<div class="article-content">
<p><strong>ភ្នំពេញ៖</strong> អ្នកទោស ២នាក់ ក្នុងចំណោមអ្នកទោសទាំង ២៣នាក់ ដែលបានជាប់ពន្ធនាគារត្រពាំងផ្លុង (ម៣) ខេត្តកំពង់ចាម ត្រូវបានសាលាដំបូងរាជធានីភ្នំពេញ ចេញដីកាបង្កាប់ឲ្យដោះលែង នៅថ្ងៃទី០៧ ខែកុម្ភៈ ឆ្នាំ២០១៤នេះ។</p>
<p>យោងតាមដីកាបង្កាប់ឲ្យដោះលែង របស់តុលាការបានសរសេរថា អ្នកទោសទី១ ដែលត្រូវបានដោះលែង ឈ្មោះ ប៊ូ សារិទ្ធ ហៅ ទី ភេទប្រុស អាយុ ២៩ឆ្នាំ រស់នៅសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ទី២ឈ្មោះ យោន ជា ហៅ ចាន់ អាយុ ១៧ឆ្នាំ បច្ចុប្បន្នរស់នៅផ្ទះជួល ផ្លូវវ៉េងស្រេង ភូមិលូ៥ សង្កាត់ស្ទឹងមានជ័យ ខណ្ឌមានជ័យ។</p>
<p>សូមជំរាបថា កាលពីព្រឹកថ្ងៃទី០៧ ខែកុម្ភៈនេះ សហជីពទាំង ៩ ដែលរួមមានលោក អាត់ ធន់ លោក ម៉ម សូណង់ដូ និងប្រធានសហជីពនានា ព្រមទាំងសកម្មជនបឹងកក់ និងបុរីកីឡា ជាង ១០០នាក់ បាននាំគ្នាទៅអុជធូបនៅព្រះអង្គដង្កើ មុននឹងពួកគេចាកចេញទៅសួរសុខទុក្ខ អ្នកទោសទាំង ២៣រូប ដែលជាប់ពន្ធនាគារត្រពាំងផ្លុង ក្នុងខេត្តកំពង់ចាម៕</p>
<p style="text-align: center;"><img src="http://image.dap-news.com:81/dap-news/dap-images/2014/February/id-030/Kosal-0066.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-030/Kosal-0067.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>