<p>ចម្លែកៗ ៖ ដោយយោងតាមការដកស្រង់អត្ថបទផ្សាយ របស់គេហទំព័រសារព័ត៌មានប្លែក<br />បរទេស អោយដឹងថា បុរសម្នាក់ដែលជាពលរដ្ឋ មកពីប្រទេសប៉ាណាម៉ា បានស្នើអោយ<br />Guinness World Records ទទួលស្គាល់នូវសមត្តភាពពិសេសរបស់ខ្លួន បន្ទាប់ពីគាត់ចង់<br />ទទួលបាននូវបេក្ខភាពបំបែកឯត្តទគ្គកម្ម ខណៈបានសម្តែងនូវសមត្តភាពពិសេស ដោយ<br />ប្រើដៃ និងមាត់បកសំបកផ្លែដូងខ្ចី និងទុំ។</p>
<p><a class="thickbox" title="" href="/FileManager/Commons/2013/5/16/odd-section-panamian-coconut-peeler-16-05-2013--10-28-27.jpg"><img src="/FileManager/Articles/mce/2013/5/16/odd-section-panamian-coconut-peeler-16-05-2013--10-28-27.jpg" alt="" width="433" height="286" /></a></p>
<p>គួរបញ្ជាក់ផងដែរថា បេក្ខភាពដែលចង់អោយ Guinness World Records ទទួលស្គាល់<br />សមត្តភាពបំបែកឯត្តទគ្គកម្មរូបនេះ មានឈ្មោះថា Andres Gardin ជាពលរដ្ឋរស់នៅក្នុង<br />ប្រទេសប៉ាណាម៉ា ។ លើសពីនេះ បើតាមប្រភពសារព័ត៌មានដដែល ក៏បានដកស្រង់<br />សម្តីផ្ទាល់ លោក Andres ផងដែរថា ៖ ខ្ញុំពិតជាចង់បាននូវ Guinness Book ខ្លាំងណាស់<br />ពីព្រោះតែខ្ញុំពិតជាដឹងច្បាស់ថា សមត្តភាពពិសេសមួយនេះ ពិតជាអាចទទួលវាបាន។</p>
<p><a class="thickbox" title="" href="/FileManager/Commons/2013/5/16/20-16-05-2013--10-29-33.jpg"><img src="/FileManager/Articles/mce/2013/5/16/20-16-05-2013--10-29-33.jpg" alt="" width="427" height="260" /></a></p>
<p>មិនត្រឹមតែប៉ុណ្ណោះ គាត់បានបន្ថែមថា ការបកសំបកផ្លែដូងខ្ចី និងទុំនេះ វាមិនមែនជា<br />ការងាយស្រួលនោះទេ តែត្រូវទាមទារការអំណត់អត់ធ្មត់ ភាពរឹងម៉ាំនៃធ្មេញរបស់អស់<br />លោកអ្នក ក៏ដូចជា កំលាំងគួបផ្សំផងដែរ ។ យ៉ាងណាមិញ គាត់ក៏បានបញ្ជាក់ថា គាត់<br />អាចបកសំបកផ្លែដូងខ្ចី និង ទុំ បានដល់ទៅ ៥០០ ផ្លែ ក្នុងរយៈពេលត្រឹមតែ ៦ ម៉ោង ៕</p>
<p style="text-align: right;">ដោយ ៖ រិទ្ធី<br />ប្រភព ៖ spy</p>