<div class="article-content">
<p>ភ្នំពេញ ៖ កម្លាំងនគរបាល មូលដ្ឋានប៉ុស្ដិ៍ ទឹកថ្លា ខណ្ឌសែនសុខ បានចុះទៅឃាត់ខ្លួន បុរសម្នាក់<br />ភ្លាមៗ ក្រោយពីទទួលបានសេចក្ដី រាយការណ៍និងពាក្យ បណ្ដឹង របស់ស្ដ្រីជា ប្រពន្ធ ដែលចោទ<br />ប្រកាន់ថា ប្ដីរបស់ខ្លួនបាន វាយធ្វើបាប ហើយថែមទាំងបង្កអំពើហិង្សា យកដែកទៅចាក់ឪពុកក្មេក <br />បណ្ដាលឱ្យរង របួសធ្ងន់ទៀតផង ក្រោយបុរសជាប្ដីរូបនេះ ត្រឡប់មកពីផឹកស៊ីខាងក្រៅ ហើយ<br />ស្រវឹង ក៏កើតជាទំនាស់ពាក្យសំដីជាមួយប្រពន្ធនិង ឪពុកក្មេក នៅក្នុងផ្ទះ ។</p>
<p>ករណីអំពើហិង្សា ក្នុងគ្រួសារខាងលើនេះ បង្កឱ្យមានការភ្ញាក់ផ្អើលដល់ប្រជាពលរដ្ឋ នៅក្បែរខាង<br />និងសមត្ថកិច្ចមូលដ្ឋាន កាលពី វេលាម៉ោង១០និង៣០នាទី យប់ ថ្ងៃទី៧ ខែ កក្កដា ឆ្នាំ២០១៣ ស្ថិត<br />នៅផ្ទះជួលក្រុមទី៤ ភូមិទឹកថ្លា សង្កាត់ទឹកថ្លា ខណ្ឌសែនសុខ។</p>
<p>យោងតាមមន្ដ្រីនគរបាលមូលដ្ឋានបានឱ្យដឹងថា បុរសជាប្ដីដែលបង្កអំពើហិង្សាក្នុង គ្រួសារវាយ<br />ប្រពន្ធ និងចាក់ឪពុកក្មេកខាង លើនេះ មានឈ្មោះអៀង ចាន់ស្រស់ អាយុ ៣៣ឆ្នាំ មុខរបរជា<br />អ្នកបើករថយន្ដ រីឯស្ដ្រីជាប្រពន្ធឈ្មោះឆិល កូឡាប អាយុ២៦ឆ្នាំ មុខរបរបម្រើការងារនៅហាង<br /> KOC។</p>
<p>ស្ដ្រីរងគ្រោះបានប្រាប់សមត្ថកិច្ចថា នៅ វេលាម៉ោងកើតហេតុខាងលើ អ្នកស្រីនិង កូន៣នាក់ <br />កំពុងតែដេកនៅក្នុងផ្ទះ ពេល នោះប្ដីរបស់ខ្លួន ដែលទើបមកពីផឹកស៊ីបាន ត្រឡប់មកផ្ទះ ហើយ<br />ពេលមកដល់ក៏ស្រែក សួរថា នរណាចាក់សោទ្វារ ។ ក្រោយពីឮ យ៉ាងដូច្នេះ ឪពុករបស់ខ្លួន<br />បានឆ្លើយប្រាប់ ទៅកូនប្រសាថា ទ្វារអត់ចាក់ សោនោះទេ បើករថយន្ដចូលមក ប៉ុន្ដែប្ដីរបស់<br />ខ្លួនមិនព្រម បើក ក៏រូបនាងចេញទៅបើកទ្វារឱ្យ ស្រាប់ តែមានទំនាស់ជាមួយគ្នា រហូតដល់<br />លោកប្ដី បានទាញដៃរបស់ នាង អូសចេញទៅក្រៅ ហើយចាប់បោកនឹងថ្នល់បេតុង បណ្ដាល<br />ឱ្យ រងរបួសត្រង់ជង្គង់ ។</p>
<p>ស្ដ្រីរូបនេះបានបន្ដថា ក្រោយពីដឹងកូនប្រសាកំពុងវាយធ្វើបាបកូន ស្រី របស់ខ្លូននោះ ឪពុក<br />របស់នាងក៏បានចេញ មកជួយឃាត់ ប៉ុន្ដែត្រូវប្ដីវាយទៅលើ ហើយ ទាំងបានដកដែកដងទង់<br />ជាតិនៅតាមដងផ្លូវ ចាក់ទៅលើរូបគាត់ បណ្ដាល ឱ្យរងរបួសភ្នែក ផ្នែកខាងស្ដាំ រយៈហូរឈាម<br />នៅចុងចិញ្ចើម។ ដោយសារប្រើអំពើហិង្សាខាងលើនេះ ទើប រូបគាត់ បានប្ដឹងទៅសមត្ថកិច្ចចុះ<br />មកឃាត់ ខ្លួនយកទៅសួរនាំ និងចាត់ការបន្ដទៀតតាម ផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0145.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>