<p><span style="color: #000000;"><strong>ភ្នំពេញ៖</strong> តារាចម្រៀង ធ្លាប់មានឈ្មោះល្បី និងទទួលបានការគាំទ្រច្រើន គួរសមពីទស្សនិកជន គ្រប់ស្រទាប់ លោក សូ លីដូ ថ្មីៗនេះ បានបែកធ្លាយ ព័ត៌មានថា តារាប្រុសចាស់វស្សារូបនេះ បានរើបង្វេចដើរចេញ ពីផលិតកម្មចាស់ដាយម៉ិន ទៅចូលផលិតកម្មថ្មីមានឈ្មោះថា HD Production និងកំពុងត្រៀមចេញបទចម្រៀងថ្មី ក្នុងដើម្បីបម្រើទីផ្សារក្នុងពេលឆាប់ៗនេះទៀតផង។</span></p>
<p><span style="color: #000000;">ផ្អែកតាមប្រភពផ្លូវការ ពីអ្នកសិល្បៈរួមអាជីព បានប្រាប់ឲ្យដឹងថា មុននេះបន្តិចអតីតតារាចម្រៀង របស់ផលិតកម្ម ដាយម៉ិន លោក សូ លីដូ បានសម្រេចចិត្ត ដើរចេញពីផលិតកម្មមួយនេះយ៉ាង តាក់ក្រហល់បំផុត។ ខណៈព័ត៌មាននេះត្រូវបានលោក សូ លីដូ កំពុងព្យាយាមបិទបាំង ពីអ្នកសាព័ត៌មាន និងមហាជនអ្នកគាំទ្រ។</span></p>
<p><span style="color: #000000;">ប្រភពបាននិយាយទៀតថា ការសម្រេចចិត្តដើរចេញ ពីផលិតកម្មចាស់ ដាយម៉ិន របស់លោក សូ លីដូ គឺបណ្តាលមកពីបញ្ហានៃបទចម្រៀង ដែលខាងផលិតកម្មផ្អឹបទុក មិនធ្វើបទចម្រៀងថ្មីៗ សម្រាប់តារាប្រុសរូបនេះច្រៀង ចេញCD និងVCD ដើម្បីចរាចរណ៍លក់ លើទីផ្សារ ដូចតារាចម្រៀងរូបដំបូលប្រុស-ស្រីដទៃៗទៀត ដែលទើបតែមានវត្តមានថ្មីថ្មោង ចូលមកជ្រកក្រោមដំបូល ផលិតកម្មជាមួយគ្នា។</span></p>
<p><span style="color: #000000;">យ៉ាងណាមិញ ជុំវិញព័ត៌មានច្បាស់ការខាងលើនេះ គេហទំព័រ LookingTODAY កាលពីថ្មីៗកន្លង មក បានព្យាយាមទាក់ទងតាមលេខទូរស័ព្ទ ដើម្បីសុំការបកស្រាយ ពីតារាចម្រៀងប្រុស លោក សូ លីដូ ប៉ុន្តែត្រូវបានតារារូបនេះប្រាប់ថា ជាប់រវល់ មិនទាន់អាចបកស្រាយបាន។</span><br /><span style="color: #000000;">ដោយឡែក បើតាមការឲ្យដឹងពីអ្នកគ្រប់គ្រង នៅផលិតកម្មដាយម៉ិន កញ្ញា សុខលីន បាននិយាយថាការសម្រេចចិត្តដើរ ចេញពីផលិតកម្ម របស់លោក សូ លីដូ ពេលនេះ គឺពុំមានពាក់ព័ន្ធ នឹងបញ្ហា ជម្លោះផ្ទៃក្នុងណាមួយ រវាងផលិតកម្ម និងសាម៉ីខ្លួននោះឡើយ ពោលគឺបណ្តាលមកពី ការចប់កុងត្រា (កិច្ចសន្យា) ទៅវិញទេ។</span></p>
<p><span style="color: #000000;"><a class="thickbox" title="" href="/FileManager/Commons/2015/1/28/61-28-01-2015--11-44-05.jpg"><img src="/FileManager/Articles/mce/2015/1/28/61-28-01-2015--11-44-05.jpg" alt="" /></a><br /></span></p>
<p><span style="color: #000000;"><a class="thickbox" title="" href="/FileManager/Commons/2015/1/28/62-28-01-2015--11-44-13.jpg"><img src="/FileManager/Articles/mce/2015/1/28/62-28-01-2015--11-44-13.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>