<div class="article-content">
<p><strong>ភ្នំពេញៈ</strong> យុវជនម្នាក់ ដោយសារតែអំណាចញៀនថ្នាំពេក បានទៅទិញថ្នាំញៀន ១កញ្ចប់ ប៉ង<br />ប្រើប្រាស់នៅក្នុងផ្ទះ ប៉ុន្តែត្រូវបានក្រុមគ្រួសារឃើញ រួចហើយត្រូវក្រុមគ្រួសារ ព្យាយាមរារាំង <br />និងដណ្តើមយកចេញ ក៏ខឹងស្ទុះ ឡើងទៅលើបន្ទប់ឡៅតឿ ទាញខោអាវនៅក្នុងទូ រួមទាំងទូ<br />ក្រណាត់កង្ហា១ គ្រឿង ដុតចោល នៅលើបន្ទប់ឡៅតឿនោះតែម្តងទៅ ប៉ុន្តែពុំមានការឆាបឆេះ<br /> ដល់លំនៅឋាននោះទេ ដោយសារតែមានអ្នកជិតខាង ជួយ ពន្លត់ទាន់ ពេលវេលា ភ្លាមៗក្រុម<br />គ្រួសារ បានប្តឹងឲ្យនគរបាល ចុះទៅឃាត់ខ្លួន ជនអុកឡុកក្រុមគ្រួសារ មកកាន់អធិការដ្ឋាន តែ<br />ត្រូវគ្រួសារសំណូមពរ សុំយក ជនសង្ស័យ ទៅដាក់នៅមណ្ឌលបន្សាបគ្រឿងញៀន ហេតុ<br />ការណ៍ដុតបំផ្លាញទ្រព្យសម្បត្តិនេះ កើតឡើងកាលពីវេលា ម៉ោង២២និង៤៣នាទី យប់ ថ្ងៃទី<br />២៧ ខែមិថុនា ឆ្នាំ២០១៣ ស្ថិតនៅក្នុងភូមិតាងួន សង្កាត់កាកាប ខណ្ឌពោធិ៍សែនជ័យ រាជធានី<br />ភ្នំពេញ។</p>
<p>នគរបាលបានឲ្យដឹងថា ជនដែលអុកឡុកក្រុមគ្រួសារនេះ មានឈ្មោះ លន់ គឹមឈុន ភេទប្រុស<br /> អាយុ ៣០ឆ្នាំ មានមុខរបរ ជាជាងជួសជុលអគ្គិសនី រស់នៅក្នុងភូមិ សង្កាត់កើតហេតុខាងលើ។<br /> ចំណែកឯជនរងគ្រោះវិញ មានឈ្មោះ ពន់ ឆេងគន់ ភេទស្រី អាយុ ៥៣ ឆ្នាំ រស់នៅផ្ទះលេខ <br />២៨០បេ ក្រុមទី១៣ ភូមិតាងួន សង្កាត់កាកាប ខណ្ឌពោធិ៍ ត្រូវជាម្តាយមីង របស់ជនសង្ស័យ។</p>
<p>នគរបាលបានបន្តទៀតថា មុនពេលកើតហេតុ ម្តាយមីងនិងម្តាយបង្កើត របស់ជនសង្ស័យ កំពុង<br />តែអង្គុយលេងនៅក្នុងផ្ទះ ស្រាប់តែឃើញជន សង្ស័យ ដើរចូលមកក្នុងផ្ទះ រួចហើយចូលទៅក្នុង<br />បន្ទប់ទឹក បើកទឹកចោលនៅក្នុងបន្ទប់ទឹកនោះ ដោយមានការសង្ស័យ ក៏ស្រែកហៅ លុះក្រោយ<br /> មកជនសង្ស័យបើកទ្វារបន្ទប់ ឃើញកាន់ខោជើងវែងជាប់និងដៃ ក៏ដណ្តើមយកខោនោះ បាន<br />រលាក់មើលធ្លាក់ថ្នាំញៀន ១កញ្ចប់ ចេញមក ចំណែក ឯជនសង្ស័យវិញ បានស្ទុះឡើងទៅលើ<br />ឡៅតឿ រួចហើយធ្វើសកម្មភាព ប្រមូលខោអាវដុតបំផ្លាញ រួមទាំងទូក្រណាត់ដាក់ខោអាវ និង<br />កង្ហា១ គ្រឿង ផងដែរ ។</p>
<p>នគរបាលបានបន្តថា បន្ទាប់ពីមានអណ្តាតភ្លើងឆេះឡើង និងហុយទ្រលោមហើយនោះ ក្រុម<br />គ្រួសារបានស្រែក ឲ្យអ្នកជិតឲ្យជួយអន្តរាគមន៍ ភ្លាមៗ នោះអ្នកជិតខាង បានជួយទាញខោអាវ<br /> ដែលរងការឆាបឆេះនោះ ទម្លាក់មកក្រោម រួចហើយបាញ់ទឹកពន្លត់ទាន់ពេលវេលា ទើបមិន<br />បណ្តាលឲ្យឆេះ រហូតដល់ផ្ទះ ក្រោយពេលកើតហេតុ ក្រុមគ្រួសារ បានមកប្តឹងនគរបាលប៉ុស្តិ៍ <br />ឲ្យចុះទៅឃាត់ខ្លួន មកកាន់ប៉ុស្តិ៍នគរបាលកាកាប ដើម្បីធ្វើការអប់រំ រួចហើយក្រុម គ្រូសារបាន<br />សុំយកជនសង្ស័យ ទៅដាក់នៅមណ្ឌលបន្សាបគ្រឿងញឿន។</p>
<p>នគរបាលបានបន្តថា សម្ភារដែលរងការខូចខាត មានខោអាវចំនួន ១០០កំប្លេ ទូក្រណាត់ដាក់<br />ខោអាវចំនួន៣ និងកង្ហា១គ្រឿង ចំណែកឯថ្នាំ ដែលគេ ទិញមកនោះ នគរបាលមិនទាន់បញ្ជាក់<br />ថា ទិញមកពីណានោះទេ គ្រាន់តែដឹង ថា ប្រភេទម៉ាទឹកកកចំនួន ១កូនកញ្ចប់តូចប៉ុណ្ណោះ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0814.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0815.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>