<p> </p>
<p>យ៉ាងហោចណាស់មានមនុស្សស្លាប់ ៥៥នាក់ និង ៤៤០នាក់រងរបួសក្នុងការបំផ្ទុះគ្រាប់បែកនៅ<br />Damascus។ នេះគឺជាការវាយប្រហារដ៏សាហាវបំផុតចាប់តាំងពីការបះបោរប្រឆាំងប្រធានាធិបតិ<br />Assad ។</p>
<p><a class="thickbox" title="" href="/FileManager/Commons/2012/5/11/sy-2-11-05-2012--15-35-21.jpg"><img src="/FileManager/Articles/mce/2012/5/11/sy-2-11-05-2012--15-35-21.jpg" alt="" /></a></p>
<p class="pBody">ស្ថានទូតអាមេរិកនៅ Beirut (Lebanon)បានហៅការបំផ្ទុះគ្រាប់បែបនេះថា ជាអំពើ"គួរអោយថ្កោល<br />ទោស និងមិនអាចទទួលយកបាន" ខណៈដែលក្រុមប្រឆាំងនៅស៊ីរីនៅតែអំពាវនាវអោយធ្វើបាតុកម្ម<br />ទ្រង់ទ្រាយធំប្រឆាំងនឹងរដ្ឋាភិបាលលោក Bashar al-Assad ។ នៅលើទំព័រសង្គមមួយ ក្រុមដែល<br />មានឈ្មោះថា បដិវត្តស៊ីរី ២០១១ បានសរសេរថា ៖ "ប្រជាជន Damascus ទាំងអស់ ចូរក្រោកឡើង<br />រំដោះទីក្រុងរបស់យើងអោយរួចផុតពីរបបរបស់ជនសម្លាប់មនុស្សនេះ"។</p>
<p>ការបំផ្ទុះគ្រាប់បែកនេះត្រូវបានគេធ្វើឡើងនៅម៉ោង ៨ព្រឹកថ្ងៃទី ១០ នៅក្នុងរដ្ឋធានី។ ទំព័រ Telegraph<br />ដកស្រង់របាយការណ៍មួយអោយដឹងថា តំបន់នៃការបំផ្ទុះគ្រាប់បែបគឺជាកន្លែងដែលពុកម្ដាយនាំកូន<br />ទៅសាលា ទីនោះក៏មានអ្នកធ្វើដំណើរទៅធ្វើការច្រើនផងដែរ។</p>
<p class="pBody">អ្នករស់នៅក្បែរនោះបានប្រាប់ទំព័រ Reuters ថា អាគារដែលត្រូវស្រុតនោះគឺជាការិយាល័យស៊ើប<br />ការណ៍សម្ងាត់របស់កងទ័ព Palestine ប៉ុន្ដែអ្នកដែលបានស្លាប់ គឺសុទ្ធតែជាប្រជាជនសាមញ្ញ។ ផ្ទះ<br />មួយចំនួនរបស់ប្រជាជនក៏ត្រូវបំផ្លាញ នៅពេលមានការផ្ទុះកើតឡើង។ គ្រប់ទិសទីគឺជាទិដ្ឋភាពនៃ<br />ការឆាបឆេះ គំនរបាក់បែក និងឈាម។</p>
<p class="pBody"><a class="thickbox" title="" href="/FileManager/Commons/2012/5/11/sy-11-05-2012--15-35-57.jpg"><img src="/FileManager/Articles/mce/2012/5/11/sy-11-05-2012--15-35-57.jpg" alt="" /></a></p>
<p class="pBody"> </p>
<p class="pBody"><object style="display: block; margin-left: auto; margin-right: auto;" width="400" height="300" data="http://www.youtube.com/v/vrKx3s-w4ZU&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/vrKx3s-w4ZU&rel=1" /></object></p>
<p class="pBody"> </p>
<p>ក្រុមប្រឆាំងដែលហៅខ្លួនឯងថា ជាកងទ័ពសេរីស៊ីរី បានអះអាងថា ខ្លួនមិនប្រើការវាយប្រហារ<br />ដោយគ្រាប់បែកភេរវកម្មក្នុងយុទ្ធនាការរបស់ខ្លួន បើទោះជាមានការបាញ់រះ ឬការបាញ់គ្រាប់ផ្លោង<br />មកលើទីតាំងរបស់ខ្លួនពីសំណាក់កងទ័ពរដ្ឋាភិបាលក៏ដោយ។ កងទ័ពសេរីស៊ីរី ក៏បានចោទប្រកាន់<br />ថារដ្ឋាភិបាលគឺជាអ្នកនៅពីក្រោយការវាយប្រហារដោយគ្រាប់បែកភេរវកម្មនេះ គោលបំណងគឺ<br />ចង់ភ្ជាប់ក្រុមប្រឆាំងទៅនឹងក្រុមភេរវកម្មអន្ដរជាតិ៕</p>
<p style="text-align: right;">ដោយ ៖ សូរីយ៉ា<br />ប្រភព ៖ Zing</p>