<div class="article-content">
<p><strong>ភ្នំពេញ៖</strong> ស្ថានទូតសហរដ្ឋអាម៉េរិកប្រចាំនៅកម្អុជា នឹងរៀបចំពិធីអបអរសារទរអ្នកចូល Like <br />ក្នុងទំព័រហ្វេសប៊ុក របស់ខ្លួនគម្រប់១០ម៉ឺននាក់ នៅថ្ងៃចន្ទ ទី៩ ខែកញ្ញា ឆ្នាំ២០១៣ វេលាម៉ោង<br /> ១១ ព្រឹក នៅក្នុងស្ថានទូតតែម្តង។ ពិធីនេះធ្វើឡើងក្នុងគោលបំណង អរគុណប្រជាជនកម្ពុជា<br /> ដែលបានចូលរួម Like ទំព័រ Facebook និង Blogរបស់ស្ថានទូតអាម៉េរិកនៅកម្ពុជាដើម្បីទទួល<br />បាននូវព័ត៌មានផ្សេងៗ ពីសកម្មភាពរបស់ស្ថានទូតអាមេរិក។</p>
<p>សេចក្តីប្រកាសព័ត៌មានរបស់ស្ថានទូតអាម៉េរិកប្រចាំកម្ពុជាបានឲ្យដឹងថា លោកឯកអគ្គរដ្ឋទូត<br /> William E. Todd នឹងថ្លែងសុន្ទរកថានៅក្នុងពិធីនេះ។</p>
<p>ក្នុងសេចក្តីប្រកាស ព័ត៌មាននេះ បានបញ្ជាក់ថា តាំងពីលោក William E. Todd បានមកដល់<br />កម្ពុជានៅ ខែមេសា ឆ្នាំ២០១២ លោកបានធ្វើការ ដើម្បីបន្ថែមតម្លៃលើប្រតិបត្តការ នៃប្រព័ន្ធ<br />ផ្សព្វផ្សាយសង្គមរបស់ស្ថានទូតអាម៉េរិក និងដើម្បីបង្កើនអត្ថប្រយោជន៍របស់វាសម្រាប់ប្រជា<br />ជនកម្ពុជា។ ក្នុងរយៈពេល ១៦ ខែកន្លងមកនេះ ចំនួនអ្នកចូល រួមក្នុង Facebook របស់ស្ថាន<br />ទូតអាម៉េរិក ពោលគឹអ្នកដែលបានចុច “Like” នៅលើទំព័រ Facebook នេះបានកើនឡើងពី<br />ចំនួនតិចជាង ៣០,០០០ នាក់ ទៅដល់ចំនួនជាង ១០០.០០០នាក់។</p>
<p>ទំព័រ Facebook របស់ស្ថានទូតអាម៉េរិក ផ្តល់ឲ្យប្រជាជនកម្ពុជានូវឱកាសអាចធ្វើការទាក់ទង<br />ដោយផ្ទាល់ជាមួយ ស្ថានទូតអាម៉េរិក ដោយទទួលបានព័ត៌មានថ្មីៗ ស្តីពីព្រឹត្តិការណ៍ កម្មវិធី<br /> ឱកាសនានា និង សរសេរមតិ សំណួរស្តីពី រឿង ដែលគេចាប់អារម្មណ៍។ ទំព័រ Facebook<br /> នេះថែមទាំងធ្វើជាវេទិកាមួយ សម្រាប់ប្រជាជនកម្ពុជា ធ្វើការលើក ឡើងជាមួយគ្នាដែល<br />ភាគច្រើនទាក់ទងនឹងប្រធានបទដែលលើកឡើងដោយស្ថានទូតអាម៉េរិក។</p>
<p>ពិធីនេះមានអ្នកចូលរួមតាមការអញ្ជើញ ហើយមិនបើកចំហសម្រាប់សាធារណជនទូទៅទេ៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-009/ST-009.jpg" alt="" width="550" /></p>
</div>