<p><span style="color: #000000;"><strong>ព័ត៌មានអន្តរជាតិ ៖</strong> អគ្គមេធាវី ប្រទេស ម៉ិចសិក លោក Jesus Murillo អោយ ដឹងថាសមាជិកក្រុមអន្ធ ពាលស្ថិតនៅក្រោមការសង្ស័យនោះ បានសារភាពអោយដឹងថា ពួកគេពិតជាបានសម្លាប់ សិស្សនិស្សិត ច្រើនជាង ៤០ នាក់ អំឡុង ៦ សប្តាហ៍កន្លងមកនេះ ។ </span></p>
<p><span style="color: #000000;"><a class="thickbox" title="" href="/FileManager/Commons/2014/11/8/20-08-11-2014--10-25-54.jpg"><img src="/FileManager/Articles/mce/2014/11/8/20-08-11-2014--10-25-54.jpg" alt="" /></a><br /></span></p>
<p><span style="color: #000000;">ប្រភពសារព័ត៌មានពីទំព័រប៊ីប៊ីស៊ី បន្តអោយដឹងថា សមាជិកក្រុមអន្ធពាល៣រូបជាក្រុមស្ថិតនៅក្រោមការ សង្ស័យនោះ គូសបញ្ជាក់ក្តែងៗ អោយដឹងថា រាល់បេក្ខភាព សិស្ស និស្សិតទាំងអស់ ត្រូវបានបញ្ជូនបន្ត មកដល់ដៃពួកគេ ពីសំណាក់ មន្រ្តីប៉ូលីស ។ បន្ថែមពីលើនេះ ប្រភពបន្តអោយដឹងថា សិស្សនិស្សិតមួយ ចំនួនខណៈមានការបញ្ជូនមកដល់ ពួកគេត្រូវបានធ្វើអោយស្ទះផ្លូវដង្ហើមរួចមកហើយ ក្នុងនោះ ពួកគេក៏ បានបាញ់សម្លាប់ចោលតែម្តង មុននឹង ចាក់សាំងដុតសាកសពរបស់ពួកគេ ។ </span></p>
<p><span style="color: #000000;">ជារួម ក្រុមសិស្ស និស្សិតដែលបានបាត់ខ្លួនទៅនោះ សរុបមានចំនួន ៤៣ នាក់បន្ទាប់ពីមានការប៉ះទង្គិច ជាមួយនឹងក្រុមមន្រ្តីប៉ូលីស កាលពីថ្ងៃទី ២៦ កញ្ញា កន្លងទៅ ក្នុងក្រុង Iguala ។ គួរបញ្ជាក់ ជនសង្ស័យ មកពីក្រុមអន្ធពាល គ្រឿងញៀន Guerreros Unidos ត្រូវបានចាប់ខ្លួនជាបន្ត បន្ទាប់ ពាក់ព័ន្ធនឹងករណី បាត់ខ្លួន សិស្សនិស្សិតទាំងនេះ ។ </span></p>
<p><span style="color: #000000;"><a class="thickbox" title="" href="/FileManager/Commons/2014/11/8/21-08-11-2014--10-26-03.jpg"><img src="/FileManager/Articles/mce/2014/11/8/21-08-11-2014--10-26-03.jpg" alt="" /></a><br /></span></p>
<p><span style="color: #000000;">ក្រុមគ្រួសារ សិស្សនិស្សិតបាត់ខ្លួន អោយដឹងថា ពួកគេបានរកឃើញ កញ្ជប់៦កញ្ជប់ផ្ទុកទៅដោយសាក សពមនុស្ស នៅតាមបណ្តោយទន្លេមួយកន្លែង ផ្តុំទីតាំងដែលក្រុមសិស្ស និស្សិតបាត់ខ្លួន លោក Murillo អោយដឹងថា ដំណើរការវិភាគ អត្តសញ្ញាណ សាកសពទាំងនោះ ត្រូវ ចំណាយ ពេលយូរ ដូច្នេះ អាជ្ញាធរ នៅតែកំណត់ដដែលអោយដឹងថា មានករណីបាត់ខ្លួន សិស្សនិស្សិត នៅឡើយ ល្គិកណា ការធ្វើតេស្តិ៍ បញ្ជាក់ DNA បានសម្រេចជាផ្លូវការ ។ </span></p>
<p><span style="color: #0000ff;"><a href="/News/Detail/91487/mexico-mass-grave-discovered-near-iguala" target="_blank"><span style="color: #0000ff;">- អាន ៖ ព្រឺក្បាល ៖ រកឃើញ សាកសព ជាច្រើនសិបនាក់ ផ្តុំនៅផ្នូរតែមួយ សង្ស័យជាសព សិស្សនិស្សិត បាត់ខ្លួន (វីដេអូ)</span></a></span></p>
<p><span style="color: #000000;">គួររំឭកថា ប្រតិបត្តិការស្រាវជ្រាវ កន្លងទៅនេះ បានប្រទះនឹងរកឃើញ ផ្នូរដ៏ធំមួយ បណ្តុំទៅដោយសាក សពជាច្រើន ក៏ប៉ុន្តែ ការធ្វើតេស្តិ៍ជាជំហានដំបូង សរបញ្ជាក់ អោយដឹងថា ផ្នូរទាំងនោះ ពុំមានផ្ទុកសាក សពក្រុមសិស្ស និស្សិត ដែលបានបាត់ខ្លួនទៅ នោះទេ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី </span></p>