<p><span style="color: #000000;">ព័ត៌មានអន្តរជាតិ ៖ ប៉ូលីស ម៉ាឡេស៊ី បានប្រទះឃើញផ្នូរយក្ស បណ្តុំទៅដោយផ្នូរតូចៗជាច្រើនកន្លែង ខណៈក្រុមមន្រ្តីពាក់ព័ន្ធ មានជំនឿជាក់អោយដឹថា ផ្នូរទាំងនោះ គឺ ពោរពេញទៅដោយសាកសព ជន អន្តោប្រវេសន៍ ជនជាតិ បង់ក្លាដេស និង Rohingya ។ </span></p>
<p><a class="thickbox" title="" href="/FileManager/Commons/2015/5/25/80-25-05-2015--14-25-25.jpg"><img src="/FileManager/Articles/mce/2015/5/25/80-25-05-2015--14-25-25.jpg" alt="" /></a></p>
<p><span style="color: #000000;">សេចក្តីរាយការណ៍ បញ្ជាក់អោយដឹងថា សរុប ជារួម ផ្នូរ ៣០ កន្លែង ត្រូវ បាន រកឃើញ អំឡុងពាក់ កណ្តាលខែ ឧសភា នេះ នៅក្នុងព្រៃជ្រៅ នៃតំបន់ Padang Besar និងតំបន់ Wang Kelian រដ្ឋ Perlis ប្រទេស ម៉ាឡេស៊ី ។ សារ ព័ត៌មាន The Malay Mail Online ដកស្រង់ របាយការណ៍ ពីកាសែតក្នុង ស្រុក Mingguan Malaysia ចុះផ្សាយអោយ ដឹងថា របកគំហើញនៃផ្នូរ ជាច្រើនកន្លែងទាំងនេះ គឺមាន ទំនាក់ទំនង និងផ្សាភ្ជាប់ ជាមួយ នឹងផ្នូរជាច្រើន កន្លែង ដែលបានរកឃើញដូចគ្នាដែរ នៅក្នុងខេត្ត Songkhla ប្រទេស ថៃ កាលពី ពេ លកន្លងទៅ ។ អាជ្ញាធរថៃ គាស់ កកាយ បានសាកសព ប្រមាណ ២៦ នាក់ ទំន ងជា សព ជនអន្តោ ប្រវេសន៍ បង់ក្លាដេស និង មីយ៉ាន់ម៉ា ពីផ្នូរមួយចំនួនដែលបានរក ឃើញនៅក្នុងខេត្ត Songkhla កាលពីកន្លងទៅ ។ </span></p>
<p><a class="thickbox" title="" href="/FileManager/Commons/2015/5/25/81-25-05-2015--14-26-34.jpg"><img src="/FileManager/Articles/mce/2015/5/25/81-25-05-2015--14-26-34.jpg" alt="" /></a></p>
<p><span style="color: #000000;">ដោយឡែក ពីគ្នា សារព័ត៌មានក្នុងស្រុក ម៉ាឡេស៊ីអោយដឹងថា អាជ្ញាធរប្រទេសនេះបានរកឃើញ ផ្នូរ យក្ស ដែលមានជំនឿជាក់ ទំនងជាផ្ទុកសាកសព ជនអន្តោ ប្រវេសន៍ Rohingya ប្រមាណ ១០០ នាក់ រកឃើញនៅក្នុងតំបន់ Padang Besar ជាតំបន់ភ្នំ ខណៈកម្រមានជនស៊ីវិល បង្ហាញវត្តមានទៅដល់ទី នោះណាស់ ។ </span></p>
<p><span style="color: #000000;">លោក Ahmad Zahid Hamidi រដ្ឋ មន្រ្តី ជាន់ខ្ពស់ ប្រទេស ម៉ាឡេស៊ី អះអាង ពីការរកឃើញផ្នូរ យក្ស លើកនេះ អោយដឹងថា ៖ ផ្នូរទាំងនេះ ត្រូវបានរកឃើញ ថាមានវត្តមានៅជិត នឹងជុំរុំឃុំខ្លួន ក្រុមជួញដូរ មនុស្សខុសច្បាប់ ដែលធ្លាប់តែមានវត្តមាននៅទីនោះ ៥ ឆ្នាំ មក ហើយ ខណៈលោកបានទទួលស្គាល់ ពីទោសកំហុសខាងភាគី ម៉ាឡេស៊ី ពិតជាចូលរួម ក្នុង ដំណើរ ការ ជួយដូរលើកនេះ រហូតដល់មានការ ស្លាប់មនុស្សនៅតាមផ្នូរជាច្រើនកន្លែងទាំងនេះ ប៉ុន្តែ មិនមែន ជាការសហការ ជាមួយនឹងរដ្ឋាភិបាល ម៉ាឡេស៊ីនោះទេ តែជាការសហការណ៍គ្នា ជាមួយនឹងប្រជាជនម៉ាឡេស៊ី ៕</span></p>
<p><span style="color: #0000ff;"><a href="/News/Detail/47605/police-find-dozens-of-graves-in-thailand-jungle-camp" target="_blank"><span style="color: #0000ff;">- អាន ៖ រកឃើញ ផ្នូរ កណ្តាលព្រៃជ្រៅ មិនតិចជាង ៣០ ផ្នូរ មិនដឹងសពខ្មោច ជាអ្នកណា ស្លាប់ដោយរបៀបណា នៅឡើយ</span></a></span></p>
<p><span style="color: #0000ff;"><a href="/News/Detail/96418/almost-half-of-rescued-boatpeople-victims-of-human-trafficking-indonesia" target="_blank"><span style="color: #0000ff;">- អាន ៖ រាប់ពាន់នាក់ ជួយសង្គ្រោះ ពីការរសាត់អណ្តែត លើសមុទ្រ គឺជាជនរងគ្រោះ ជួយដូរមនុស្ស ខុសច្បាប់</span></a></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA</span></p>