<p><strong>ភ្នំពេញៈ</strong> តារាសម្តែង និងជាពិធីការិនីស្រីវ័យក្មេង កញ្ញា ថន លក្ខិណា ថ្មីៗនេះសន្ទុះការងាររបស់នាង ហាក់ចាប់ផ្តើមកក្រើកឡើងវិញ ដោយនាងត្រូវបានអ្នកដឹកនាំរឿង ជាច្រើនទាក់ទងហៅថតរឿង ជាបន្តបន្ទាប់ ជាក់ស្តែងដូចពេលនេះនាងកំពុង តែដំណើរការថតរឿងថ្មីមួយ ឲ្យខាងផលិតកម្មថៃ ដោយនាងក្តាប់បានតំណែងតួឯកស្រី គូជាមួយតារាប្រុសល្បី ឈ្មោះប្រចាំប្រទេសថៃផងដែរ ។</p>
<p>សម្រាប់រឿងថ្មីនេះតារាស្រី កញ្ញា ថន លក្ខិណា មិនបានបង្ហើបប្រាប់ទស្សនិកជនទេ ថានាងកំពុងតែ សម្ងំរៀបចំខ្លួនថតរឿងថ្មីមួយ ដោយសម្តែងជាតួឯក គូជាមួយតួឯកប្រុសជនជាតិថៃនោះ ដោយកាលពីប៉ុន្មានម៉ោងមុននេះ នាងគ្រាន់តែរំលេចរូបថតមួយសន្លឹក នៅលើបណ្តាញ ទំនាក់ទំនងសង្គម Facebook ដោយសរសេរយ៉ាងខ្លីថា ការថតរឿងថ្មីមានឈ្មោះថា “ទីក្រុងខ្មោច” តែប៉ុណ្ណោះដោយនាងមិនបានបញ្ជាក់អ្វីច្រើនឡើយ។</p>
<p>ក្នុងជំនួបតាមទូរស័ព្ទម្តាយ របស់តារាស្រីរូបស្រស់ ដែលទើបតែធ្វើការវះកាត់បបូរមាត់ កញ្ញា ថន លក្ខិណា បានប្រាប់គេហទំព័រ Looking TODAY នៅថ្ងៃទី២១ ខែសីហា ឆ្នាំ២០១៤ ឲ្យដឹងថា ពេលនេះកូនស្រីរបស់គាត់ លក្ខិណា កំពុងតែថតរឿងថ្មីឲ្យខាងក្រុមហ៊ុនថៃ នៅក្នុងខេត្តសៀមរាប ដោយរឿងនេះទើបតែដំណើរការថត នៅថ្ងៃនេះទេ ព្រោះថាតួប្រុស ទើបតែធ្វើដំណើរមកដល់ ហើយក៏ថតភ្លាមតែម្តង ។</p>
<p>អ្នកស្រីបានប្រាប់ឲ្យដឹងទៀតថា “ នេះជាលើកទីមួយហើយ សម្រាប់ការសហការ ថតជាមួយខាងថៃ ហើយ អា លក្ខិណា កូនខ្ញុំគេសម្តែងជាតួឯកស្រី គូជាមួយតួប្រុសថៃមានឈ្មោះថា អម ហើយសម្រាប់រឿងនេះខ្ញុំមិនទាន់បានសួរកូន និងក្រុមការងារច្បាស់លាស់ទេ ព្រោះពេលនេះកំពុងតែរវល់រៀងៗខ្លួន ខ្ញុំដឹងត្រឹមថាគេកំពុងតែថត នៅសៀមរាប ហើយពេលបញ្ចប់ឈុតនៅទីនេះ មិនដឹងថាបន្តទៅថតនៅទីណាទៀតទេ ហើយសម្រាប់ចំណងជើងរឿង ក៏មិនទាន់ដឹងដែរ ប្រសិនបើចង់ដឹងច្បាស់ គឺទាល់តែចាំសម្ភាសន៍កូនខ្ញុំបន្ថែមទៀតទៅ ” ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-065/PISETH-067.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-065/PISETH-068.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-065/PISETH-069.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-065/PISETH-070.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/33460-2014-08-21-11-22-14.html" target="_blank">ផ្តល់សិទ្ធដោយ ៖ ដើមអម្ពិល</a></p>