<p><strong>ភ្នំពេញ៖</strong> អតីតមេដឹកនាំកំពូលៗ ក្នុងរបបខ្មែរក្រហម ពីររូបគឺលោក នួន ជា និងលោក ខៀវ <br />សំផន បានប្រកាស សុំទោសដល់ ដើមបណ្តឹងរដ្ឋប្បវេណី និងជនរងគ្រោះ នៅក្នុងរបបកម្ពុជា <br />ប្រជាធិបតេយ្យ នូវកំហុសឆ្គងដែល ខ្លួនបានប្រព្រឹត្តិ។</p>
<p>លោក នួន ជា អតីតប្រធានសភាប្រជាជននៃ របបកម្ពុជាប្រជាធិបតេយ្យ ជាអនុលេខាបក្សនៃ<br /> បក្សកុម្មុយនីស្ត កម្ពុជា បាននិយាយដោយ សំឡេងច្បាស់ៗនៅក្នុង បន្ទប់សវនាការ នៃអង្គជំនុំ<br />ជម្រះវិសាមញ្ញ ក្នុងតុលាការកម្ពុជា រឺហៅសាមញ្ញថា តុលាការខ្មែរក្រហម នាថ្ងៃទី៣០ ខែឧសភា<br /> ឆ្នាំ២០១៣នេះថា ខ្លួនសុំទទួលខុសត្រូវទាំងអស់ នូវអ្វីដែលបានកើតមាន កន្លងមក ក្នុងសម័យ<br />កម្ពុជា ប្រជាធិបតេយ្យ ហើយក៏មិនគេចវេសទៅណានោះទេ ហើយ ចំពោះខាងផ្លូវចិត្តលោក <br />ទទួលខុសត្រូវទាំងអស់ ដោយស្មោះអស់ពីចិត្តផងដែរ។</p>
<p>បងធំទី២រូបនេះ បញ្ជាក់ថា ក្នុងឋានៈជាសមាជិកម្នាក់ ក្នុងរបបកម្ពុជាប្រជាធិបតេយ្យនោះ លោក<br />ហ៊ានទទួល ខុសត្រូវ បើទោះបីជាលោកបានប្រព្រឹត្តិដោយផ្ទាល់ឬមិនដោយផ្ទាល់ក៏ដោយ តែ<br />លោកសោកស្តាយជាខ្លាំង ចំពោះព្រឹត្តិការណ៍ទាំងឡាយដែលកើតឡើងដោយចេតនាឬអចេត<br />នា បើទោះបីជាលោកបានដឹង ឬមិនដឹងក៏ ដោយ ដោយលោកសុំទទួលខុសត្រូវទាំងអស់។</p>
<p>លោក នួន ជា បន្តថា«ក្នុងឱកាសនេះ ខ្ញុំសូមចូលរួមមរណទុក្ខ ការសោកស្តាយចំពោះការបាត់<br />បង់ គ្រួសារសាច់ ញាតិឪពុកម្តាយនៃដើម បណ្តឹងនិងក៏ដូចជាសាច់ឈាមរបស់ខ្ញុំ»។</p>
<p>លោក នួន ជា និយាយថា «ខ្ញុំសូមចូលរួមមរណទុក្ខ» ដល់សាច់ញាតិឪពុកម្តាយ នៃដើមបណ្តឹង<br />និង «ក៏ដូចជា សាច់ឈាម របស់ខ្ញុំ»។</p>
<p>រីឯលោក ខៀវ សំផន ក៏បានថ្លែងនូវការសុំទោស ដល់តំណាងដើមបណ្តឹង រដ្ឋប្បវេណីដែរថា<br /> «ជាថ្មីម្តងទៀតខ្ញុំ សុំទោស លោកនិងប្រជាជនខ្មែរយើងទាំងមូលដែលរងគ្រោះ ដោយសូមលំ<br />ឱនកាយគោរព ដល់សាច់ញាតិឪពុក ម្តាយ បងប្អូនដែលបានចាកឋានទៅក្នុងក្តីឈឺចាប់ខ្លោច<br />ផ្សារកនិយាយមិនបាន»។</p>
<p>លោកបន្តថា លោកមិនមែនជាអ្នកមនោគមន៍វិជ្ជានោះទេ ហើយលោកក៏ជាអ្នកមានឧត្តមគតិ<br />ស្នេហាជាតិ ធ្វើយ៉ាង ណារួមចំណែកកសាងប្រទេសកម្ពុជា ឲ្យបានរីកចម្រើនជឿនលឿន និង<br />ការពារប្រទេសកម្ពុជាឲ្យបានគង់វង្ស។ លោកមានការសោកស្តាយជាខ្លាំង ដូច្នោះត្រូវតែចាប់<br />ស្តេចក្រាញ់ ដែលបានប្រព្រឹត្តិអំពើ ឃោរឃៅឆ្កួតលេលា ទាំងនោះយកមកផ្តន្ទាទោស ឲ្យសក្តិ<br />សមទៅតាមភាព ឃោរឃៅរបស់ពួកគេ។</p>
<p>របបកម្ពុជាប្រជាធិបតេយ្យ ត្រូវបានគេស្តីបន្ទោសថា បានជន្លៀស កាប់សម្លាប់ប្រជាពលរដ្ឋ<br />កម្ពុជាស្លូតត្រង់ ជិត៣ លាននាក់ ព្រមទាំងបង្អត់អាហារ និងបង្ខំឱ្យធ្វើការហួសកម្លាំង ៕</p>
<p style="text-align: center;"><img title="" src="http://image.dap-news.com:81/dap-news/dap-images/2013/May/id-078/Lay-489.jpg" alt="Photo by DAP-News" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-078/Lay-490.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>