<div class="article-content">
<p>ភ្នំពេញ៖ អំពើបាញ់ ប្រហារប្លន់ យកម៉ូតូមួយគ្រឿង នៅចំណុចផ្ទះ លេខ៦១ ភូមិសន្សំកុសល់ទី១ <br />សង្កាត់បឹងទំពុន ខណ្ឌមានជ័យ កាលពីវេលាម៉ោង ៣និង៣០នាទី ទៀបភ្លឺ ថ្ងៃទី២៥ ខែ ឧសភា <br />ឆ្នាំ២០១៣ បណ្តាលឲ្យអ្នក យាមផ្ទះម្នាក់បាន ស្លាប់បាត់បង់ជីវិត យ៉ាងអណោចអាធម។</p>
<p>នាយនគរបាលបឹងទំពុន បានឲ្យដឹងថា ជនរងគ្រោះ ដែលត្រូវក្រុមចោរបាញ់ឲ្យស្លាប់ខាងលើនេះ<br /> ឈ្មោះ លី ថូ អាយុ ២៣ឆ្នាំ មានមុខ របរជា អ្នកយាមផ្ទះ និងមើលកន្លែងផ្ញើម៉ូតូ នៅចំណុចកើត<br />ហេតុខាងលើ និងមានស្រុកកំណើតនៅភូមិទួលចារ ឃុំសំរោង ស្រុកសំរោង ខេត្តតាកែវ។</p>
<p>សាក្សីនៅកន្លែងកើតហេតុបានឲ្យដឹងថា មុនពេលកើតហេតុ យុវជនឈ្មោះ លី ថូ បានដេកយាម<br />ម៉ូតូនៅផ្ទះកើតហេតុ ខណៈនោះក៏ត្រូវ ក្រុមចោរ ដែលចូលគាស់ ផ្ទះបំណងយកម៉ូតូមួយគ្រឿង<br />ម៉ាកឃ្លីកពណ៌ឈាមជ្រូក ពាក់ស្លាកលេខ ភ្នំពេញ1AE-3213 តែត្រូវឈ្មោះលី ថូ ភ្ញាក់ទាន់រត់ ដេញ<br />ចាប់ដណ្តើមម៉ូតូពីក្រុមចោរមកវិញ ជាហេតុធ្វើឲ្យក្រុមចោរ បាញ់មួយគ្រាប់ ត្រូវចំខ្នងខាងឆ្វេងធ្លាយ<br />មកក្រោមគល់ដោះខាងស្តាំ ដួលស្លាប់ក្នុងថ្លុកឈាម យ៉ាងអាណោចអធមបំផុត ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0458.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0459.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0460.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>