<p>ប្រហែលជាមុនៗនេះ អ្នកក៏ធ្លាប់បានសាកល្បងពាក់ស្បែកជើងប្រភេទកែងចោតដែលមាន<br />បាតស្មើដើម្បីលើកកម្ពស់របស់ខ្លួន ដោយសារតែវាមានលក្ខណៈស្រស់ស្អាតម្យ៉ាង ហើយ ស័ក្ដិសមជាមួយនិងនារីដែលមានរាងមិនខ្ពស់ប៉ុន្មាន។ ប៉ុន្ដែ អ្នកក៏មិនទាន់បានដឹងច្បាស់ថា<br />ក្រៅពីជួយលើកកម្ពស់ ស្បែកជើងកែងខ្ពស់បាតស្មើនេះក៏អាចជួយធ្វើឱ្យសម្រស់របស់អ្នក <br />បានស្រស់ស្អាតថែមមួយកម្រិតទៀត។<br /><br />ជាមួយនិងស្បែកជើងប្រភេទកែងខ្ពស់បាតស្មើនេះ អ្នកនឹងងាយស្រួលក្នុងការប្រើប្រាស់រួម<br />ផ្សំនឹងខោអាវនានាសម្រាប់រដូវក្ដៅ ពិសេសគឺឈុតខោខ្លី denim ឬខោខ្លីពណ៌ខ្មៅ រួមនិងអាវ<br />គ្មានដៃគ្រប់ប្រភេទ។ នារីវ័យក្មេងដ៏ស្រស់ស្អាត គឺ នាង Hena Zhou បានបង្ហាញអំពីការរួម<br />ផ្សំក្នុងការប្រើប្រាស់ខោអាវចំនួន ៣ប្រភេទ ដែលអាចស្លៀកពាក់ជាមួយស្បែកជើងកែងបាត<br />ស្មើនេះ។ ជាការពិត ប្រសិនអ្នកចង់បានឈុតសម្លៀកបំពាក់មួយដែលសាមញ្ញ ប៉ុន្ដែប្រកប<br />ដោយភាពទាក់ទាញ សម្រាប់ការដើរកំសាន្ដក្នុងក្រុង ឬតំបន់ផ្សារទំនើប ក្នុងរដូវក្ដៅ ល្អបំផុត គឺត្រូវប្រើស្បែកជើងកែងខ្ពស់ដែលមានបាតស្មើ ជាមួយនិងអាវយឺតគ្មានដៃ ខោរឹបខ្លី មួក និង<br />កាបូបស្ពាយតូច វានឹងបង្កើតបានជាឈុតសម្លៀកបំពាក់ដ៏អស្ចារ្យ ជួយឱ្យដំណើរកំសាន្ដ ឬ ការដើរផ្សាររបស់អ្នកត្រូវគេចាប់អារម្មណ៍ច្រើន។ <br /><br />ដោយឡែក នៅក្នុងហាងកាហ្វេ ឬភោជនិយដ្ឋានធំៗ គេតែងឃើញនារីទាំងឡាយស្លៀក<br />ពាក់យ៉ាងស្រស់ប្រណិតប្រកបដោយភាពថ្លៃថ្នូ ចំណែកអ្នកក៏ជានារីដែលតែងតែចូលហាង<br />កាហ្វេឬភោជនិយដ្ឋានធំៗដើម្បីញ៉ាំអាហារ ពិភាក្សាការងារ ឬជួបជុំមិត្តភ័ក្រជាញឹកញាប់។ <br />ដូច្នេះ ដើម្បីបានលេចធ្លោជាងគេ និងបង្កការយកចិត្តទុកដាក់ពីមនុស្សនៅជុំវិញ ជម្រើស ដ៏ល្អរបស់អ្នកគឺការប្រើប្រាស់ស្បែកជើងកែងខ្ពស់បាតស្មើ បូកនិងអាវដៃខ្លី ខោខៅប៊ោយខ្លី<br />ត្រឹមគល់ភ្លៅ និងកាបូបស្ពាយតូចបែបទេសចរណ៍ ដែលមានពណ៌ប្រហាក់ប្រហែលគ្នា។<br /> បែបនេះ អ្នកនឹងក្លាយជាចំណុចកណ្ដាលនៃការចាប់អារម្មណ៍របស់ហ្វូងមនុស្សមិនខាន។<br /><br />ក្រៅពីខោខ្លី អាវគ្មានដៃ ស្បែកជើងកែងខ្ពស់បាតស្មើនេះ ក៏អាចប្រើប្រាស់បានជាមួយនិង<br />ខោអាវ ឬមួកប្រភេទផ្សេងៗ និងពណ៌ផ្សេងៗ ដូចជាខោវែង ឬអាវដៃខ្លី ដែលមានពណ៌ស៊ីគ្នា<br />ជាមួយនិងពណ៌របស់ស្បែកជើង ផងដែរ។</p>
<p><a class="thickbox" title="" href="/FileManager/Commons/2013/7/11/the-best-footwear-for-young-girls-in-summer1-11-07-2013--11-25-58.png"><img style="display: block; margin-left: auto; margin-right: auto;" src="/FileManager/Articles/mce/2013/7/11/the-best-footwear-for-young-girls-in-summer1-11-07-2013--11-25-58.png" alt="" /></a></p>
<p><a class="thickbox" title="" href="/FileManager/Commons/2013/7/11/the-best-footwear-for-young-girls-in-summer6-11-07-2013--11-26-43.png"><img style="display: block; margin-left: auto; margin-right: auto;" src="/FileManager/Articles/mce/2013/7/11/the-best-footwear-for-young-girls-in-summer6-11-07-2013--11-26-43.png" alt="" /></a></p>
<p><a class="thickbox" title="" href="/FileManager/Commons/2013/7/11/the-best-footwear-for-young-girls-in-summer5-11-07-2013--11-27-25.png"><img style="display: block; margin-left: auto; margin-right: auto;" src="/FileManager/Articles/mce/2013/7/11/the-best-footwear-for-young-girls-in-summer5-11-07-2013--11-27-25.png" alt="" /></a></p>
<p><a class="thickbox" title="" href="/FileManager/Commons/2013/7/11/the-best-footwear-for-young-girls-in-summer3-11-07-2013--11-28-34.png"><img style="display: block; margin-left: auto; margin-right: auto;" src="/FileManager/Articles/mce/2013/7/11/the-best-footwear-for-young-girls-in-summer3-11-07-2013--11-28-34.png" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/7/11/the-best-footwear-for-young-girls-in-summer2-11-07-2013--11-29-36.png"><img src="/FileManager/Articles/mce/2013/7/11/the-best-footwear-for-young-girls-in-summer2-11-07-2013--11-29-36.png" alt="" /></a></p>
<p style="text-align: right;"><br />ដោយ ៖ តារា<br />ប្រភព ៖ K14/ Hena<br /><br /></p>