<p><strong>បន្ទាយមានជ័យ៖</strong> អគ្គិភ័យដ៏ សន្ធោសន្ធៅមួយ បាននិងកំពុងបំផ្លាញ ផ្ទះប្រជាពលរដ្ឋ នៅ<br />កណ្តាល ក្រុងប៉ោយប៉ែត ខេត្តបន្ទាយមានជ័យ កាលពីវេលា ម៉ោងប្រហែល ១១៖៣០នាទី <br />ព្រឹកថ្ងៃទី១៥ ខែកុម្ភៈ ឆ្នាំ២០១៣ នេះ ខណៈកម្លាំង សមត្ថកិច្ច រួមមាននគរបាល អាវុធហត្ថ<br /> និងអាជ្ញាធរ កំពុងជួយ អន្តរាគមន៍។</p>
<p>សេចក្តីរាយការណ៍ ពីកន្លែងកើតហេតុ បានឲ្យដឹងថា អគ្គិភ័យរហូតមកដល់ ម៉ោងប្រហែល១២<br />ថ្ងៃត្រង់នេះ បានបំផ្លាញផ្ទះប្រជាពលរដ្ឋ ចំនួន៣ខ្នងហើយ ហើយកំពុងឆាបឆេះបន្តទៀត។</p>
<p>យ៉ាងណាក៏ដោយ មិនទាន់ដឹងពីមូលហេតុ ដែលនាំឲ្យមាន អគ្គិភ័យនេះទេ ខណៈសមត្ថកិច្ច<br />កំពុងជួយអន្តរាគមន៍ តាមរយៈបញ្ជូនរថយន្តពន្លត់អគ្គិភ័យជាច្រើនគ្រឿងទៅជួយ។</p>
<p>សមត្ថកិច្ចពន្លត់អគ្គិភ័យបានឲ្យដឹងថា រហូតមកដល់ពេលនេះរថយន្តពន្លត់អគ្គិភ័យចំនួន ១០គ្រឿង<br /> កំពុងជួយអន្តរាគមន៍ ប៉ុន្តែអគ្គិភ័យនៅមិន ទាន់រលត់នៅឡើយទេ ។ អាជ្ញាធរកម្ពុជា បានអំពាវនាវ<br />ឲ្យអាជ្ញាធរថៃ ជួយបញ្ជូន រថយន្តពន្លត់អគ្គិភ័យ ដើម្បីជួយអន្តរាគមន៍ផងដែរ។</p>
<p>សេចក្តីរាយការណ៍បានឲ្យដឹងថា ប្រជាពលរដ្ឋ ដែលមានផ្ទះនៅជិតកន្លែងកើតហេតុ បាននិងកំពុង<br />ជញ្ជូន ឥវ៉ាន់របស់ពួកគេ ខ្លាចភ្លើងឆេះដល់ ។</p>
<p>នៅវេលាម៉ោងប្រមាណជា១រសៀល អភិបាល ក្រុងប៉ោយប៉ែត បានបញ្ជាឲ្យប្រើអេស្កាវ៉ាទ័រ វាយ<br />កម្ទេចផ្ទះមួយចំនួន ដើម្បីបើកផ្លូវឲ្យរថយន្តពន្លត់អគ្គិភ័យ ចូលជួយ អន្តរាគមន៍ ខណៈសិស្សសាលា<br />ឯកជន Home Friend នៅក្បែរនោះ ត្រូវបានជម្លៀសចេញ។ តែទោះជាយ៉ាងណា រថយន្តពន្លត់អគ្គិ<br />ភ័យ ទាំងរបស់ថៃ និងកម្ពុជា ជាង២០គ្រឿង បានចេញជួយអន្តរាគមន៍ តែអំណាចនៃការឆាបឆេះ<br />មិនទាន់ថមថយនៅឡើយទេ។ ការឆាប់ឆេះពិតជាធំធេងណាស់ និងបណ្តាលឲ្យខូចខាតទ្រព្យ<br />សម្បត្តិប្រជាពលរដ្ឋយ៉ាងច្រើន៕<strong> </strong></p>
<p style="text-align: center;"><img title="" src="http://111.92.240.170:81//dap-news/dap-images/2013/February/id-007/pheak-0183.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/February/id-007/pheak-0184.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/February/id-007/pheak-0185.jpg" alt="Photo by DAP-NEWS" width="400" /> </p>
<p><img style="display: block; margin-left: auto; margin-right: auto;" src="http://111.92.240.170:81//dap-news/dap-images/2013/February/id-007/pheak-0186.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>