<p>រយៈពេល ២សប្ដាហ៍ បន្ទាប់ពីបានឈានឡើងលំដាប់លេខពីរ Robin Li ដែលជាស្ថាបនិកនៃម៉ាស៊ីន<br />ស្វែងរកដ៏ធំរបស់ចិន (Baidu) ក៏បានកាន់កាប់ ទាំងចំណាត់ថ្នាក់លេខមួយ របស់មហាសេដ្ឋីផ្នែក<br />អចលនទ្រព្យ Wang Jianlin ដោយមានទ្រព្យ ១២,២៣ ពាន់លានដុល្លារ។</p>
<p style="text-align: center;"><a class="thickbox" title="" href="/FileManager/Commons/2013/12/13/screenshot-13-12-2013--00-22-22.jpg"><img src="/FileManager/Articles/mce/2013/12/13/screenshot-13-12-2013--00-22-22.jpg" alt="" /></a></p>
<p style="text-align: center;"><em>Robin Li ក្លាយជាអ្នកមានបំផុត នៅចិន (រូប ៖ CNN)</em></p>
<p><br />យោងតាម Bloomberg Billionaire Index ទ្រព្យសម្បត្តិរបស់ Robin Li បានកើនឡើង ៦៥% ក្នុង<br />ឆ្នាំនេះ នៅពេលដែលតម្លៃភាគហ៊ុនរបស់ Baidu បានឡើងថ្លៃ។ ចំណែកលោក Wang Jianlin ដែល<br />ជាអគ្គនាយកក្រុមហ៊ុនអចលនទ្រព្យ Dalian Wanda ក៏បានកើនឡើងបន្ថែម ២៤% គឺឡើងដល់ <br />១២,២ពាន់លានដុល្លារអាមេរិក។<br /><br />ការពង្រីកសកម្មភាពនៅលើ smartphone និងកុំព្យូទ័រថេប្លេត រួមនិងការគ្រប់គ្រងរបស់ Baidu នៅ<br />លើកុំព្យូទ័រលើតុ បានជម្រុញឱ្យតម្លៃភាគហ៊ុនរបស់ក្រុមហ៊ុននេះ កើនឡើង ៦៩% នៅពាក់កណ្ដាល<br />ឆ្នាំកន្លង នេះបើយោងតាម Lucy Zhang ដែលជាអ្នកវិភាគរបស់ Iresearch ។ Lucy Zhang ថ្លែងថា <br />ឧបករណ៍ស្វែងរករបស់ Baidu កំពុងត្រូវបានអ្នកប្រើប្រាស់និយមចូលចិត្ត។<br /><br />យ៉ាងនេះក្ដី មហាសេដ្ឋី Wang Jianlin ក៏នៅតែអាចដណ្ដើមតំណែងអ្នកមានបំផុតនៅចិន ត្រឡប់<br />មកវិញ ប្រសិនលក់ភាគហ៊ុន នៅ AMC Entertainment Holdings ជាបណ្ដាញរោងកុនអាមេរិក ដែល<br />លោកបានទិញយក ក្នុងតម្លៃ ២,៦ពាន់លានដុល្លារ កាលពីឆ្នាំទៅ។ <br /><br />ទំព័រ Bloomberg ឱ្យដឹងថា ក្នុងត្រីមាសទី ២ Baidu បានកាន់កាប់ចំណែកទីផ្សារ ដល់ទៅ ៨១% នៅ<br />ប្រទេសចិន។ ហានិភ័យនៃការប្រកួតប្រជែង ពីក្រុមហ៊ុន Qihoo 360 Technology ក៏ត្រូវបានកាត់<br />បន្ថយ ក្រោយពីក្រុមហ៊ុននេះ បរាជ័យ ក្នុងការទិញយកឧបករណ៍ស្វែងរក Sogou ។<br /><br />គួររំឭកថា Baidu ត្រូវបានបង្កើតឡើង កាលពីឆ្នាំ ២០០០ នៅ Zhongguancun (តំបន់បច្ចេកវិទ្យា<br />របស់ចិន) ប្រទេសចិន។ ដំបូងឡើយ ក្រុមហ៊ុននេះ មានបុគ្គលិកត្រឹមតែជិត ១០នាក់ប៉ុណ្ណោះ ប៉ុន្ដែ<br />មកដល់ពេលនេះ ចំនួនបុគ្គលិក បានកើនដល់ជាង ១៧,០០០នាក់។</p>
<p style="text-align: center;"><a class="thickbox" title="" href="/FileManager/Commons/2013/12/13/aj201302050103m-13-12-2013--00-23-43.jpg"><img src="/FileManager/Articles/mce/2013/12/13/aj201302050103m-13-12-2013--00-23-43.jpg" alt="" width="381" height="462" /></a></p>
<p style="text-align: center;"><em>ស្ថាបនិក Baidu លោក Robin Li មានទ្រព្យ ១២,២៣ ពាន់លានដុល្លារ (រូប ៖ Asahi)</em></p>
<p><br />ទ្រព្យសម្បត្តិរបស់ Robin Li ភាគច្រើន បានមកពីភាគហ៊ុនចំនួន ២០,៨% ក្នុងក្រុមហ៊ុន Baidu ។ <br />ក្រៅពីនេះ មហាសេដ្ឋី វ័យ ៤៥ឆ្នាំរូបនេះ ក៏មានភាគហ៊ុន ១% នៅក្នុង 360buy Jingdong Mall (ក្រុម<br />ហ៊ុនលក់រាយ តាមអ៊ីនធើរណិត នៅចិន) ផងដែរ។ កាលពីខែមុន លោក Robin Li បង្ហើបឱ្យដឹងថា<br />Baidu នឹងបន្ដវិនិយោគបន្ថែមទៀត ទៅលើផ្នែកស្វែងរក សម្រាប់ទូរស័ព្ទ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/89320/become-millionair-because-likes-to-be-very-busy"><span style="color: #3366ff;">ក្លាយជាសេដ្ឋី ព្រោះតែស្អប់ ភាពនៅទំនេរដៃ</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/80629/finding-paradise-and-success-in-retirement"><span style="color: #3366ff;">គ្រាន់តែដាំចេក ក៏អាចរកបាន ១លានដុល្លារ រៀងរាល់ឆ្នាំ</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/39542/cosmetics-maven-jane-lauder-youngest-female-billionaire-in-america"><span style="color: #3366ff;">មហាសេដ្ឋីនី វ័យក្មេងបំផុត ប្រចាំអាមេរិក សម្រាប់ចុងឆ្នាំ ២០១៣</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Bloomberg /CB<br /><br /></p>