<p><strong>ភ្នំពេញ៖</strong> អតីតអ្នកចម្រៀងធ្លាប់មានឈ្មោះ នៅក្នុងផលិតកម្ម Diamond Music កញ្ញា មី មូសា ក្រោយពីបាត់មុខក្នុងពិភពសិល្បៈជាងមួយឆ្នាំមកនេះ ស្រាប់តែធ្លាយដំណឹងច្បាស់ការមកថា នាងបានលាឈប់ពីអាជីពអ្នកសិល្បៈ ទាំងស្រុងហើយ។ ខណៈឮថាអនាគតស្វាមីរបស់នាង បានបើកអាជីពរកស៊ីខាងក្រៅ ដើម្បីផ្គាប់ចិត្ត ឬអាចនិយាយបានថា ជាថ្នូរនឹងការឈប់ពីសិល្បៈ។</p>
<p>បើតាមប្រភពពីអ្នកសិល្បៈ នៅក្បែតារាស្រី នាង មី មូសា បានទម្លាយប្រាប់គេហទំព័រ LookingTODAY ថា បច្ចុប្បន្នតារាស្រី មី មូសា បានទៅរស់នៅ តាមប្តីរបស់នាងហើយ បន្ទាប់ពីគូស្នេហ៍អ្នកទាំងពីរ បានចាប់ដៃគ្នា សាងជីវិតទៅថ្ងៃអនាគត ដោយឆ្លងកាត់នូវចំណងអាពាហ៍ពិពាហ៍ ជាផ្លូវការ កាលពីប៉ុន្មានខែកន្លងមកនេះ។ ចំណែកឯអាជីពសិល្បៈរបស់នាង ក៏ត្រូវបានបញ្ចប់ទៅវិញទាំងស្រុង ក្រោយពេលនាងជ្រើសរើស ជីវិតអាពាហ៍ពិពាហ៍។</p>
<p>ប្រភពនោះ បាននិយាយទៀតថា ពេលនេះអាជីពជាតារាចម្រៀង នៅក្នុងផលិតកម្ម Diamond និង ក្រៅ ផលិតកម្ម គឺលែងមានឈ្មោះ អ្នកចម្រៀងស្រី មី មូសា ទៀតហើយ ព្រោះឥឡូវនាង បានសម្រេចចិត្តដើរ ចេញពីផ្លូវសិល្បៈទាំងមិន ស្តាយស្រណោះ បន្តិចនោះឡើយ។ បុរសដែលនាងបានជ្រើសយក ធ្វើជាស្វាមី និង ផ្ញើវាសនាទៅអនាគតមា្នក់នោះ ត្រូវប្រភពបញ្ជាក់ថា ជាអ្នករស់នៅក្នុងស្រុកខ្មែរ ហើយបម្រើការងារ ក្នុងក្រុមហ៊ុនឯកជនមួយ។</p>
<p>នៅរសៀលថ្ងៃទី១៤ ខែមីនា ឆ្នាំ២០១៤នេះ គេហទំព័រ LookingTODAY ពុំអាចទំនាក់ទំនង ដើម្បីសុំការ បំភ្លឺពីកញ្ញា មី មូសា បាននៅឡើយទេ ចំពោះរឿងនេះ។</p>
<p>ដោយឡែក បើតាមការឱ្យដឹង ពីអ្នកគ្រប់គ្រងម្នាក់ នៅក្នុងផលិតកម្ម Diamond Music កញ្ញា លីន បានប្រាប់តាមទូរស័ព្ទ នៅរសៀលថ្ងៃសុក្រ ទី ១៤ មីនា នេះថា មូសា បានផ្អាកមកច្រៀង នៅផលិតកម្ម Diamond Music ជិង១ឆ្នាំមកហើយ។ ចំពោះមូលនៃការផ្អាក ពីសិល្បៈរបស់តារាចម្រៀង មី មូសា ត្រូវបានអ្នកគ្រប់គ្រងរូបនេះ ប្រាប់ថានាង (មូសា) មានអាជីពផ្សេងពីនេះ នៅឯខេត្តសៀមរាប ។</p>
<p>អ្នកគ្រប់គ្រង នៅក្នុងផលិតកម្ម Diamond Music រូបនេះ បានបន្ថែមទៀតថា មូសា ផ្អាកពីសិល្បៈ ហើយ ពេលនេះ នាងបានទៅ រស់នៅឯខេត្តសៀមរាប ហើយក៏បានបើកមុខជំនួញ រកស៊ីផ្ទាល់ខ្លួនក្រៅសិល្បៈ។ ប៉ុន្តែរឿងដែលគេ ថា មូសា មានស្វាមី នឹងបានរៀបការ ជាមួយគ្នានោះ មិនត្រូវបានបញ្ជាក់ឲ្យដឹងនោះទេ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0131.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0132.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/28532-2014-03-14-08-32-25.html" target="_blank">ផ្តល់សិទ្ធដោយ ៖ ដើមអម្ពិល</a></p>