<p><strong>ភ្នំពេញ៖</strong> តារាចម្រៀងស្រស់ស្អាត កញ្ញា វ៉ានីឡា ដែលត្រូវបានគេដឹងថា ជាប្អូនស្រីបង្កើតរបស់<br /> កវីខកស្នេហ៍ សុខ ជំនោរ ជាតារាចម្រៀងថ្មីម្នាក់ កំពុងតែលេចធ្លោក្នុងផលិតកម្ម ភ្លេងរីខដ ។ <br />បទចម្រៀងរបស់នាងមួយចំនួន ដែលបានចេញលក់លើទីផ្សារកន្លងមក ហាក់ទទួលបានការ<br />គាំទ្រ យ៉ាងច្រើនសន្ធឹកសន្ធាប់ ដោយសារទឹកដមសំនៀង ក៏ដូចជាអត្ថន័យបទចម្រៀងប្លែក<br /> គួរឲ្យចាប់អារម្មណ៍។</p>
<p>គ្រាន់តែភ្លេងលេងបទ "មនុស្សបងធុញ វិលវិញបានទេ" ដែលជាចម្រៀងឆ្លើយឆ្លងជាមួយបទ<br /> "មាននាងក៏ធុញ គ្មានក៏ធុញ" របស់លោក ម៉ានិត សំឡេងទះដៃហ៊ោកញ្រ្ជៀវ បានលាន់ឮរំពង<br />ពេញស្ទូឌីយោរបស់ស្ថានីយទូរទស្សន៍ហង្សមាស ធ្វើឲ្យស្រីស្អាតច្រមុះស្រួច វ៉ានីឡា ញញឹម<br />បិទមាត់មិនជិត ព្រោះនាងទទួលបានគាំទ្រពីយុវវ័យ លើសការរំពឹងទុក ។</p>
<p>ជាការពិត តារាពន្លកថ្មីក្នុងផលិតកម្ម ភ្លេងរីខដ វ៉ានីឡា ត្រូវបានគេដឹងថា នាងជាប្អូនស្រីបង្កើត<br />របស់ កវីកម្សត់ស្នេហ៍ សុខ ជំនោរ តែគ្មានអ្នកណាម្នាក់ជឿថា នាងជាប្អូនស្រីបង្កើតរបស់ លោក<br />សុខ ជំនោរ ទេ ដោយសារមើលទៅខុសគ្នាដូចមេឃនឹងដី ព្រោះទម្រង់មុខអ្នកទាំងពីរនេះ មិន<br />ដូចគ្នាទេ ។</p>
<p>វ៉ានីឡា ហាក់ទទួលបានការលើកស្ទួយពិសេសជាងគេ ក្នុងផលិតកម្ម ភ្លេងរីខដ ដោយសារនាង <br />មានខ្នងបង្អែកក្រាស់ នឹង មានសមត្ថភាពសិល្បៈពីកំណើតស្រាប់ ធ្វើឲ្យអ្នករួមដំបូល ផលិតកម្ម<br />រួមជំនាន់ជាមួយគ្នា មានអារម្មណ៍ច្រណែន នាងមិនស្ទើរនៅឡើយ។</p>
<p>ជំនួបផ្ទាល់នៅស្ថានីយទូរទស្សន៍ ហង្សមាស ស្រីស្អាត វ៉ានីឡា បានរៀបរាប់ប្រាប់ LookingTODAY<br /> ឲ្យបានដឹងថា នាងពិតជាប្អូនស្រី លោក សុខ ជំនោរ មែនតែនាងមិនមែនកូនពៅទេ។ នាងបន្តទៀត<br />ថា ថ្មីៗនេះ មានបទចម្រៀងចេញលក់ជាបន្តបន្ទាប់ ។ ប៉ុន្តែពេលចូលមកដល់ក្នុងទ្រនំមួយនេះនាង<br />មិនបានពឹងផ្អែកលើ បងប្រុសដែលជា អ្នកគ្រប់គ្រងក្នុងផលិតកម្ម ដើម្បីបានល្បីឈ្មោះនោះទេ<br /> ដោយនាងបានដាក់ពាក្យតាម ហ្វេសប៊ុក និងធ្វើតេស្តសំឡេងដល់ទៅ ៦ដង ទំរាំក្លាយជាតារា<br />ចម្រៀងថ្មី ក្នុងផលិតកម្មថ្មីនេះ ពិតជាពិបាកខ្លាំងណាស់ ។</p>
<p>តាមការពិត លោក សុខ ជំនោរ មិនចង់ឲ្យប្អូនស្រីរបស់ខ្លួន ចូលប្រឡូកក្នុងពិភពសិល្បៈ ប៉ុន្មានទេ <br />តែ វ៉ានីឡា មានចំណាប់អារម្មណ៍ចង់ខ្លាំង ហើយក៏បណ្ដោយតែម្ដងទៅ ។ បន្ទាប់ពីស្ដាប់ការបក<br />ស្រាយ របស់ស្រីស្អាត វ៉ានីឡា កាន់តែបង្ហាញថា ពិតជាមាននិស្ស័យ នឹងសិល្បៈដូចបងប្រុសនាង<br />ខ្លាំងពិតមែន ហើយនាងប្រឹងប្រែង ដោយសមត្ថភាព មិនបានប្រើខ្សែទុយោ ជួយយិតយោង ដូច<br />អ្វីដែលទស្សនិកជនគិតនោះទេ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-065/PISETH-0581.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-065/PISETH-0582.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-065/PISETH-0583.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-065/PISETH-0584.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>