<p><span style="color: #000000;"><strong>បាត់ដំបងៈ</strong> សមត្ថកិច្ចបានឃាត់ខ្លួន បុរសម្នាក់ ជាឪពុកមា បង្កើតក្មេងរងគ្រោះ កាលពីព្រឹកថ្ងៃទី២៨ ខែមករា ឆ្នាំ ២០១៥ បន្ទាប់ពីមានពាក្យបណ្តឹង របស់ម្តាយជនរងគ្រោះ ពីបទបៀតបៀនកេរ្តិ៍ភេទក្មួយស្រី ។ ដោយជនសង្ស័យ បានប្រព្រឹត្ត កាលពីម៉ោង ៩និង៤០នាទីយប់ ថ្ងៃទី២៧ ខែមករា ឆ្នាំ២០១៥ នៅភូមិដុបក្រសាំង ឃុំព្រៃតូច ស្រុកមោង ឬស្សីកន្លងទៅ រួចកសាងសំណុំរឿង បញ្ជូនមកស្នងការខេត្ត នៅព្រឹកថ្ងៃទី២៩ ខែមករា នេះ ដើម្បីចាត់ការបន្តតាម ច្បាប់ ។</span></p>
<p><span style="color: #000000;">មន្រ្តីនគរបាលស្រុកមោងឬស្សី បានឲ្យដឹងថា ជនសង្ស័យដែលសមត្ថកិច្ចឃាត់ខ្លួន មានឈ្មោះ ហ៊ាន រស្មីហៅសុខ ភេទប្រុស អាយុ២៥ឆ្នាំ នៅភូមិ ឃុំកើតហេតុខាងលើ ត្រូវជាឪពុកមាបង្កើត របស់ក្មេងរងគ្រោះ ។ ចំណែកក្មេងស្រីរង គ្រោះមានអាយុ ១៩ឆ្នាំ ជាសិស្សសាលា មានផ្ទះនៅដីជាប់គ្នា ។</span></p>
<p><span style="color: #000000;">តាមសម្តីក្មេងស្រីរងគ្រោះ បាននិយាយប្រាប់សមត្ថកិច្ចថា នៅម៉ោងប្រហែលជាង ៩ យប់ ថ្ងៃទី២៧ ខែមករា ខណៈ ដែលនាងចងពុងក្រមា ចូលងូតទឹកក្នុងបន្ទប់ ស្រាប់តែឪពុកមារបស់នាង រុញទ្វារចូល រួចខ្ទប់មាត់មិនឲ្យស្រែក ព្រម ទាំងធ្វើសកម្មភាពថើប យកដៃស្ទាបអង្អែលដោះ និងកេរ្តិ៍ភេទ ហើយនាងបានរើបម្រាស់ ព្រមទាំងស្រែកហៅម្តាយឲ្យ ជួយ ។ ភ្លាមៗនោះ ម្តាយបានមកទាន់ ហើយជនសង្ស័យបានរត់គេចខ្លួនបាត់ ។</span></p>
<p><span style="color: #000000;">បន្ទាប់ពីបានទទួលពាក្យបណ្តឹង ពីម្តាយជនរងគ្រោះរួចមក សមត្ថកិច្ចបានស្រាវជ្រាវ តាមចាប់ជនសង្ស័យ ទាំងយប់ លុះដល់ម៉ោងជាង ៨ព្រឹក ថ្ងៃទី២៨ ខែមករា ទើបសមត្ថកិច្ចឃាត់ខ្លួនបាន រួចនាំយកមកអធិការដ្ឋាន នគរបាលស្រុក ដើម្បីសាកសួរ ។</span></p>
<p><span style="color: #000000;">ជនសង្ស័យបានឆ្លើយសារភាពថា ខ្លួនពិតជាបានធ្វើសកម្មភាព ចង់ចាប់រំលោភក្មួយស្រីពិតប្រាកដមែន តែមិនបាន សម្រេចនោះទេ ។ បច្ចុប្បន្នសមត្ថកិច្ចជំនាញ បានកសាងសំណុំរឿង បញ្ជូនជនសង្ស័យទៅស្នងការ នគរបាលខេត្ត នៅរសៀលថ្ងៃទី២៩ ខែមករា ឆ្នាំ២០១៥នេះ ដើម្បីចាត់ការតាមច្បាប់ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/30/1-30-2015-12-04-47-pm-30-01-2015--12-09-33.png"><span style="color: #000000;"><img src="/FileManager/Articles/mce/2015/1/30/1-30-2015-12-04-47-pm-30-01-2015--12-09-33.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>