<p>នាយករដ្ឋមន្ដ្រី កាណាដា លោក Stephen Harper ត្រូវបង្ខំចិត្ត រត់ចូលជ្រោក លាក់ខ្លួន ក្នុងទូរ<br />ប្រហែល ១៥នាទី នៅពេលខ្មាន់កាំភ្លើងម្នាក់ សម្រុកចូលអាគាររដ្ឋសភា នៅរដ្ឋធានី Ottawa និង<br />បានបាញ់រះជាច្រើនគ្រាប់។</p>
<p style="text-align: center;"><a class="thickbox" title="" href="/FileManager/Commons/2014/10/26/canada-1307-1414212307-26-10-2014--13-35-51.jpg"><img src="/FileManager/Articles/mce/2014/10/26/canada-1307-1414212307-26-10-2014--13-35-51.jpg" alt="" /></a></p>
<p style="text-align: center;">តំណាងរាស្ដ្រ កាណាដា យកកៅអីទប់ទ្វារសាលប្រជុំ នៅពេលហេតុការណ៍បាញ់រះ <br />បានកើតឡើង។ រូប ៖ ABC News<br /><br /></p>
<p>ដំបូង មានព័ត៌មានជាច្រើន និយាយថា លោក Harper ត្រូវបានក្រុមសន្ដិសុខ នាំទៅកាន់កន្លែង<br />សុវត្ថិភាព ប៉ុន្ដែ តាមពិត លោក Harper ត្រូវលាក់ខ្លួនក្នុងទូរតូចមួយ នៅពេលខ្មាន់កាំភ្លើង Michael<br /> Zehaf-Bibeau បង្កភាពចលាចល នៅខាងក្រៅសភា។</p>
<p>ចំណែក Telegraph ឱ្យដឹងថា អង្គរក្សរបស់នាយករដ្ឋមន្ដ្រី បែរជានៅខាងក្រៅនៃសាលប្រជុំ ជា<br />កន្លែងដែលលោក Harper រួមនឹងតំណាងរាស្ដ្រ ១៥០នាក់របស់បក្ស អភិរក្សនិយម បើកកិច្ចប្រជុំ<br />មួយ។ ពេលមានអាសន្ន តំណាងរាស្ដ្រទាំងនេះ បានយករបស់ប្រើប្រាស់ក្នុងសាល ធ្វើជារបស់<br />ការពារ ទប់ទ្វារ ដោយសារតែភ័យខ្លាចថា ខ្មាន់កាំភ្លើង នឹងសម្រុកចូល វាយប្រហារមកលើថ្នាក់<br />ដឹកនាំបក្សកាន់អំណាច។</p>
<p>សូម្បីតែនៅពេលការបាញ់រះ បានបញ្ចប់ ប៉ុន្ដែ តំណាងរាស្ដ្រ នៅតែមានការប្រុងប្រយ័ត្ន ដោយ<br />មិនអនុញ្ញាតឱ្យអ្នកណាទាំងអស់ ចូលមកក្នុងសាលប្រជុំ។ ព្រោះថា តំណាងរាស្ដ្រ ខ្លាចក្រែងជនល្មើសបន្លំជាអង្គរក្សរបស់នាយករដ្ឋមន្ដ្រី។ ចុងក្រោយ បន្ទាប់ពីមានការបញ្ជាក់ច្បាស់លាស់<br />ថា អ្នកនៅខាងក្រៅ គឺជាក្រុមសន្តិសុខ និងអង្គរក្ស ទើបតំណាងរាង បើកទ្វារឱ្យចូល។ នាយក<br />រដ្ឋមន្ដ្រី Harper ត្រូវបានក្រុមសន្តិសុខ និងអង្គរក្ស ការពារ និងនាំចេញពីអាគារ។</p>
<p style="text-align: center;"><a class="thickbox" title="" href="/FileManager/Commons/2014/10/26/ca-26-10-2014--13-56-07.jpg"><img src="/FileManager/Articles/mce/2014/10/26/ca-26-10-2014--13-56-07.jpg" alt="" /></a></p>
<p>ការដែលនាយករដ្ឋមន្ដ្រីរបស់ប្រទេសទាំងមូល ត្រូវចូលជ្រោកក្នុងទូរខាងលើ និងមិនត្រូវបានគេ<br />ការពារត្រឹមត្រូវ បណ្ដាលឱ្យមានការរិះគន់យ៉ាងច្រើន ទៅលើបញ្ហាសន្តិសុខនៅអាគាររដ្ឋសភា<br />កាណាដា។</p>
<p>លោក Bob Paulson អគ្គមេបញ្ជាការកងនគរបាល កាណាដា បានប្រកាសថា នឹងមិនបណ្ដោយ<br />ឱ្យករណីដូចគ្នានេះ កើតឡើងម្ដងទៀត។ “យើងខ្ញុំនឹងនៅក្បែរនាយករដ្ឋមន្ដ្រី ដើម្បីការពារលោក<br /> ២៤/៧ បើទោះជាគាត់នៅទីណា”។</p>
<p>ការបង្កគ្រោះថ្នាក់របស់ជនល្មើស Zehaf-Bibeau គឺមិនមានកម្រិតខ្ពស់នោះទេ ព្រោះថា ជននេះ<br /> កាន់កាំភ្លើង Winchester តែមួយដើម។ នគរបាលកំពុងតែស្រាវជ្រាវលើករណីនេះ ដើម្បីឱ្យដឹងថា<br /> ជនល្មើសបានកាំភ្លើងមកពីណា។ បើយោងតាមច្បាប់របស់កាណាដា ជនល្មើសនេះ ត្រូវបាន<br />អាជ្ញាធរហាមមិនឱ្យប្រើកាំភ្លើង ព្រោះថា ជននេះធ្លាប់ប្រើប្រាស់គ្រឿងញៀន និងប្លន់ទ្រព្យសម្បត្តិ<br />អ្នកដទៃ។</p>
<p style="text-align: center;"><a class="thickbox" title="" href="/FileManager/Commons/2014/10/26/canada-7776-1414073421-8271-1414112456-26-10-2014--13-45-46.jpg"><img src="/FileManager/Articles/mce/2014/10/26/canada-7776-1414073421-8271-1414112456-26-10-2014--13-45-46.jpg" alt="" /></a></p>
<p>Zehaf-Bibeau អាយុ ២៣ឆ្នាំ មកកាន់ក្រុង Ottawa កាលពីដើមខែ ដើម្បីសុំធ្វើអត្តសញ្ញាណប័ណ្ណ<br />ថ្មី និងមានបំណងទៅកាន់ប្រទេសស៊ីរី។ ប៉ុន្ដែ ជននេះ ត្រូវបានអាជ្ញាធរបដិសេធ ដោយសារបញ្ហា<br />អតីតកាល។ ប្រការនេះ ត្រូវបានគេយល់ថា ជាកត្តាមួយ ជម្រុញឱ្យជនល្មើសធ្វើសកម្មភាពសម្រុក<br />ចូលអាគាររដ្ឋសភា ដើម្បីបញ្ចេញកំហឹង៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ BBC<br /><br /></p>