<p><span style="color: #000000;">ព័ត៌មានអន្តរជាតិ ៖ តុលាការ កំពូលប្រទេសចិនអោយដឹងថា ខ្លួនចេញសេចក្តីសម្រេច ចុងក្រោយ កាត់ទោសប្រហារជីវិត គ្រូសាលាបឋម មួយរូប ក្រោយរងការចោទប្រកាន់ រំលោភ បំពានកេរ្តិ៍ខ្មាស់ ក្មេងស្រី ២៦ រូប ។ </span></p>
<p><a class="thickbox" title="" href="/FileManager/Commons/2015/5/29/65-29-05-2015--15-17-33.jpg"><img src="/FileManager/Articles/mce/2015/5/29/65-29-05-2015--15-17-33.jpg" alt="" /></a></p>
<p><span style="color: #000000;">ក្រោយដកស្រង់ របាយការណ៍ ចេញពី សារព័ត៌មានរដ្ឋចិន រួចមកទំព័រសារព័ត៌មានបរទេសប៊ីប៊ីស៊ី អោយដឹងថា លោក Li Jishun អាជីពជាគ្រូបឋមនោះ បានសារភាពពីបទល្មើសឧក្រិដ្ឋកម្មខាងលើ ចន្លោះឆ្នាំ ២០១១ និង ២០១២ ខណៈលោកបង្រៀនសិស្សដោយផ្ទាល់នៅ ឯភូមិ ក្នុង ខេត្ត Gansu ប្រទេសចិន ។ បន្ថែមពីលើនេះ របាយការណ៍ ពីសារព័ត៌មានក្នុងស្រុក បន្ថែម អោយដឹងថា តុលា ការកំពូល Supreme People's Court បានបំភ្លឺក្តែងៗអោយដឹងថា ជនជាប់ ចោទជាគ្រូបង្រៀនរូប នេះ បានបៀតបៀនកេរ្តិ៍ខ្មាស់ ទៅលើជនរងគ្រោះ មានអាយុចន្លោះពី ៤ ទៅ ១១ ឆ្នាំ ខណៈពួកគេ គឹជាក្មេងស្រីតូច មានភាពក្មេងខ្ចី និង អៀន ខ្មាស់ ច្រើន ។ ប្រភពពី តុលាការ កំពូលដដែលបន្ត អោយដឹងថា ក្នុងរយៈពេលប៉ុន្មានឆ្នាំចុងក្រោយនេះ ករណីរំលោភ បំពាន និងបៀតបៀនកេរ្តិ៍ខ្មាស់ ក្មេងៗ គឺមានដល់ទៅ ៧០០០ ករណី ក្នុងនោះ និន្នា ការ មួយនេះ មានការព្រួយបារម្ភថា មានការ កើនឡើង ៕</span></p>
<p><a class="thickbox" title="" href="/FileManager/Commons/2015/5/29/80-29-05-2015--15-17-45.jpg"><img src="/FileManager/Articles/mce/2015/5/29/80-29-05-2015--15-17-45.jpg" alt="" /></a></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>