<p>ជម្ងឺញៀនប្រើទូរស័ព្ទ នឹងមានឈ្មោះហៅជាផ្លូវការថា "nomophobia" ដែលសរសេរកាត់ពី<br />កន្សោមពាក្យ ភាសា អង់គ្លេស "No mobile phone phobia" ។</p>
<p>ផលប៉ះពាល់របស់អាការៈនៃជម្ងឺញៀនប្រើទូរស័ព្ទ ចំពោះមនុស្ស កាន់តែកើនឡើង រហូតដល់<br />ធ្វើឱ្យក្រុមអ្នកវិទ្យាសាស្ដ្រ ត្រូវរកឈ្មោះដាក់ឱ្យការញៀននេះ។ ចាប់ពីពេលនេះតទៅ ជម្ងឺ<br />ញៀនប្រើទូរស័ព្ទ ត្រូវបានគេហៅជាផ្លូវការថា "nomophobia" ("No mobile phone phobia") <br />ដែលមកប្រែក្រៅផ្លូវការថា “ភាពភ័យព្រួយ ពេលគ្មានទូរស័ព្ទចល័ត”។ បច្ចុប្បន្ន ក្រុមយុវវ័យ <br />គឺជាអ្នកដែលទទួលផលប៉ះពាល់ខ្លាំងបំផុត ដោយសារតែជម្ងឺ Nomophobia នេះ។</p>
<p style="text-align: center;"><a class="thickbox" title="" href="/FileManager/Commons/2014/8/2/name1-02-08-2014--16-47-45.jpg"><img src="/FileManager/Articles/mce/2014/8/2/name1-02-08-2014--16-47-45.jpg" alt="" /></a></p>
<p>រោគសញ្ញានៃជម្ងឺ Nomophobia រូមមាន អារម្មណ៍ភ័យព្រួយ ឬអស់សង្ឃឹម នៅពេលឃ្លាតឆ្ងាយ<br />ពីស្មាតហ្វូន និងមិនអាចផ្ដោតទៅលើអ្វីផ្សេងឱ្យបានច្រើន ក្រៅតែពីការឆែកព័ត៌មាន លេង<br /> Facebook ជាដើម នៅលើទូរស័ព្ទ។ អាការៈដែលធ្ងន់ជាងនេះ គឺអ្នក “ជម្ងឺ” នឹងស្ថិតក្នុងស្ថាន<br />ភាពស្រម័យថា ទូរស័ព្ទរបស់ខ្លួនកំពុងរោទ៍ ប៉ុន្ដែការពិត ទូរស័ព្ទមិនបានរោទ៍នោះទេ។</p>
<p>យោងតាមគ្រូពេទ្យចិត្តវិទ្យា ការញៀនប្រើស្មាតហ្វូន ក៏មានលក្ខណៈស្រដៀងនឹងការញៀន<br />មួយចំនួនផ្សេងទៀត ដោយសារវាមានទំនាក់ទំនងជាមួយនឹងការបាត់បង់តុល្យភាពនៃសារ<br />ជាតិ dopamire ។ នេះគឺជាសារធាតុ បញ្ជូនក្នុងបណ្ដាញសរសៃប្រសាទ ដែលមានលក្ខណៈ <br />"លើកសរសើរ" ហើយវាស្ថិតនៅកណ្ដាលខួរក្បាល។ Dopamire ជម្រុញឱ្យមនុស្ស ធ្វើអ្វីមួយ<br /> ដែលពួកគេយល់ថា ជាវិជ្ជមាន។ ការមិនទាន់ទទួលបានដំណឹងអ្វីពីស្មាតហ្វូន បណ្ដាលឱ្យអ្នក<br /> “ជម្ងឺ” តែងតែសម្លឹងមើលទៅលើអេក្រង់ទូរស័ព្ទ ជាបន្តបន្ទាប់ បើទោះជាពុំមានអ្វីនៅទីនោះ។</p>
<p style="text-align: center;"><a class="thickbox" title="" href="/FileManager/Commons/2014/8/2/name2-02-08-2014--16-49-00.jpg"><img src="/FileManager/Articles/mce/2014/8/2/name2-02-08-2014--16-49-00.jpg" alt="" /></a></p>
<p>ជាក់ស្ដែងបំផុត នៅពេលទទួលបានការចុចចូលចិត្ត (Like) ច្រើន ទៅលើរូបថត ឬសំណេរ<br />របស់ខ្លួនដែលបានបង្ហោះ នៅលើបណ្ដាញសង្គម វាធ្វើឱ្យអ្នកញៀនទូរស័ព្ទ កាន់តែចូលចិត្ត<br />ទូរស័ព្ទថែមទៀត។ ក្រុមអ្នកវិទ្យាសាស្ដ្រមួយចំនួន បានលើកឡើងនូវគម្រោងការ នាំយកនូវ<br />អាការៈ nomophobia នេះ ទៅក្នុងកម្មវិធីពិនិត្យជម្ងឺ និងធ្វើស្ថិតិទៅលើបញ្ហាសរសៃប្រសាទ(DSM)<br /> ដែលជាកម្មវិធីលំដាប់ខ្ពស់បំផុត ដើម្បីការពារសុខភាពរបស់មនុស្ស។</p>
<p>ចំណែកអ្នកវិញ តើយល់ថា ខ្លួនកំពុងមានជម្ងឺញៀនស្មាតហ្វូនដែរ ឬទេ?</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ BusinessInsider<br /><br /></p>