<div class="article-content">
<p><strong>កណ្ដាល ៖</strong> អំពើឃាតកម្ម បាញ់សម្លាប់ ទៅលើបុគ្គលិក ដែលមានតួនាទីជាអ្នកដើរ ប្រមូលលុយ<br />ឱ្យក្រុមហ៊ុនឯកជនមួយ បាន បង្កឱ្យមានការភ្ញាក់ផ្អើលយ៉ាងខ្លាំង ពីសំ ណាក់ប្រជាពលរដ្ឋ ធ្វើ<br />ដំណើរតាមផ្លូវ និង សមត្ថកិច្ចមូលដ្ឋាន បន្ទាប់ពីគេបានឃើញ បុរសម្នាក់ ត្រូវបានគេបាញ់ចំក្បាល<br /> រួចហើយ ទម្លាក់ចេញពីរថយន្ដឆ្លាម ១គ្រឿង នៅជិត ស្ពានព្រែកហូរ លើកំណាត់ផ្លូវជាតិលេខ ២ <br />ក្នុងភូមិតាក្ដុល សង្កាត់តាក្ដុល ក្រុងតាខ្មៅ ខេត្ដកណ្ដាល កាលពីវេលាម៉ោងប្រមាណ ៣ និង៥០<br />នាទីរសៀល ថ្ងៃទី ២៦ ខែមិថុនា ឆ្នាំ ២០១៣ ។</p>
<p>មេបញ្ជាការអាវុធហត្ថ ខេត្ដកណ្ដាល លោកឧត្ដមសេនីយ៍ មាស សុវណ្ណ បានប្រាប់ មជ្ឈមណ្ឌល<br />ព័ត៌មានដើមអម្ពិល តាមទូរ ស័ព្ទ នៅល្ងាចថ្ងៃទី២៦ ខែមិថុនា ឆ្នាំ ២០១៣ នេះថា ជនរងគ្រោះ<br />ឈ្មោះ ទាវ វិចិត្រ អាយុជាង ២០ឆ្នាំ មុខរបរ ជាអ្នក ដើរប្រមូលលុយ ឱ្យក្រុមហ៊ុនឯកជនមួយ និង<br />មានស្រុកកំណើត នៅខេត្ដកណ្ដាល ហើយបច្ចុប្បន្នសពជនរងគ្រោះ ត្រូវបាន សមត្ថកិច្ច ប្រគល់<br />ជូនក្រុមគ្រួសារយកទៅ ធ្វើបុណ្យតាមប្រពៃណី ។</p>
<p>លោកឧត្ដមសេនីយ៍ មាស សុវណ្ណ បាន ថ្លែងថា បើតាមសាក្សីមុនពេលកើតហេតុ ជនរងគ្រោះ <br />ត្រូវបានជនសង្ស័យម្នាក់បាន ប្រើកាំភ្លើងបាញ់ចំក្បាល បណ្ដាលឱ្យស្លាប់ ភ្លាមៗ រួចហើយរុញ<br />ទម្លាក់ចេញពីរថយន្ដ ឆ្លាម ពណ៌ត្រីឆ្លូញ នៅជិតស្ពានព្រែកហូរ។</p>
<p>លោកបញ្ជាក់ថា ក្រោយពីធ្វើសកម្មភាព ប្រើប្រាស់កាំភ្លើង កា ៥៩ បាញ់ចំក្បាលជន រងគ្រោះ<br />រួចមក ជនសង្ស័យមិនបានបើក រថយន្ដចេញពីកន្លែងកើតហេតុទាន់នោះទេ ពោលបានឡើង<br />ជិះម៉ូតូ ជាមួយបក្ខពួករបស់ ខ្លួនម្នាក់ទៀត ដែលធ្វើដំណើរពីក្រោយ រថយន្ដ ដូច្នេះតាមការ<br />សន្និដ្ឋានជាជំហាន ដំបូង ជនសង្ស័យអាចមានគ្នា ២នាក់ ។</p>
<p>បើ តាមមេបញ្ជាការអាវុធហត្ថ ខេត្ដកណ្ដាល អំពើឃាតកម្មខាងលើនេះ សង្ស័យបណ្ដាល ចេញ<br />មកពីគម្រោងការប្លន់ ទុកជាមុន ប៉ុន្ដែ ករណីនេះ ស្ថិតក្រោមការស្រាវជ្រាវយ៉ាង យកចិត្ដទុកដាក់<br /> ពីសមត្ថកិច្ចខេត្ដកណ្ដាល ដើម្បីឈានទៅដល់ការចាប់ខ្លួន ជនសង្ស័យ ទាំងនោះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0668.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0669.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0670.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0671.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0672.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>