<div class="article-content">
<p><strong>ភ្នំពេញ ៖</strong> សពទារកម្នាក់ ដែលមានអាយុ មិនទាន់គ្រប់មួយខួបផង ត្រូវបានគេប្រទះ ឃើញ<br />អណ្ដែតនៅក្នុងទឹកទន្លេមេគង្គម្ដុំកៀន ឃ្លាំង ក្នុងសង្កាត់ជ្រោយចង្វារ ខណ្ឌឫស្សី កែវ ដោយ<br />គេសង្ស័យថា ឪពុកបង្កើតរបស់ គេ គឺជាអ្នកបោះចូលទឹកទន្លេ ដើម្បីសម្លាប់ ចោល បន្ទាប់ពី<br />ឪពុកម្ដាយរបស់ទារកបាន កើតមានជម្លោះ រហូតឈានដល់ការប្រកាស លែងលះគ្នាបាន<br />ពីរបីថ្ងៃរួចមក ។</p>
<p>សពទារកខាងលើនេះ ត្រូវបានអ្នកស្រុក ប្រទះឃើញកាលពីវេលាម៉ោង១២ថ្ងៃត្រង់ ថ្ងៃទី១៣ <br />ខែវិច្ឆិកា ឆ្នាំ២០១៣ម្សិលមិញ នេះ ស្ថិតនៅតាមដងទន្លេមេគង្គលើ ក្នុងភូមិ កៀនឃ្លាំង សង្កាត់<br />ជ្រោងចង្វារ ខណ្ឌឫស្សី កែវ ។</p>
<p>ប្រភពព័ត៌មានពីអ្នកស្រុកបានឱ្យដឹងថា នៅមុនប្រទះឃើញសពទារកខាងលើ ពួកគេ បានធុំក្លិន<br />ស្អុយ ហើយក៏នាំគ្នារកមើល ស្រាប់ តែឃើញសាកសពទារកអណ្ដែតនៅក្នុងទឹក ក៏នាំគ្នាអូសទាញ<br />ឡើងមកលើច្រាំង ដើម្បី ហៅសមត្ថកិច្ចមកធ្វើការត្រួតពិនិត្យមើល ។</p>
<p>ក្រោយពីមានការភ្ញាក់ផ្អើល ករណីឃើញ សពទារកអណ្ដែតទឹកខាងលើនេះ ក៏បានលេច ឮព័ត៌មាន<br />ដល់ស្ដ្រីម្នាក់ ដែលទៅធ្វើការ ពិនិត្យមើលដែរនោះ ទើបដឹងថា ជាកូនប្រុស របស់ខ្លួន តែមិនដឹងថា <br />តែមិនដឹងថា ស្លាប់ ដោយសារមូលហេតុអ្វីនោះទេ តែក្រោយ មកទើបស្ដ្រីជាម្ដាយធ្វើការសន្និដ្ឋាន<br />ថា ករណី កូនប្រុសរបស់ខ្លួនស្លាប់នេះ សង្ស័យឪពុក របស់គេ ដែលត្រូវជាប្ដីរបស់ខ្លួនជាអ្នក សម្លាប់<br /> ដោយសារតែពួកគេ ទើបនឹងឈ្លោះ ធ្វើការលែងលះគ្នាហើយ ។</p>
<p>ស្ដ្រីដែលអះអាងថាជាម្ដាយ បានប្រាប់ ថា ខ្លួនមានឈ្មោះយ៉ាត ចំប៉ា អាយុ២៣ឆ្នាំ មានមុខរបរជាមេ<br />ផ្ទះមានទីលំនៅភូមិព្រែក ក្របៅ៣ ឃុំព្រែកអំពិល ស្រុកខ្សាច់កណ្ដាល ខេត្ដកណ្ដាល ។ ចំណែកសព<br />ទារក ជាកូន មានឈ្មោះរុំ ផាន់ណា ហៅរាជ អាយុទើប តែបាន៨ខែប៉ុណ្ណោះ ។ ពាក់ព័ន្ធទៅនឹងករណី<br />ស្លាប់នេះស្ដ្រីជា ម្ដាយបានអះអាងថា រូបនាងមានញប្ដីឈ្មោះ ហ៊ុន រ៉ុម អាយុ២៦ឆ្នាំ មានមុខរបរជាចុង<br /> ភៅនៅភោជនីយដ្ឋានក្រុងកម្ពុជា ដែលមាន ទីតាំងនៅក្នុងសង្កាត់បឹងកក់ទី២ ខណ្ឌទួល គោក ហើយ<br />មានស្រុកកំណើតនៅស្រុកព្រះ ស្ដេច ខេត្ដព្រៃវែង ។</p>
