<p><span style="color: #000000;">គ្រោះថ្នាក់ ៖ វេលារសៀល ម្សិលមិញនេះ មានហេតុការណ៍គ្រោះថ្នាក់មួយកើតឡើងដ៏គួរអោយរន្ធត់ នៅឯសួនសត្វព្រៃ ខេត្ត Sichuan ប្រទេសចិន ដោយសត្វ ខ្លា ស កំណាចមួយក្បាល បាន បើកការ វាយប្រហារ ខាំផ្តាច់ ដៃក្មេងប្រុសតូចវ័យ ២ ឆ្នាំ ដាច់ពាក់កណ្តាល បន្ទាប់ពីដៃរបស់គេ លូកចូលទៅ ក្នុងរបងការពារសុវត្ថិភាព ។ </span></p>
<p><span style="color: #000000;"><a class="thickbox" title="" href="/FileManager/Commons/2015/7/6/30-06-07-2015--10-34-47.jpg"><img src="/FileManager/Articles/mce/2015/7/6/30-06-07-2015--10-34-47.jpg" alt="" /></a><br /></span></p>
<p><span style="color: #000000;">យោងតាមការគូសបញ្ជាក់អោយដឹង ពីទំព័រសារព័ត៌មានក្នុងស្រុកចិន បន្តអោយ ដឹ ងថា ក្មេងប្រុស តូចវ័យ ២ ឆ្នាំ ដែលជាជនរងគ្រោះម្នាក់នេះ បានមកកំសាន្តសួនសត្វខាងលើអមជាមួយនឹងវត្តមាន មនុស្សពេញវ័យ ៣ នាក់ ផ្សេងទៀត ។ អំឡុងពេលដើរកំសាន្ត គ្រោះអកុសលក៏បានកើតមានឡើង នៅពេលដែលដៃ ក្មេងប្រុសរូបនោះ លូកចូលទៅក្នុង របងការពារសុវត្ថិភាព ភ្លាមៗ នោះ ក៏មានការ វាយប្រហារ ពីសំណាក់ខ្លា ស កំណាច មួយក្បាល ដោយត្របាក់ខាំ ដាច់ដៃ ក្មេងប្រុសតូចអស់ពាក់ កណ្តាលតែម្តង ។ រំពេចនោះ ក៏មានកិច្ចអន្តរាគមន៍ ដោយចាប់បញ្ជូនក្មេង ប្រុស រងគ្រោះទៅ មន្ទីរ ពេទ្យក្នុងស្រុក ដែលមានទីតាំង នៅជិតកន្លែងកើតហេតុបំផុត ។ ក្នុង រយៈពេល ដ៏ខ្លី ជនរងគ្រោះ ត្រូវបញ្ជូនទៅមន្ទីរពេទ្យ ដល់ទៅ ២ កន្លែង ដើម្បីឈានដល់ការវះកាត់ បានជោគជ័យ តែមិនជោគ ជ័យក្នុងការ ជួយសង្គ្រោះ ដៃដែលបានកាត់ផ្តាច់នោះទេ ពោល វេជ្ជ បណ្ឌិត ទទួលបន្ទុកក្នុងការវះ កាត់លើកឡើងអោយដឹងថា បើទោះបីជាប្រឹងប្រែងអស់ពីលទ្ធភាព យ៉ាង ណាក៏ដោយចុះ ដៃដែល ត្រូវបានកាត់ផ្តាច់នោះ មិនអាចសង្គ្រោះបាន មកវិញនោះទេ ។ ក្រុម គ្រួសារ ក្មេងតូច ខណៈមាន ភាពរង្គោះរង្គើផ្លូវចិត្តជាខ្លាំង ពួកគេបានបដិសេធ ក្នុងការស្រាយបំភ្លឺ ដល់ក្រុមអ្នកយកព័ត៌មាន ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ដេលី </span></p>