<p><strong>ភ្នំពេញ៖</strong> តារាសម្តែង និង ជាពិធីការិនីវ័យក្មេងកញ្ញា ព្រះកាយច័ន្ទ ក្រោយពីឈានជើង ចូលប្រឡូក ក្នុងវិស័យសិល្បៈអស់រយៈពេលជិត២ឆ្នាំមក ឃើញថាកេរ្តិ៍ឈ្មោះប្រជាប្រិយភាព និងការគាំទ្រ កាន់<br />តែ ឈានឡើងទៅមុខពីមួយថ្ងៃទៅមួយថ្ងៃ។</p>
<p>ជួបសំណេះសំណាលជាមួយគេហទំព័រLooking TODAY តាមទូរស័ព្ទនារសៀលថ្ងៃទី២៩ ខែមេសា<br /> ឆ្នាំ ២០១៣នេះ លោក ពៅ ច័ន្ទតារា ដែលត្រូជាឪពុករបស់កញ្ញា ព្រះកាយច័ន្ទ បានប្រាប់ឲ្យដឹងថា <br />បើ និយាយពីរឿងការងារសិល្បៈបច្ចុប្បន្ននេះ គឺមមាញឹកខ្លាំងរហូតដល់រកតែពេលទំនេរគ្មានផង។</p>
<p>លោក ច័ន្ទតារា បានបន្តថា ព្រះកាយច័ន្ទ មមាញឹកខ្លាំង លើការថតរឿង និង ការធ្វើពិធីការិនី ហើយ<br />បច្ចុប្បន្ននេះ ច័ន្ទកំពុងតែថតរឿងភាគឲ្យខាងស្ថានីយទូរសទ្សន៍ប៉ុស្តិ៍លេខ៩ និង រឿងដុំមួយរឿង <br />ទៀតសម្រាប់ចាក់បញ្ចាំងនៅរោងកុន ព្រមទាំងខ្សែភាពយន្ត អប់រំរបស់អង្គការ មួយទៀតផងដែរ។</p>
<p>ឪពុករបស់ ព្រះកាយច័ន្ទ បាននិយាយទៀតថា ចំពោះខ្សែរឿងទាំង៣ខាងលើនេះ ខាងអ្នកដឹកនាំ<br />បានជ្រើសរើសឲ្យ ព្រះកាយច័ន្ទ សម្តែងជាតួឯកទាំង៣រឿង។ ចំណែករឿងភាគដែល កំពុងថតឲ្យ <br />ខាង ស្ថានីយទូរសទ្សន៍ប៉ុស្តិ៍លេខ៩ គឺដំណើរការបានប្រហែលជា៣០ ទៅ ៤០ភាគរយហើយ។</p>
<p>លោក ពៅ ច័ន្ទតារា បានបន្តថា សព្វថ្ងៃនេះដែរ ក៏មានខាងស្ថានីយប៉ុស្តិ៍ទូរសទ្សន៍ និងបណ្តាផលិត<br />កម្មមួយចំនួនបានទាក់ទងមកហៅ ព្រះកាយច័ន្ទ ទៅថត ប៉ុន្តែ មិនទាន់បានយល់ព្រមទទួលយក <br />ព្រោះឥឡូវនេះជាប់ថតឲ្យគេអស់ហើយ។</p>
<p>ដោយឡែកទាក់ទងរឿងជីវិតស្នេហាផ្ទាល់ខ្លួនវិញ ត្រូវបានឪពុករបស់ កញ្ញា ព្រះកាយច័ន្ទ ប្រាប់ឲ្យ<br /> ដឹងថា "មានអ្នកតាមស្រលាញ់ មិនមែនអត់មានទេ ប៉ុន្តែគ្រាន់តែថា កូនខ្ញុំអត់មានប្រើ ទូរស័ព្ទ ទេ។ <br />ដូច្នេះរាល់អ្នកដែលចង់ទំនាក់ទំនង ឬចង់ជួបអី គឺត្រូវឆ្លងកាត់ខ្ញុំ ហើយបើចង់និយាយ ជាមួយច័ន្ទ គឺ<br />ខ្ញុំឲ្យនិយាយជាមួយ។ ប៉ុន្តែបើនិយាយពីគូស្នេហា ឬទំនាក់ទំនងស្នេហាគឺគ្មានទេ"។ឪពុក ព្រះកាយ<br />ច័ន្ទ បានបន្តថា "មុននេះមានបុរសអាណិកជនខ្មែររស់នៅអូស្រ្តាលីស្រលាញ់ច័ន្ទដែរ តែខ្ញុំមិនទាន់<br />ឱ្យមាន។ បុរសម្នាក់នេះគេសុំឲ្យចាស់ទុំចូលមកស្តីដណ្តឹង ប៉ុន្តែខ្ញុំមិនទាន់យល់ព្រម ព្រោះ ច័ន្ទ នៅ<br />ក្មេងពេក។ ម្យ៉ាងទៀតគេក៏បានមកដល់ស្រុកខ្មែរ ហើយមានបំណងនាំចាស់ទុំ មក ចូលស្តីដណ្តឹង<br />ផងដែរ ប៉ុន្តែត្រូវបានខ្ញុំឃាត់ មិនឲ្យចូលដោយហេតុថា កូននៅក្មេងពេក"។</p>
<p>លោក ពៅ ច័ន្ទតារា ដែលជាឪពុក ព្រះកាយច័ន្ទ បានបន្ថែមថា ក្រោយពីលោកឃាត់មិនឲ្យចូល <br />បុរសម្នាក់នេះក៏បានឡើងយន្តហោះទៅអូស្ត្រាលីវិញ ហើយចាប់តាំងពីពេលនោះមក បុរសម្នាក់<br /> នេះក៏លែងហានទាក់ទងមកទៀតដែរ ពោលគឺ ចាប់តាំងពីពេលនោះមក រហូតមកដល់ឥឡូវ នេះ<br />តែម្តង៕</p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/April/id-078/Layl-130.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/April/id-078/Layl-131.jpg" alt="www.lookingtoday.com" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>