<div class="article-content">
<p><strong>ភ្នំពេញ</strong> ៖ កម្មករបោះពុម្ភអាវយឺតម្នាក់ បានស្លាប់ពេលមិត្ដភក្ដិនិងសមត្ថកិច្ចជួយដឹក បញ្ជូនទៅ កាន់មន្ទីរពេទ្យលោកសង្ឃ បាន ពាក់កណ្ដាលផ្លូវ ក្រោយពីជន បង្ក៤នាក់បាន ចាក់និងកាំបិត ចុងស្រួច ៤ទៅ៥កាំបិតពីក្រោយខ្នង ខណៈដែលជនរងគ្រោះ កំពុងអង្គុយសាសង ស្នេហា ជាមួយសង្សាររបស់ខ្លួនធ្វើការជាមួយគ្នា កាលពីវេលាម៉ោង៧ និង០៥នាទី យប់ថ្ងៃទី០៤ ខែធ្នូ ឆ្នាំ២០១៣ ស្ថិតនៅមុខបន្ទប់ជួល គ្មានលេខ ផ្លូវលំ ក្រុមទី២ ភូមិច្រេះ សង្កាត់ភ្នំពេញថ្មី ខណ្ឌ សែនសុខ ។</p>
<p>សមត្ថកិច្ចមូលដ្ឋាន ដែលទៅជួយអន្ដរាគមន៍នៅកន្លែងកើតហេតុ បានបញ្ជាក់ថា ជនរងគ្រោះ ឈ្មោះថេង ឆលីហ៊ាង អាយុ១៨ឆ្នាំ មុខរបរកម្មករ បោះពុម្ភ អាវយឺត ស្នាក់នៅកន្លែងបោះពុម្ភ តែម្ដង។ ដោយឡែកនារីជាសង្សារ ឈ្មោះផល សោភា អាយុ១៧ឆ្នាំ ធ្វើការនៅជាមួយគ្នា ។</p>
<p>សម្រាប់ករណីនេះ ត្រូវបានសមត្ថកិច្ចសន្និដ្ឋានអាចបណ្ដាលមកពីរឿងប្រច័ណ្ឌ ប៉ុន្ដែជនបង្កទាំង ៤នាក់ ស្ថិត ក្រោមការតាមប្រមាញ់ របស់សមត្ថកិច្ចហើយ ។</p>
<p>សពជនរងគ្រោះ ត្រូវបានសមត្ថកិច្ចរៀបចំចាត់ចែង ប្រគល់ទៅឱ្យក្រុមគ្រួសារយក ទៅធ្វើបុណ្យ តាមប្រពៃណីនៅឯស្រុកកំណើត ៕</p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0117.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0118.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0119.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>