<p><span style="color: #000000;"><strong>ភ្នំពេញ៖</strong> មានករណីបាញ់ប្រហារទៀតហើយ ក្នុងរាជធានីភ្នំពេញ បណ្តាលឲ្យយុវជនម្នាក់ ស្លាប់បាត់បង់ជីវិតពេល បញ្ជូនដល់មន្ទីរពេទ្យ រីឯបុរសម្នាក់ទៀតរងរបួសធ្ងន់ គ្រាដែលទិដ្ឋភាពនៃការបាញ់សម្លាប់ឧកញ៉ា អ៊ឹង ម៉េងជឺ មិន ទាន់ធ្វើឲ្យប្រជាពលរដ្ឋស្ងប់អារម្មណ៍ បាត់ខ្លាចរអានៅឡើយនោះ។</span></p>
<p><span style="color: #000000;">អំពើបាញ់ប្រហារនេះ បានកើតឡើងនាវេលាម៉ោង ៧ និង២០នាទីព្រលប់ថ្ងៃទី០៧ ខែធ្នូ ឆ្នាំ២០១៤នៅជិតផ្សារប៉េសេ សង្កាត់បឹងទំពុន ខណ្ឌមានជ័យ។ ប្រជាពលរដ្ឋ ឃើញហេតុការណ៍ បានអះអាងថា ហេតុការ ណ៍បាញ់ប្រហារនេះ កើតចេញពីការទាស់សម្តីគ្នា។</span></p>
<p><span style="color: #000000;">ប្រជាពលរដ្ឋ ដែលឃើញហេតុការណ៍បានបន្តថា នៅមុនពេលកើតហេតុ គេបានឃើញជនរងគ្រោះ និងជនល្មើស បានឈរនិយាយគ្នា លុះជជែកបានមួយសន្ទុះជនល្មើសបានជិះម៉ូតូចេញបាត់។ ស្រាប់មួយសន្ទុះក៏បានជិះម៉ូតូត្រ ឡប់មកវិញ ដោយមានបក្ខពួកជិះម៉ូតូអ្នកហែហម មកជាមួយពីរម៉ូតូបន្ថែមទៀត ហើយធ្វើការបាញ់លើជនរងគ្រោះ ជាច្រើនគ្រាប់ រួចក៏នាំគ្នាជិះម៉ូតូគេចខ្លួន។</span></p>
<p><span style="color: #000000;">ជាអកុសលបក្ខពួកជនល្មើស២នាក់ ដែលជិះម៉ូតូសង់១២៥ ចាំបិតគូថពីក្រោយនោះ ត្រូវបានប្រជាពលរដ្ឋឡោម ព័ទ្ធស្ទាក់ចាប់ប្រគល់ជូនសមត្ថកិច្ច។</span></p>
<p><span style="color: #000000;">ស្នងការរងនគរបាលរាជធានីភ្នំពេញ លោកឧត្តមសេនីយ៍ ជួន ណារិន្ទ បានប្រាប់មជ្ឈមណ្ឌលព័ត៌មានដើមអម្ពិលថា ជន សង្ស័យពីរនាក់ ដែលប្រជាពលរដ្ឋចាប់នោះ គឺពិតជាបក្ខពួករបស់ជនល្មើសពិតប្រាកដមែន។ កម្លាំងសមត្ថកិច្ច កំពុងបើកការសាកសួរ និងតាមចាប់ជនដៃដល់ពីរនាក់ទៀត ដែលកំពុងគេចខ្លួន។</span></p>
<p><span style="color: #000000;">ជាមួយការឃាត់ខ្លួនបក្ខពួកនេះ សមត្ថកិច្ចក៏ដកហូតបានម៉ូតសេ១២៥ មួយគ្រឿងរបស់បក្ខពួកជនល្មើសផងដែរ។</span></p>
<p><span style="color: #000000;">លោកឧត្តមសេនីយ៍ ជួន ណារិន្ទ ក៏បានឲ្យដឹងផងដែរ ជនរងគ្រោះម្នាក់ បានស្លាប់បាត់បង់ជីវិតពេលបញ្ជូនដល់ មន្ទីរពេទ្យ និងម្នាក់ទៀតរងរបួសធ្ងន់។</span></p>
<p><span style="color: #000000;">ប្រភពពីនគរបាលមូលដ្ឋាន បានឲ្យដឹងថា ជនរងគ្រោះ ដែលស្លាប់បាត់បង់ជីវិត ត្រូវជនល្មើសបាញ់ត្រូវ ៣គ្រាប់ និងម្នាក់ទៀត ត្រូវចំបោះរងរបួសធ្ងន់។ សមត្ថកិច្ច ក៏រកឃើញសំបកគ្រាប់កាំភ្លើងចំនួន ៩គ្រាប់នៅកន្លែងកើតហេតុ។ ជនល្មើស ត្រូវបានសមត្ថកិច្ចអះអាងថា មានស្លៀកពាក់ស៊ីវិល តែមានប្រើអាយឌី ផងដែរ។</span></p>
<p><span style="color: #000000;">ទោះបីជាយ៉ាងសមត្ថកិច្ចមិនទាន់បានបញ្ជាក់អត្ថសញ្ញាណជនរងគ្រោះ និងជនល្មើសព្រមទាំងបក្ខពួកនៅឡើយ ទេ។ មូលហេតុនាំឲ្យឈានដល់ការបាញ់ប្រហារនេះ ក៏សមត្ថកិច្ចមិនទាន់បញ្ជាក់ផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2014/12/8/23-08-12-2014--10-10-14.jpg"><img src="/FileManager/Articles/mce/2014/12/8/23-08-12-2014--10-10-14.jpg" alt="" /></a></span></p>
<p><a class="thickbox" title="" href="/FileManager/Commons/2014/12/8/22-08-12-2014--10-10-23.jpg"><img src="/FileManager/Articles/mce/2014/12/8/22-08-12-2014--10-10-23.jpg" alt="" /></a></p>
<p><a class="thickbox" title="" href="/FileManager/Commons/2014/12/8/21-08-12-2014--10-10-32.jpg"><img src="/FileManager/Articles/mce/2014/12/8/21-08-12-2014--10-10-32.jpg" alt="" /></a></p>
<p><a class="thickbox" title="" href="/FileManager/Commons/2014/12/8/20-08-12-2014--10-10-41.jpg"><img src="/FileManager/Articles/mce/2014/12/8/20-08-12-2014--10-10-41.jpg" alt="" /></a></p>
<p><object width="498" height="427" data="http://www.youtube.com/v/bljfxkYMxAo&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/bljfxkYMxAo&rel=1" /></object><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>