<p>ប្រធានគណបក្សសិទ្ធិមនុស្ស លោក កិម សុខា កាលពីម្សិលមិញ បានប្រកាសថា លទ្ធផលក្រៅ<br />ផ្លូវការ គណបក្សរបស់លោក ដណ្ដើមបានកៅអីមេឃុំចំនួន ១៨ នៅក្នុងខេត្តចំនួនបី គឺខេត្តព្រៃវែងខេត្តកំពត និងខេត្តកំពង់ចាម។</p>
<p><a class="thickbox" title="" href="/FileManager/Commons/2012/6/5/kem-sokha-03-cen-05-06-2012--10-44-23.jpg"><img src="/FileManager/Articles/mce/2012/6/5/kem-sokha-03-cen-05-06-2012--10-44-23.jpg" alt="" width="444" height="277" /></a></p>
<p>លោក កិម សុខា បានប្រកាសដូចខាងលើ នៅក្នុងសន្និសីទកាសែតមួយដែលត្រូវបានធ្វើឡើយ<br />បន្ទាប់ពីបានដឹងថា គណបក្សរបស់លោក បានឈ្មះឆ្នោតគួរអោយកត់សម្គាល់។ នៅក្នុងសន្និ<br />សីទកាសែតនេះដែរ លោក កិម សុខា បានថ្លែងថា កៅអីមេឃុំចំនួន ១៨ ដែលខ្លួនដណ្ដើមបាន<br /> ដើមឡើយគឺសុទ្ធតែជារបស់គណបក្សប្រជាជនកម្ពុជា។ លោកបានថ្លែងថា ៖ "គណបក្សសិទ្ធិ<br />មនុស្សនឹងបញ្ជូនមេឃុំរបស់ខ្លួន អោយទៅធ្វើទស្សនកិច្ចសិក្សា នៅបរទេស ដែលមាន ដូចជា<br /> អាមេរិក អូស្ដ្រាលី និងបារាំងជាដើម ដើម្បីស្វែងយល់ពីការគ្រប់គ្រងឃុំ សង្កាត់របស់ពួកគេ"<br />ហើយនោះគឺជាការឆ្លើយតបទៅនឹងការសន្យារបស់គណបក្សនេះ។</p>
<p>ប៉ុន្ដែអ្វីដែលគួរអោយចាប់អារម្មណ៍បំផុតនៅក្នុងសន្និសីទនោះ ប្រធានគណបក្សសិទ្ធិមនុស្ស<br /> លោក កិម សុខា បានអំពាវនាវអោយមេដឹកនាំ គ.ជ.ប លាលែងចេញពីតំណែងដោយសារតែ<br />គណបក្សនេះយល់ថា ប្រធាន គ.ជ.ប អសមត្ថភាព។ល។</p>
<p>លទ្ធផលបណ្តោះអាសន្ននៃការរាប់សន្លឹកឆ្នោត បានបង្ហាញថា គណបក្សសិទ្ធិមនុស្ស បានទទួល<br />ជោគជ័យយ៉ាងច្រើននៅខេត្តព្រៃវែង ដោយគណបក្សនេះ ដណ្ដើមបានកៅអីមេឃុំ ចំនួន ១០ឃុំគឺនៅស្រុកពាមជរ មានឃុំចំនួនបី គឺឃុំកំពង់ប្រាសាទ ព្រែកសំបូង ឫស្សីស្រុក, ស្រុកពោធិ៍រៀង<br />មានពីរឃុំ គឺឃុំកំពង់ឫស្សី និងឃុំព្រែកតាសរ, និងស្រុកស៊ីធរកណ្តាលមាន៥ឃុំ គឺឃុំល្វេ ឃុំព្នៅទី២ ឃុំព្រែកចង្ក្រាន ឃុំព្រៃដើមថ្នឹង និងឃុំឫស្សីសាញ់។</p>
<p>ខេត្តទីពីរដែលគណបក្សសិទ្ធិមនុស្សទទួលបានការគាំទ្រច្រើន នោះគឺខេត្តកំពង់ចាម ដោយ<br />គណបក្សនេះបានឈ្នះជាមេឃុំ ចំនួន៧ឃុំ។ ចំណែកខេត្តកំពត គណបក្សសិទ្ធិមនុស្សក៏<br />ទទួលបានកៅអីមេឃុំចំនួន ១ផងដែរ។</p>
<p>ទោះជាយ៉ាងណាក៏ដោយ នៅក្នុងការបោះឆ្នោតឃុំ សង្កាត់អណត្តិនេះ គណបក្សប្រជាជន<br />កម្ពុជា គឺជាអ្នកឈ្នះភាគច្រើន គឺប្រមាណជាជាង ៧០ភាគរយ៕</p>
<p style="text-align: right;">ដោយ ៖ សូរីយ៉ា<br /><br /></p>