<p>ស្ដ្រីរូបនេះបានបន្ថែម ថា ពួកគេទាំងពីរនាក់ក្រោយពីរៀបការយក គ្នាជាប្ដីប្រពន្ធកាលណាមក ក៏បាន<br />បង្កើតកូន ប្រុសម្នាក់ខាងលើនេះ តែពេលថ្មីៗនេះ ពួក គេចេះតែមានជម្លោះនឹងគ្នា ដោយសារតែ ខ្លួន<br />ដឹងថា ប្ដីមានស្រីនៅខាងក្រៅរហូតដល់ កាលពី៣ថ្ងៃមុន ពួកគេមានជម្លោះយ៉ាងខ្លាំង រហូតដល់ធ្វើការ<br />សុំលែងលះនៅសាលាឃុំ ថែមទៀតផង ហើយក្រោយលែងលះគ្នាត្រឹម សាលាឃុំ បុរសជាប្ដីក៏បានធ្វើ<br />ដំណើរមកភ្នំ ពេញបាត់អស់ទៅ ។</p>
<p>លុះនៅថ្ងៃទី១២ ខែ វិច្ឆិកា រូបនាងបានពរកូនប្រុសមកតាមរក ជួបបុរសជាប្ដីនៅភ្នំពេញ ហើយក៏មាន<br />ការជជែកគ្នាអំពីការបែងចែកកូនប្រុស ហើយ ដោយសារតែរូបនាង មិនមានលទ្ធភាពចិញ្ចឹម កូន ក៏<br />បានប្រគល់កូនប្រុសនេះទៅឱ្យប្ដីជា អ្នកចិញ្ចឹម ហើយប្ដីក៏ព្រមទទួលយកទៅ ចិញ្ចឹម ដោយមុននឹង<br />ប្រគល់កូនឱ្យប្ដី ពួកគេ ទាំងបី បាននាំគ្នាទៅថតរូបជុំគ្នា ទុកជាអនុ ស្សាវរីយ៍ថែមទៀតផង ទើបបែក<br />ចេញពីប្ដី និងកូន វិលត្រឡប់ទៅផ្ទះវិញ ។ លុះស្រាប់ តែនៅរសៀលថ្ងៃទី១៣ ខែវិច្ឆិកា មានគេ ទូរ<br />ស័ព្ទប្រាប់ថា កូនប្រុសរបស់ស្លាប់អណ្ដែត ទឹកនៅភូមិកៀនឃ្លាំង ទើបនាងនឹងម្ដាយធ្វើ ដំណើរទៅ<br />មើល ដឹងថា ជាកូនប្រុសរបស់នាង ប្រាកដមែន ។</p>
<p>ពាក់ព័ន្ធនឹងការស្លាប់របស់ទារកខាងលើ នេះ ស្ដ្រីជាម្ដាយបានធ្វើការអះអាងថា ប្រាកដ ជាប្ដីរបស់ខ្លួន<br />ជាអ្នកសម្លាប់កូនដោយបោះ ចូលទៅក្នុងទឹកទន្លេហើយ ។ ប៉ុន្ដែការចោទ ប្រកាន់ខាងលើនេះ គេនៅ<br />មិនទាន់ធ្វើការអះ អាងជាផ្លូវការនៅឡើយនោះទេ ដរាបណា គេមិនទាន់រកប្ដី និងត្រូវជាឪពុកឃើញ<br /> ដើម្បី ធ្វើការសួរនាំឱ្យបានច្បាស់លាស់ទេនោះ ។</p>
<p>ពាក់ព័ន្ធទៅនឹងករណីខាងលើនេះ សមត្ថ កិច្ចបានចុះពិនិត្យសាកសព និងសាកសួរស្ដ្រី ជាម្ដាយរួច<br />ហើយ ដើម្បីស្វែងរកបុរសជាឪ ពុក សួរនាំឱ្យបានច្បាស់លាស់ពីករណីកូន ស្លាប់អណ្ដែតទឹកខាងលើ<br />នេះ ថាតើជារឿង ឧប្បត្ដិហេតុ ឬក៏ជាករណីឃាតកម្មបោះកូន ខ្លួនឯងទៅក្នុងទឹកទន្លេ ដើម្បីសម្លាប់កុំ<br />ឱ្យជាប់ ដៃជាប់ជើង ខណៈខ្លួនលែងលះប្រពន្ធ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0541.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0542.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/75596-2013-11-13-11-02-04.html">ដើមអំពិល</a></p>
</div>