<p>iPhone 6 ពិតជាស័ក្ដិសមនឹងមានឈ្មោះ iPhone Air ដោយសារថា វានឹងមានកម្រាស់ដ៏ស្ដើង<br /> គឺត្រឹម ៦,១ម.ម។</p>
<p style="text-align: center;"><a class="thickbox" title="" href="/FileManager/Commons/2014/4/30/ipt1-30-04-2014--23-06-18.jpg"><img src="/FileManager/Articles/mce/2014/4/30/ipt1-30-04-2014--23-06-18.jpg" alt="" /></a></p>
<p style="text-align: center;">រូបភាពបង្ហាញអំពីពុម្ភ ដែលនឹងត្រូវប្រើដើម្បីបង្កើត iPhone ថ្មី</p>
<p>រូបថតបែកធ្លាយ បង្ហាញអំពីពុម្ភ ពណ៌ខ្មៅមួយ ដែលត្រូវបានគេអះអាងថា ដើម្បីផលិតសម្បក<br /> case របស់ iPhone 6 ទើបត្រូវបានបង្ហោះនៅលើវេទិការអនឡាញ Chinese Apple ។ តាមរយៈ<br />រូបថតនេះ គេជឿថា ជំនាន់បន្ទាប់របស់ iPhone នឹងត្រូវបាន Apple បំពាក់អេក្រង់ថាច់ស្គ្រីនទំហំ<br /> ៤,៧ inch ហើយជ្រុងនិមួយៗរបស់វា នឹងមានរាងមូល ស្រដៀងនឹង iPad Air និង iPad mini ។</p>
<p style="text-align: center;"><a class="thickbox" title="" href="/FileManager/Commons/2014/4/30/ipt2-30-04-2014--23-06-58.jpg"><img src="/FileManager/Articles/mce/2014/4/30/ipt2-30-04-2014--23-06-58.jpg" alt="" /></a></p>
<p style="text-align: center;">ពុម្ភនេះ ក៏បង្ហាញថា iPhone ថ្មី នឹងមានរូបរាងស្ដើងបំផុត</p>
<p>បើធៀបជាមួយ iPhone 5s (៧,៦ម.ម) នោះ iPhone 6 គឺពិតជាស័ក្ដិសមនឹងឈ្មោះ iPhone Air <br />ដោយមានកម្រាស់ត្រឹមតែ ៦,១ម.ម នេះបើតាមភាពជាក់ស្ដែងរបស់ពុម្ភនេះ។</p>
<p style="text-align: center;"><a class="thickbox" title="" href="/FileManager/Commons/2014/4/30/ipt3-30-04-2014--23-14-40.jpg"><img src="/FileManager/Articles/mce/2014/4/30/ipt3-30-04-2014--23-14-40.jpg" alt="" /></a></p>
<p style="text-align: center;">រូបភាពបែកធ្លាយ កាយពីដើមខែ នៅលើបណ្ដាសង្គមចិន បង្ហាញថា Apple ពិតជាកំពុងអភិវឌ្ឍ<br /> iPhone ដែលមានអេក្រង់ធំ</p>
<p>ដោយសារតែអេក្រង់ធំជាងកំណែមុន ដូច្នេះ ប៊ូតុងបិទបើកម៉ាស៊ីន របស់ iPhone 6 នឹងត្រូវបាន<br />យកមកដាក់នៅចំហៀងខាងស្ដាំ ដើម្បីងាយស្រួលប្រើ។ ចំណែកគ្រាប់ចុចបញ្ជាសម្លេង នឹងត្រូវ បានដាក់នៅចំហៀងខាងឆ្វេងរបស់ម៉ាស៊ីន។ ដុំពកមូលតូច នៅត្រង់ខាងឆ្វេងនៃផ្នែកខាងក្រោយ<br />របស់ទូរស័ព្ទ គឺជាទីតាំងរបស់កាមេរ៉ា ដែលតាមពាក្យចចាមអារ៉ាម វានឹងមានរីសូលូសឹន ១៣<br /> megapixel មានមុខងារថតរូបបែប 3D និងអាច zoom អុបទិច បានកម្រិត 3x ។</p>
<p style="text-align: center;"><a class="thickbox" title="" href="/FileManager/Commons/2014/4/30/ipt-30-04-2014--23-13-41.jpg"><img src="/FileManager/Articles/mce/2014/4/30/ipt-30-04-2014--23-13-41.jpg" alt="" /></a></p>
<p style="text-align: center;">ចំណែករូបភាពដែលបានលេចធ្លាយ កាលពីខែមិនានេះវិញ បង្ហាញថា iPhone ថ្មី នឹងមានជ្រុង រាងមូល</p>
<p><br />ទន្ទឹមនឹង iPhone 6 អេក្រង់ ៤,៧ inch ដែលអាចនឹងបង្ហាញខ្លួនក្នុងទីផ្សារ នៅក្នុងឆ្នាំនេះ ក្រុមហ៊ុន<br /> Apple ក៏កំពុងតែអភិវឌ្ឍជំនាន់ iPhone ថ្មី ដែលនឹងមានអេក្រង់ ៥,៥ inch ។ ប៉ុន្ដែ iPhone ៥,៥ inch ក៏ប្រហែលជាមិនអាចលេចមុខក្នុងឆ្នាំនេះ ដោយសារបញ្ហាថ្ម។</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Daily Mail/PhoneArena<br /><br /></p>