<div class="article-content">
<p><strong>កណ្ដាល ៖</strong> ករណីទំនាស់ ចេញពីវង់ផឹក ស៊ីមួយ បានធ្វើឱ្យឪពុកដាច់ចិត្ដទាញកាំបិត ខ្វែវកាប់<br />កូនប្រុសខ្លួនឯងរហូតដល់ស្លាប់ ដោយករណីនេះ បានកើតឡើងកាលពី វេលាម៉ោង ១ថ្ងៃត្រង់<br /> ថ្ងៃទី២៦ ខែកក្កដា ឆ្នាំ ២០១៣ ស្ថិតនៅក្នុងភូមិឈើទាល ឃុំ ព្រែកអញ្ចាញ ស្រុកមុខកំពូល <br />ខេត្ដកណ្ដាល។</p>
<p>កូនប្រុសដែលត្រូវឪពុកបង្កើតរបស់ខ្លួន កាប់សម្លាប់នេះ ត្រូវបានគេស្គាល់ឈ្មោះ ឆៃ ឈឿន អាយុ<br /> ២៥ឆ្នាំ មានមុខរបរជា កម្មករឡឥដ្ឋ មានស្រុកកំណើតនៅភូមិទួល រកា ឃុំពាម ស្រុកស្ទឹងត្រង់ ខេត្ដ<br />កំពង់ចាម ដោយបច្ចុប្បន្នស្នាក់នៅក្នុងភូមិកើតហេតុ។ ចំណែក ឃាតកជាឪពុកត្រូវបានគេស្គាល់ <br />ឈ្មោះ អៃ ឆើត ហៅ ឆៃ អាយុ ៥២ឆ្នាំ មានមុខរបរ ជាកម្មករឡឥដ្ឋ មានស្រុក កំណើតស្នាក់នៅ<br />ជាមួយនឹងជនរងគ្រោះជា កូន ។</p>
<p>ប្រភពព័ត៌មានពីសមត្ថកិច្ចបានឱ្យដឹងថា ករណីឃាតកម្មខាងលើនេះ គឺផ្ដើមឡើង នៅមុនពេលកើត<br />ហេតុ ជនសង្ស័យ និងជន រងគ្រោះជាកូន រួមជាមួយកម្មករដូចគ្នាពីរ បីនាក់ទៀត បាននាំគ្នាផឹកស៊ី<br />នៅក្រោមផ្ទះ របស់ជនសង្ស័យ រហូតដល់អស់ស្រាស ចំនួន ២លីត្រកន្លះ លុះដល់ម៉ោង ១ថ្ងៃត្រង់ <br />ស្រាប់តែឪពុក និងកូនខាងលើនេះបានកើត មានជម្លោះ ឈ្លោះប្រកែកគ្នាអំពីរឿងលុយ កាក់ ឡើង<br />តឹងសរសៃកដាក់គ្នា ស្រាប់តែ បន្ទាប់មក ជនសង្ស័យជាឪពុកក៏បានឡើង ទៅលើផ្ទះ យកកាំបិតខ្វែវ<br />ចុះមកដីក៏ត្រូវ ឈ្មោះ ភួង ផេង ដែលផឹកស៊ីជាមួយគ្នាស្ទុះ ទៅចាប់យកកាំបិតពីជនសង្ស័យ ហើយ បោះចូលទៅក្រោមក្រែក្រោមផ្ទះបាត់ទៅ។ បន្ទាប់មក ឈ្មោះ ភួង ផេង ក៏បានដើរទៅ ផ្ទះរបស់ខ្លួន<br />បាត់ទៅ ស្រាប់តែឪពុក និងកូន ក៏ចាប់ផ្ដើមឈ្លោះប្រកែកគ្នាម្ដងទៀត អំពី រឿងលុយកាក់ដដែល <br />ហើយភ្លាមនោះជន សង្ស័យជាឪពុក ក៏បានស្ទុះទៅយកកាំបិត ខ្វែវមកកាប់កូនខ្លួនឯង ចំនួនមួយ<br />កាំបិត ត្រូវចំចំហៀងកក្រោមត្រចៀក បណ្ដាលឱ្យ រងរបួសធ្ងន់ ហើយក៏រត់គេចខ្លួនបាត់ទៅ ។ រីឯ<br />ជនរងគ្រោះជាកូន ដោយសារមុខរបួស ធ្ងន់ធ្ងរពេក កន្លះម៉ោងក្រោយមកក៏បាន ដាច់ខ្យល់ស្លាប់<br />បាត់ទៅ ។</p>
<p>ក្រោយកើតមានករណីឃាតកម្មខាងលើ នេះ សមត្ថកិច្ចបានចុះទៅធ្វើការត្រួតពិនិត្យ នៅកន្លែង<br />កើតហេតុ និងតាមស្វែងរកចាប់ ជនដៃដល់ផងដែរ ។ លុះនៅវេលាម៉ោង ២ និង៣០នាទីរសៀល<br /> ទើបកម្លាំងសមត្ថកិច្ច នគរបាល ស្រុកមុខកំពូល ស្វែងរកចាប់ជន ដៃដល់ជាឃាតកបាន ដែល<br />កំពុងលាក់ខ្លួន ពួននៅចំណុចភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្ដកណ្ដាល ។</p>
<p>បច្ចុប្បន្នជនសង្ស័យខាងលើនេះ ត្រូវ បាននគរបាល ស្រុកមុខកំពូលធ្វើរបាយ ការណ៍ដើម្បីបញ្ជូន<br />ទៅស្នងការដ្ឋាននគរបាលខេត្ដ កសាងសំណុំរឿងបញ្ជូនទៅតុលា ការកាត់ទោសតាមច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-1314.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>