<p>ព័ត៌មានអន្តរជាតិ ៖ ក្រុមប្រឹក្សាសន្តិសុខ នៃអង្គការសហប្រជាជាតិ (UN) នៅថ្ងៃទី២១ បានអនុម័តជា ឯកច្ឆ័ន្ទ ទៅលើដំណោះស្រាយ ដើម្បី ទាមទារឲ្យមានការស៊ើបអង្កេត ឲ្យ បានពេញលេញពីអន្តរជាតិ លើករណីធ្លាក់យន្តហោះដឹកអ្នកដំណើរ របស់ក្រុមហ៊ុនអាកាសចរណ៍ម៉ាឡេស៊ី MH17។</p>
<p><a class="thickbox" title="" href="/FileManager/Commons/2014/7/23/01-23-07-2014--09-02-33.jpg"><img src="/FileManager/Articles/mce/2014/7/23/01-23-07-2014--09-02-33.jpg" alt="" /></a></p>
<p>ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃអង្គារ ទី ២២ ខែ កក្កដា ឆ្នាំ ២០១៤ ថា នៅក្នុង ដំ ណោះស្រាយនោះដែរ គឺយូអិនបានទាមទារឲ្យបញ្ចប់គ្រប់សកម្មភាពយោធា នៅជិតទីតំាងដែល យន្ត ហោះធ្លាក់ ដើម្បីអនុញ្ញាតដល់ការស៊ើបអង្កេត ជាមួយគ្នានោះ ដែរ នៅក្នុងដំណោះស្រាយនោះក៏បាន ទាម ទារឲ្យមានការទទួលខុសត្រូវ និង ត្រូវសហការឲ្យបានពេញលេញ ក្នុងចំណោម ប្រទេសដែល បានចូលរួម។</p>
<p>សូមបញ្ជាក់ផងដែរថា យន្តហោះដឹកអ្នកដំណើរប្រភេទ ប៊ូអ៊ីង ៧៧៧-២០០ របស់ប្រទេស ម៉ាឡេស៊ី ដែលហោះហើរពី អាកាសយានដ្ឋាន អាំស្ទែរដាំ ប្រទេសហូឡង់ ទៅកូឡាឡំាពួរ ប្រទេស ម៉ាឡេស៊ី បានធ្លាក់កាលពីថ្ងៃព្រហស្បតិ៍ នៅភាគខាង កើតប្រទេសអ៊ុយក្រែន បណ្តាលមនុស្សចំនួន ២៩៨នាក់ ដែលនៅលើយន្តហោះ នោះស្លាប់ទំាងអស់។ ពាក់ព័ន្ធនឹងករណី ធ្លាក់នេះ សហរដ្ឋអាម៉េរិក បានអះ អាងថា យន្តហោះនោះធ្លាក់ដោយសារតែ មីស៊ីលបាញ់ទម្លាក់៕</p>
<p>ប្រែសម្រួល ៖ កុសល<br />ប្រភព ៖ ដើមអម្ពិល និង ស៊ិនហួរ</p>