<p><strong>ភ្នំពេញ ៖</strong>បុរសពីរនាក់ នឹងស្រ្តីម្នាក់ ត្រូវរងរបួសបាក់ដៃ នឹងបាក់ជើង បែកក្បាល ខណៈពួក<br />គាត់ជិះរ៉ឺម៉កដឹកបន្លែ មួយគ្រឿង ឌុបគ្នា ហើយត្រូវ រថយន្តលុស្សស៊ីស RX 300 មួយគ្រឿង <br />បើកបុកយ៉ាងពេញទំហឹង នៅចំណុចផ្លូវលេខ២០៥ កែងផ្លូវលេខ ៣៤៨ សង្កាត់ទួលស្វាយ<br />ព្រៃទី ២ ខណ្ឌ ចំការមន កាលពីវេលាម៉ោង ២៣ នឹង ២០ នាទី យប់ថ្ងៃទី ២៤ ខែមិថុនា ឆ្នាំ<br /> ២០១៣ ។</p>
<p>យោងតាម ប្រភពព័ត៌មាន ពីប្រជាពលរដ្ឋ នៅជិតចំណុចកើតហេតុ បានឲ្យដឹងថា មុនពេល<br />កើតហេតុគេ បានជនរងគ្រោះទាំងបីនាក់ បានជិះរ៉ឺម៉ក ដឹកបន្លែ មួយគ្រឿង តាមបណ្តោយ<br />ផ្លូវលេខ ២០៥ ក្នុងទិសដៅពីលិចទៅកើត ដោយបានបើកក្នុងល្បឿនល្មម ខណៈមកដល់<br />កែងផ្លូវលេខ ៣៤៨ ក្នុងសង្កាត់ទួលស្វាយព្រៃទី ២ ក៏ស្រាប់តែ មានរថយន្តមួយគ្រឿង ម៉ាក<br />លុច្សស៊ីស RX 300 ពណ៌ស្ករ មិនចាំស្លាក លេខ ដែលកំពុងបើកបរ ក្នុង ល្បឿនយ៉ាងលឿន<br /> តាមបណ្តោយផ្លូវ ៣៤៨ ក្នុងទិសដៅពីត្បូងទៅជើង បានជ្រុល ទៅបុករ៉ឺម៉កដឹកបន្លែ ក្រឡាប់<br />ផ្ងារជើងច្រងាង និងបណ្តាលឲ្យ បុរសពីរនាក់ រងរបួសបាក់ដៃ នឹងបែកក្បាល នឹងស្រ្តីម្នាក់<br />ទៀត ត្រូវរងរបួសបាក់ជើងខាងស្តាំម្ខាង ។</p>
<p>ចំណែករថយន្ត បង្កហេតុបន្ទាប់ពីដឹងថា បើករថយន្តបុកមនុស្ស បណ្តាលឲ្យរងរបួសនោះ <br />មានការភ័យខ្លាច ក៏បានបើករត់គេចខ្លួន បាត់ស្រមោល ឈឹងតែម្តង។</p>
<p>នគរបាលមូលដ្ឋាន ដែលចុះទៅដល់កន្លែងកើតហេតុ បានបន្តថា បន្ទាប់ពីមានហេតុការណ៍<br />នេះ អ្នករងរបួសទាំង បី នាក់ ត្រូវបានរថយន្តសាមុយ នៃមន្ទីរពេទ្យឯកជន បានចេញមកអន្ត<br />រាគមន៍ ដឹកយកទៅសង្គ្រោះ នៅមន្ទីរពេទ្យភ្លាមៗ នឹងរ៉ឺម៉កដឹកបន្លែ របស់ជនរងគ្រោះត្រូវបាន<br /> ក្រុមគ្រួសារមក ទទួលយកទៅវិញ ដោយមិនបាន ដាក់ពាក្យបណ្តឹង តាមចាប់រថយន្តបង្កហេតុ<br />នោះទេ ដោយគ្មានអ្នកចាំស្លាក លេខរថយន្តបង្កហេតុ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0663.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0664.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0665.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>