកសម្រាប់បើកបរ ផ្ទាល់ខ្លួនគឺអាចអាន ទស្សនាវដ្ដីនេះ ដើម្បីបង្កើនចំណេះ។ ទស្សនាវដ្ដីនេះ ចេញផ្សាយ ១១លេខក្នុងមួយឆ្នាំ ដែលមួយក្បាលមានតម្លៃ ៤៣,៨៩ដុល្លារអាមេរិក។</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0630.jpg" alt="" width="600" /></p>
<p><strong>៦.ទស្សនាវដ្ដី Saveur (តម្លៃ ៤៥ដុល្លារអាមេរិកក្នុងមួយក្បាល)</strong></p>
<p>ជាទស្សនាវដ្ដីមួយ ផ្ដោតសំខាន់តែ នៅលើម្អូបអាហារ ដែលចេញផ្សាយ ៩លេខក្នុងមួយឆ្នាំ និងមានតម្លៃ ៤៥ដុល្លារអាមេរិកក្នុងមួយក្បាល។ នៅក្នុងទស្សនាវដ្ដីនេះ និយាយលម្អិតទៅលើ ម្អូបអាហារដែលល្អដាច់គេ ប្រចាំតំបន់នីមួយៗ ប៉ុន្តែក៏មាននិយាយអំពី កាហ្វេដែលមាន រសជាតិឆ្ងាញ់ផងដែរ។ </p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0631.jpg" alt="" width="600" /></p>
<p><strong>៥. ទស្សនាវដ្ដី Unique Homes (តម្លៃ ៤៧,៩៤ដុល្លារអាមេរិកក្នុងមួយក្បាល)</strong></p>
<p>ជាទស្សនាវដ្ដីតែមួយគត់ ដែលនិយាយអំពីសំណង នៅលំនៅដ្ឋានដ៏ ប្រណិតសម្រាប់ អ្នកដែលទ្រព្យ។ ផ្ទះដែលត្រូវបានទស្សនាវដ្ដី មួយនេះចុះផ្សាយគឺជា ផ្ទះល្អឯកប្រចាំតំបន់ ដែលចេញផ្សាយ ៦លេខក្នុងមួយឆ្នាំ។ ទស្សនាវដ្ដីនេះភាគច្រើន ត្រូវបានគេសង្កេតឃើញថា អ្នកដែលទើបនឹងរៀបការរួច ហើយចង់បានបង្កើត គ្រួសារមួយដែលប្រកប ដោយសុភមង្គល និងលំនៅដ្ឋានដ៏ល្អប្រណិត។</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0632.jpg" alt="" width="600" /></p>
<p><strong>៤. ទស្សនាវដ្ដី Upscale Living (តម្លៃ ៥០ដុល្លារអាមេរិកក្នុងមួយក្បាល)</strong></p>
<p>Upscale Living ជាទស្សនាវដ្ដីដែល និយាយពីជីវិតរស់នៅ ក្នុងពិភពអស្ចារ្យ ប្រកបដោយសម្ភារទំនើបៗ។ សម្រាប់អ្នកដែល បានអានទស្សនាវដ្ដីនេះ នឹងចង់រសនៅដូចរូបភាព ដែលបានចុះផ្សាយនៅ លើទំព័រទស្សនាវដ្ដី ព្រោះថាគ្រប់ទំព័រនីមួយៗ សុទ្ធតែបង្ហាញពី ជីវិតស្រស់ថ្លា។ ព្រមជាមួយគ្នានោះ ក៏ចុះផ្សាយផងដែរអំពីផ្ទះ ឧបករណ៍កម្សាន្តបំពាក់ នៅក្នុងលំនៅដ្ឋាន រថយន្តស៊េរីទំនើប។</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0633.jpg" alt="" width="600" /></p>
<p><strong>៣. ទស្សនាវដ្ដី Architectural Digest (តម្លៃ៧១ដុល្លារអាមេរិកក្នុងមួយក្បាល)</strong></p>
<p>Architectural Digest ជាទស្សនាវដ្ដីដែលនិយាយ អំពីស្ថាបត្យកម្មផ្សេងៗ នៅលើពិភពលោក ទាំងការសាងសង់ និងការរចនា។ ទស្សនាវដ្ដីនេះ ចេញផ្សាយប្រចាំខែ ដោយមានតម្លៃ ៧១ដុល្លារអាមេរិក ក្នុងមួយក្បាល ដោយនៅក្នុងនោះ ចុះផ្សាយអំពីសំណងផ្សេងៗ ដែលមានភាពអស្ចារ្យ មិនថាផ្ទះ ផ្លូវ ស្ពាន ថ្នាល់នោះទេ។</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0634.jpg" alt="" width="600" /></p>
<p><strong>២. ទស្សនាវដ្ដី Super Motors (តម្លៃ១០២ដុល្លារអាមេរិកក្នុងមួយក្បាល)</strong></p>
<p>ជាទស្សនាវដ្ដីដែលនិយាយ អំពីរថយន្តស៊េរីទំនើបៗ ចេញផ្សាយ ៦លេខក្នុងមួយឆ្នាំ លក់ក្នុងតម្លៃ១០២ដុល្លារអាមេរិក ក្នុងមួយក្បាល។ នៅក្នុងទស្សនាវដ្ដីបាន ចុះផ្សាយអំពីរថយន្ត និងម៉ូតូដែលមាន ទើបនឹងចេញ ហើយសុទ្ធសឹងតែជារថយន្ត Super Motors ពោលគឺរថយន្តសម្រាប់ អ្នកមានលុយទិញជិះ។</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0635.jpg" alt="" width="600" /></p>
<p><strong>១. ទស្សនាវដ្ដី Robb Report (តម្លៃ ១០៨ដុល្លារអាមេរិក្នុងមួយក្បាល)</strong></p>
<p>ទស្សនាវដ្ដីនេះនិយាយ គ្រប់យ៉ាងដែល ជាប់ពាក់ព័ន្ធនឹង ជីវិតរស់នៅបែបអ្នកមាន ឬមហាសេដ្ឋី មានតាំងពីរថយន្ត គ្រឿងអលង្កា ផ្ទះ សម្ភារប្រើប្រាស់ ដើម៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0636.jpg" alt="" width="600" /></p>
<p style="text-align: right;">ផ្តល់សិទ្ធីដោយ៖ <a href="http://www.lookingtoday.com/index.php/entertainment-general-news/25045-2013-11-29-09-26-58.html"><span style="color: #0000ff;">ដើមអំពិល</span></a></p>