App Store - ជាទីផ្សារកម្មវិធីដ៏ល្បីឈ្មោះសំរាប់បណ្តាអ្នកប្រើប្រាស់ឧបករណ៍ដំណើរការ
លើប្រព័ន្ធប្រតិបត្តិការ iOS របស់ Apple កាលពីពេលថ្មីៗនេះមានចំនួនអ្នកទាញយកមក
ប្រើប្រាស់មានចំនួនឡើងរហូតដល់ ២៥ពាន់លានដងហើយ ដែលតួលេខនេះគឺមានចំនួន
ច្រើនជាងបីដងនៃចំនួនប្រជាជនសរុបនៅទូទាំងពិភពលោកទៅទៀត។ ហើយបើគិតជា
មធ្យមគឺមនុស្សម្នាក់បានទាញយកមកប្រើប្រាស់ចំនួនបីកម្មវិធី(ប្រសិនបើចែកស្មើ)។ តួលេខខាងលើនេះមិនត្រឹមតែឆ្លុះបញ្ចាំងពីភាពសំបូរបែបរបស់ iDevice ប៉ុណ្ណោះនោះទេ តែថែមទាំងបានបង្ហាញអោយឃើញថា Apple អាចរកប្រាក់ចំណូលបានកាន់តែច្រើនឡើង
ផងដែរចេញពីកិច្ចការលក់និងចែកចាយកម្មវិធីរបស់ខ្លួនតាមរយៈ App Store នេះ (ក្រុម
ហ៊ុនទទួលបានចំណូលចំនួន ៣០% ពីតំលៃរាល់កម្មវិធីបង់ប្រាក់លើ App Store) ។
ទាញយកកម្មវិធីពី App Store នេះកាន់ច្រើនឡើងពីមួយថ្ងៃទៅមួយថ្ងៃ។ បើតាមការស្រាវ
ជ្រាវមួយកាលពីឆ្នាំ ២០១១ កន្លងទៅបានអោយដឹងថាអ្នកប្រើប្រាស់ iOS ម្នាក់បានទាញ
យកកម្មវិធីពី App Store ចំនួន ៦០ កម្មវិធី ដែលតួលេខនេះកាលពីឆ្នាំ ២០០៨ មានត្រឹមតែ
១០ កម្មវិធីប៉ុណ្ណោះ។
ហើយដើម្បីអបអរនូវព្រឹត្តិការណ៍ដ៏អស្ចារ្យនេះ Apple បានធ្វើសេចក្តីជូនដំណឹងមួយថាខ្លួន
នឹងប្រគល់រង្វាន់ជូនចំពោះអ្នកដែលបានចូលទៅទាញយកកម្មវិធីពី App Store ទី ២៥ពាន់
លាននេះជា App Store Gift Card ដែលមានតំលៃស្មើនឹង ១០.០០០ ដុល្លាអាមេរិកទៀត
ផង។
App Store សំរាប់អ្នកប្រើប្រាស់ឧបករណ៍ iOS ត្រូវបានបើកទ្វារកាលពីខែ កក្កដា ឆ្នាំ២០០៨
ដែលក្នុងនោះមានកម្មវិធីទាំងអស់ប្រហែលជា ៥០ ម៉ឺនកម្មវិធី។ ហើយត្រឹមតែក្នុងរយៈពេល
មួយឆ្នាំដំបូងប៉ុណ្ណោះចំនួនអ្នកចូលទៅទាញយកកម្មវិធីមានចំនួនឡើងរហូតដល់ ១,៥ពាន់
លានដងឯណោះ។ ចំនួនចូលទាញយកកម្មវិធីសំរាប់ឧបករណ៍ iOS និង Android បានកើន
ឡើងចំនួន ១ពាន់លានដងត្រឹមតែក្នុងរយៈពេលមួយសប្តាហ៍នៃឱកាសថ្ងៃបុណ្យណូអែល
ឆ្នាំ ២០១១ កន្លងទៅថ្មីៗនេះ។ ខែមករា ឆ្នាំ ២០១១ App Store មានចំនួនអ្នកចូលទាញយក
មកប្រើប្រាស់រហូតដល់ ១០ពាន់លានដង និងរហូតដល់ខែកក្កដាឆ្នាំ ២០១១ តួលេខនេះបាន
កើនឡើង ១៥ ពាន់លានដង៕
ប្រភព៖ Mashable
ដោយ៖ រស្មី
ដោយ៖ រស្មី