<p><strong>ភ្នំពេញៈ</strong> សិល្បករ សិល្បការិនី មួយចំនួន នាពេលនេះ ត្រូវបានគេសង្កេតឃើញថា កំពុងតែ<br />ទទួលបានការគាំទ្រ និងជោគជ័យជាបន្តបន្ទាប់ ក្រោយពីពួកគេទទួលបានពាន អាណាចក្រ<br />តារា ដែលរៀបចំដោយក្រុមហ៊ុន Sabay កាលពីឆ្នាំ២០១២ កន្លងទៅ។</p>
<p>កម្មវិធីអាណាចក្រតារារៀប ចំកាលពីឆ្នាំមុន ទទួលបានការគាំទ្រច្រើនពីទស្សនិកជន។ កម្មវិធី<br />ផ្ដល់ពានដល់សិល្បករ ដ៏ធំជាងគេនៅកម្ពុជាមួយនេះ បានជួយលើកកម្ពស់មុខមាត់សិល្បករ <br />សិល្បការិនី ជាតឹកតាង សិល្បករ សិល្បការិនី កាន់តែមានសន្ទុះទីផ្សារកាន់តែខ្លាំង នៅក្នុង<br />វិស័យសិល្បៈ បន្ទាប់ពីទទួលបាន ពានកាលពីឆ្នាំទៅមិញរួចមក។</p>
<p>ជាក់ស្ដែង កញ្ញា គង់ ចាន់ស្រីមុំ ដែលទទួលពាន ផ្នែកតារាស៊ីវិល័យ ប្រចាំឆ្នាំ២០១២ មានទីផ្សារ<br />ខ្ពស់ដោយមាន ក្រុមហ៊ុនផ្សព្វផ្សាយពាណិជ្ជកម្មនានា ទាក់ទងនាងឱ្យថតឱ្យ។ ក្នុងឆ្នាំ២០១២ <br />នេះដែរ តារាសម្ដែង sexy រូបនេះ បានបង្ហាញវត្តមានខ្សែភាពយន្តខ្នាតធំ ជាមួយតារាចម្រៀង<br />ល្បីឈ្មោះ គឺលោក ខេមរៈ សិរីមន្ត ក្នុងរឿង ”វិញ្ញាណបិសាចជញ្ជក់ឈាម” ដោយទទួលបានការ<br />គាំទ្រច្រើន ពីទស្សនិកជន។ មួយវិញទៀត កាលពីពេលថ្មីៗនេះកញ្ញា គង់ ចាន់ស្រីមុំ ទើបតែវិល<br />ត្រឡប់ពីសិង្ហបុរី ដើម្បីថតស្ប៉តធំឱ្យក្រុមហ៊ុនខ្មែរ សហការជាមួយប្រទេសសិង្ហបុរី។</p>
<p style="text-align: center;"><img title=" " src="http://image.lookingtoday.com:81/lookingtoday/looking-images/news/2013/July/id-030/Kosal-0266.jpg" alt="" width="500" /></p>
<p>ងាកទៅពិធីករល្បីឈ្មោះរបស់ MYTV តាប៊ុយ វិញឃើញថា តាំងពីក្លាយជាពធីករមក តារារូប<br />នេះមិនដែលបង្ហាញវត្តមាន ក្នុងទីផ្សារភាពយន្ត ម្ដងណាទេ។ ប៉ុន្តែក្រោយពីទទួលពាន អាណា<br />ចក្រតារាឆ្នាំ២០១២ ផ្នែកពិធីករមានប្រជាប្រិយភាពប្រចាំឆ្នាំ ឃើញ ថា ទីផ្សារលោកបានហក់<br />ឡើងខ្ពស់។ លោក តាប៊ុយ ទើបបង្ហាញវត្តមានខ្សែភាពយន្តដំបូង របស់លោកគឺរឿង “ខ្លាចអី?<br /> សើចតើ!” ទទួលបានការគាំទ្រច្រើនពីសំណាក់ទស្សនិកជន ទន្ទឹមគ្នានេះ លោកក៏ត្រៀមបង្ហាញ<br />វត្តមាន វគ្គពីរនៅក្នុងខ្សែភាពយន្តនេះផងដែរ។</p>
<p style="text-align: center;"><img title="" src="http://111.92.240.170:81/dap-news/dap-images/2013/July/id-037/BS0267.jpg" alt="Photo by DAP-NEWS" width="500" /></p>
<p>និយាយពីជយលាភី ផ្នែកតារាថ្មី លេចធ្លោប្រចាំឆ្នាំ កញ្ញា សារ៉ាយ សក្ខណា វិញឃើញថា កញ្ញា<br />មិនដែលមានពេលសម្រាកនៅផ្ទះទេ ក្រោយពីទទួលបានពាននេះ នៅក្នុងឆ្នាំ២០១២។ កញ្ញា<br />បានបង្ហាញវត្តមាន នៅក្នុងខ្សែភាពយន្តជាច្រើនដូចជា “តើអ្នកធ្លាប់ស្រលាញ់ខ្ញុំទេ?” សម្ដែងជា<br />មួយលោក ព្រាប សុវត្ថិ ដឹកនាំដោយផលិតករម៉ាឡេស៊ី រឿង ”កុមារី២៥ឆ្នាំវគ្គពីរ” និងរឿងជា<br />ច្រើនទៀត។ មិនត្រឹមតែសម្ដែងខ្សែភាពយន្តកញ្ញា សារ៉ាយ សក្ខណា ថែមទៀតទទួលថតស្ប៉ត<br /> និងធ្វើជាពិធីការិនីទៀតផង។</p>
