<div class="article-content">
<p><strong>ភ្នំពេញ៖</strong> ក្រុមចោរ២នាក់ បានស្ទាក់បាញ់បុរសម្នាក់ បណ្តាលឲ្យរងរបួសធ្ងន់ និងប្លន់<br />យកលុយប្រមាណ១៥០០០ ដុល្លារ ខណៈជនរងគ្រោះដើរចេញពីផ្ទះ ប្រុងបើករថយន្ត<br /> យកលុយខាងលើនេះ ទៅសងថ្លៃរថយន្ត ដែលទើបនឹងទិញពីគេកាលពីរបីថ្ងៃមុន <br />ដោយករណីនេះ បានកើតឡើងនៅខាងជើងផ្សារទួលគោក មុខផ្ទះលេខ៣៣អឺ១ ផ្លូវ <br />លេខ ៥៨២ ក្នុងសង្កាត់បឹងកក់ទី២ ខណ្ឌទួលគោក កាលពីវេលាម៉ោងប្រមាណ ៩ និង<br />២០នាទីព្រឹកថ្ងៃទី ២៥ ខែមីនា ។</p>
<p>យោងតាមប្រភពពីសមត្ថកិច្ច បានឲ្យដឹងថា បុរសរងគ្រោះ មានឈ្មោះ ស៊ុត ថងថាន់<br /> អាយុ៤២ឆ្នាំ បានរងនូវគ្រាប់កាំភ្លើង ចំនួនមួយគ្រាប់ បណ្តាលឲ្យជនរងគ្រោះរងរបួស<br />យ៉ាងធ្ងន់ធ្ងរ ហើយត្រូវបានបញ្ជូនទៅ សង្រ្គោះភ្លាមៗផងដែរ នៅមន្ទីរពេទ្យកាល់ម៉ែត ។</p>
<p>សេចក្ដីរាយការណ៍បានឲ្យដឹងថា ជនសង្ស័យដែលធ្វើការបាញ់ប្រហារ ខាងលើ នេះ <br />មានគ្នា ២នាក់ ជិះម៉ូតូស្មាស់ ពណ៌ខ្មៅ គ្មានស្លាកលេខ ហើយបច្ចុប្បន្នកម្លាំងនគរបាល<br />ខណ្ឌទួលគោក និងកម្លាំងសមត្ថកិច្ច ជំនាញផ្សេងទៀត ក្រោមការបញ្ជាភ្លាមៗ របស់<br />លោកស្នងការ ជួន សុវណ្ណ និងស្នងការ រង ជួន ណារិន្ទ កំពុងធ្វើការស្រាវជ្រាវជា បន្ទាន់ <br />ចំពោះករណីខាងលើនេះ។</p>
<p>ប្រភពព័ត៌មានពីសាច់ញាតិជនរងគ្រោះ បានបង្ដើបឲ្យដឹងថា នៅព្រឹកមុនពេលកើតហេតុ<br /> ជនរងគ្រោះបានជិះរថយន្តម៉ាកកាមរីបាឡែន ដែល ទើបនឹងទិញ ដឹកប្រពន្ធទៅកន្លែងធ្វើការ ។ ពេលកំពុងធ្វើដំណើរជាមួយប្រពន្ធនៅតាមដងផ្លូវ ជិតដល់កន្លែងធ្ចើការនោះ ប្រពន្ធជន<br />រងគ្រោះ ក៏បាន ដកលុយពីក្នុងកាបូប ចំនួន១៥០០០ដុល្លារ យកមករាប់ រួចហើយហុចឲ្យប្តី<br />ទុក ដើម្បីយកទៅសងថ្លៃទិញរថយន្តរបស់គេ ។ ក្រោយពីដាក់ប្រពន្ធនៅ កន្លែងធ្វើការហើយ<br /> ដោយសារតែភ្លេចអាយផេតនៅនឹងផ្ទះ ជនរងគ្រោះ ក៏បានបើករថយន្តមកផ្ទះវិញ រួចហើយ<br />ចូលទៅយកអាយផេតនៅក្នុងផ្ទះ ដើរ ចេញមកវិញបម្រុងនឹងបើកទ្ចាររថយន្តចូល ស្រាប់តែ<br />មានមនុស្សស្ទុះមកអោបពីក្រោយ លូកហោប៉ៅដណ្តើមយកលុយ ហើយដោយសារមានការ ប្រតាយប្រតប់គ្នាជនល្មើសក៏បាញ៉ជនរងគ្រោះមួយគ្រាប់ រួចហើយលូកយកលុយ រត់ឡើង<br />ម៉ូតូគ្នាវាដែលនៅក្បែរនោះជិះគេចខ្លួនបាត់ទៅ ។</p>
<p>ពាក់ព័ន្ធករណីប្លន់ខាងលើនេះ តាមការសន្និដ្ឋាន ក្រុមជនល្មើសដែលធ្ចើដំណើរតាមផ្លូវ ឃើញ<br />ជនរងគ្រោះដកលុយរាប់នៅក្នុងរថយន្ត រួចហើយ ហុច ឲ្យប្តីទុក ទើបពួកវាតាមធ្ចើសកម្មភាពប្លន់យកតែម្តងទៅ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-009/ST-095.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/ST-096.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/ST-097.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>