<div class="article-content">
<p><strong>តាកែវ ៖</strong> ក្នុងរយៈពេល២ថ្ងៃ នៃការប្រឡងទុតិយភូមិ នៅក្នុងខេត្តតាកែវ ភាពរញ៉េរញៃ គ្មាន<br /> សណ្ដាប់ធ្នាប់ បានកើតឡើង ស្ទើរតែគ្រប់មណ្ឌលប្រឡង ដោយស្ថានភាពនេះ គ្មានអាជ្ញាធរ<br />មាន សមត្ថកិច្ចណាមួយ ឬមន្ទីរអប់រំ យុវជន និងកីឡាខេត្តតាកែវ យកចិត្តទុកដាក់ពីបញ្ហានេះ<br />ឡើយ។</p>
<p>នៅក្នុងការចុះ ទៅយកព័ត៌មាន នៅតាមមណ្ឌលប្រឡងមួយចំនួន នៅក្នុងខេត្តតាកែវ រួមមាន<br /> វិទ្យាល័យឈើទាល, អនុវិទ្យាល័យបារាយ និងវិទ្យាល័យជាស៊ីម តាកែវជាដើម គេសង្កេតក្រុម<br />អ្នក បោះព្រីយ៉ុង ដែលភាគច្រើនជាមិត្តភកិ្ត និងសាច់ញាតិរបស់ បេក្ខជនប្រឡងទុតិយភូមិ បាន<br />នាំគ្នា ផ្លោះរបង យកព្រីយ៉ុងទៅឲ្យបេក្ខជនប្រឡង ដល់បន្ទប់ប្រឡង យ៉ាងអនាធិបតេយ្យបំផុត<br /> ដោយ សមត្ថកិច្ច ដែលយាមការពារ នៅមណ្ឌលប្រឡងទាំងនោះមួយចំនួន មិនបានទប់ស្កាត់<br />ពួកក្រុម មនុស្សចូលបោះព្រីយ៉ុងទាំងនោះទេ ពោលគឺមន្រ្តីសមត្ថកិច្ចមួយចំនួនធំ ព្រងើយកន្តើយ<br /> ក្នុងការ ពង្រឹងសន្តិសុខ នៅមណ្ឌលប្រឡងនីមួយៗ។</p>
<p>ដោយឡែកនៅក្នុងថ្នាក់ ខណៈដែលសិស្សចូលប្រឡង ពួកគេបាននាំយកទូរស័ព្ទទំនើបៗ ចូល<br />ក្នុង ថ្នាក់ ហើយពេលដែលវិញ្ញាសា ចេញមក គឺពួកគេបានថតយកវិញ្ញាសាទាំងនោះ ផ្ញើចេញមក<br />ក្រៅឲ្យគេជួយធ្វើ ហើយផ្ញើលទ្ធផលត្រឡប់មកវិញចែកគ្នាចម្លង យ៉ាងអនាធិបតេយ្យជាទីបំផុត។</p>
<p>បុរសម្នាក់ ដែលឈរចាំបោះព្រីយ៉ុង នៅក្បែររបង ខាងក្រោយវិទ្យាល័យជា ស៊ីម តាកែវ បាន<br />ប្រាប់ឲ្យ ដឹងថា គេមានប្អូនដែលប្រឡង នៅវិទ្យាល័យនេះ ហើយមុននឹងចូលប្រឡង បេក្ខជន<br />ទាំងអស់ បាន នាំគ្នាប្រមូលលុយឲ្យគ្រូ និងអនុរក្ស ជាថ្នូរនឹងមិនចាប់ព្រីយ៉ុង ឬចាប់ទូរស័ព្ទ។ <br />ក្រៅពីមណ្ឌលប្រឡងទាំង៣ខាងលើ មណ្ឌលប្រឡងជាច្រើនទៀត នៅទូទាំងខេត្តតាកែវ ក៏មាន<br />ភាព អនាធិបតេយ្យផងដែរ ជាពិសេសមណ្ឌលប្រឡង នៅស្រុកគិរីវង់ មានសេចក្ដីរាយការណ៍<br /> ប្រាប់ថា មានអ្នកចូលបោះព្រីយ៉ុង និងយកទូរស័ព្ទទំនើបៗចូល ដោយគ្មានការទប់ស្កាត់នោះទេ។</p>
<p>ពាក់ព័ន្ធទៅ នឹងភាពអនាធិបតេយ្យ នៃការបោះព្រីយ៉ុង ពីសំណាក់មិត្តភក្តិ និងសាច់ញាតិបេក្ខជន<br />ប្រឡង ប្រធានមន្ទីរអប់រំ យុវជន និងកីឡា ខេត្តតាកែវ លោក សៀវ សាខន មិនអាចសុំការ អត្ថា<br />ធិប្បាយបានទេនៅថ្ងៃនេះ។</p>
<p>គួរបញ្ជាក់ថា នៅក្នុងខេត្តតាកែវទាំងមូល មានមណ្ឌលប្រឡង ចំនួន២០ នៅក្នុងស្រុក៧ និងក្រុង<br /> មួយ ហើយមានបេក្ខជនប្រឡង ចំនួន ៩.៦០០នាក់៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-014/that-0098.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-014/that-0099.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-014/that-0100.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-014/that-0101.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>