<div class="article-content">
<p><strong>បាងកក៖</strong> ផ្លូវប្រសព្វចំនួន ០៧ ដែលគ្រោងនឹងបិទ ដោយគណៈកម្មាធិការ កំណែទម្រង់ ប្រជា ធិបតេយ្យប្រជាជន (PDRC) មកដល់ព្រឹកថ្ងៃចន្ទនេះ បានបិទជា ស្ថាពរហើយ។</p>
<p>យោងតាមគេហទំព័រ បាងកកប៉ុស្តិ៍ ចេញផ្សាយនៅថ្ងៃចន្ទ ទី១៣ ខែមករា ឆ្នាំ២០១៤ថា ប្រតិបត្តិការ បិទទីក្រុង បាងកក ដោយក្រុម PDRC គឺធ្វើឡើងភាគច្រើន ដោយអហិង្សា បើទោះបីជាមានសេចក្តី រាយការណ៍ថា មាន ការបាញ់ប្រហារ នៅទីតំាងចំនួនពីរ នៅពេលរាត្រីក៏ដោយ។</p>
<p>គិតមកដល់ម៉ោង ០៦ និង៤៤នាទីព្រឹក ថ្ងៃចន្ទនេះ ក្រុមការងារនៃគម្រោងការណ៍បិទក្រុង បាងកក នេះ នៅតែបន្ត ការងារដើម្បី បញ្ចប់ការធ្វើវេទិកាមួយចំនួន ប៉ុន្តែបើតាមគម្រោង ផ្លូវកែងទំាង ០៧ ក្នុងក្រុង គឺបានបិទជាស្ថាបពរ ហើយ។ ជាមួយគ្នានោះដែរ ផ្លូវចំនួន ០៨ ដែលឆ្ពោះទៅកាន់ស្នាក់ ការរដ្ឋាភិបាល ក៏ត្រូវបានគេបិទដែរ។</p>
<p>គណៈកម្មាធិការកំណែទម្រង់ប្រជាធិបតេយ្យប្រជាជន ក៏បានគម្រាមផងដែរ ថានឹងបន្តបិទផ្លូវ សំខាន់ៗ មួយចំនួន ទៀត ក្នុងទីក្រុង បាងកក និងថែមទំាងនៅ ណង់ថាបុរី រហូតដល់រដ្ឋាភិបាល ចាំផ្ទះ របស់លោកស្រី យីងឡាក់ ចុះចេញ។ ចំណែកមេបាតុករ លោក ស៊ូថេប ថងស៊ូបាន បាន អះអាងថា នេះជាការប្រយុទ្ធចុងក្រោយ របស់លោក ហើយ ដែលផែនការណ៍នេះ គួរតែត្រូវ បញ្ចប់នៅត្រឹមថ្ងៃទី៣១ ខែមករានេះ ៕</p>
<p style="text-align: center;"><img src="http://image.dap-news.com:81/dap-news/dap-images/2014/January/id-078/Lay-148.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-40-26/79067-2014-01-13-03-38-52.html"><span style="color: #0000ff;">ដើមអំពិល</span></a></p>
</div>