<p style="text-align: center;"><img src="http://111.92.240.170:81/dap-news/dap-images/2013/July/id-037/BS0266.jpg" alt="Photo by DAP-NEWS" width="500" /></p>
<p>ចំណែក អ្នកនាង កែវ ស្រីនាង ដែលទទួលពានតារា សម្ដែងប្រជាប្រិយភាព ប្រចាំឆ្នាំ២០១២<br />ឯណោះវិញ ក៏មិនសូវខុសប្លែកពី តារាៗខាងលើប៉ុន្មានដែរ ពោលគឺអ្នកនាងមានប្រជាប្រិយ<br />ភាព កាន់តែខ្ពស់បន្ទាប់ពីទទួលពាន នេះ។ ជាក់ស្ដែង កញ្ញាបានបង្ហាញវត្តមានក្នុងខ្សែភាព<br />យន្តរឿង ”តើអ្នកធ្លាប់ស្រលាញ់ខ្ញុំទេ?” ដោយសម្ដែងជាមួយលោក ព្រាប សុវត្ថិ និងកញ្ញា <br />សារ៉ាយ សក្ខណា ដឹកនាំដោយផលិតករម៉ាឡេស៊ី។ ថ្មីៗនេះអ្នកនាងទើបបញ្ចប់ ខ្សែភាពយន្ត<br />ថ្មីគឺរឿង ”ទេវតាធ្លាក់ពីលើមេឃ” ជាមួយនាយក្រឹម។ ក្រៅពីការថតរឿងនៅមាន ស្ប៉តជាច្រើន<br />ទៀតដែលតារាសម្ដែង ល្បីឈ្មោះរូបនេះបានថត។</p>
<p style="text-align: center;"><img title="" src="http://111.92.240.170:81/dap-news/dap-images/2013/July/id-037/BS0265.jpg" alt="Photo by DAP-NEWS" width="500" /></p>
<p>ដោយឡែកនិយាយពីលោក អូន ឧស្សាហ៍ ដែលទទួលពាន ផ្នែកតារាស៊ីវិល័យប្រចាំ ឆ្នាំ២០១២<br />វិញឃើញថាហាក់មានទីផ្សារខ្ពស់ប្លែក ក្រោយពីទទួលពាននេះ។ ជាក់សម្ដែងនៅពេលទទួល<br />បានពាននេះភ្លាម លោកត្រូវបានម្ចាស់ផលិតកម្ម ក្នុងស្រុកនានា ហៅឱ្យថតសម្ដែងរឿ ងជា<br />ញឹកញាប់រកតែពេលសម្រាក គ្មាន។</p>
<p>លោក អូន ឧស្សាហ៍ ធ្លាប់បញ្ជាក់ថា ៖“ខ្ញុំរំភើបសប្បាយរីករាយ ក្រោយពីទទួលបានពានពីកម្ម<br />វិធី “អាណាចក្រតារា” ។ ពានរង្វាន់នេះបានកែប្រែ មុខមាត់របស់ខ្ញុំនៅក្នុងសិល្បៈ។ ផលិតកម្ម<br />មួយចំនួនដូច ថោន ហង្សមាស ជាដើម ខ្ញុំមិនដែលបានបង្ហាញខ្លួននោះទេកាលពីមុន។ ប៉ុន្តែ<br />ក្រោយពីទទួលបានពានភ្លាម ផលិតកម្មទាំងនោះចាប់ផ្ដើម ទំនាក់ទំនងខ្ញុំ ធ្វើឲ្យទីផ្សាររបស់ខ្ញុំ<br />កើនឡើង”។</p>
<p>លោកបានបន្តថា ដោយទីផ្សារផ្នែកសម្ដែងកើនឡើង ធ្វើឲ្យតម្លៃខ្លួនរបស់លោក បានកើនឡើង<br />ផងដែរ ដែលខុសប្លែកពីមុនមិនសូវមានទីផ្សារ ហើយតម្លៃខ្លួនក៏ទាបដែរ។ ជាមួយគ្នានេះដែរ<br /> លោកក៏បានបដិសេធន៍ ការថតរឿងពីរផ្សេងទៀត ដោយសារមិនមានពេលទំនេរ។</p>
<p style="text-align: center;"><img title="" src="http://111.92.240.170:81/dap-news/dap-images/2013/July/id-037/BS0264.jpg" alt="Photo by DAP-NEWS" width="500" /></p>
<p>មិនត្រឹមតែតារាៗ ខាងលើប៉ុន្មានដួងនេះទេ ដែលទទួលបាន ទីផ្សារខ្ពស់ នៅពេលទទួលបាន<br />ពានអាណាចក្រតារា តែនៅមានតារាៗផ្សេងទៀត ក៏ទទួលបានទីផ្សារខ្ពស់ផងដែរ ក្រោយពី<br />ទទួលបានពាន អាណាចក្រតារាកាលពីឆ្នាំ២០១២។ ចាំមើលថា តើនៅឆ្នាំ២០១៣នេះ តារារូប<br />ណាខ្លះនឹងទទួលបាន ពានអាណាចក្រតារា ដែលប្រារព្ធឡើងនៅថ្ងៃទី ១៥ ខែសីហាខាងមុខ?<br /> ម្យ៉ាងទៀតចាំមើលថា តើតារាទាំងនោះនឹងមានទីផ្សារ បែបណានៅពេល ទទួលបាននេះ៕</p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>