<p><span style="color: #000000;"><strong>(ហូជីមីញ)៖</strong> អាជ្ញាធរវៀតណាម បាននិងកំពុងធ្វើការត្រួតពិនិត្យ កម្ទេចមួយបំណែក ដែលត្រូវបានគេសង្ស័យថា ជាផ្នែករបស់យន្តហោះ ប៉ុន្តែគេមិនបានសង្ស័យថា បំណែកនោះ ជារបស់យន្តហោះ MH370 ឡើយ នេះបើតាមទីភ្នាក់ងារសារព័ត៌មានចិនស៊ិនហួ ចេញផ្សាយនៅល្ងាចថ្ងៃទី១៩ ខែកុម្ភៈ ឆ្នាំ២០១៦នេះ។</span></p>
<p><span style="color: #000000;">មេបញ្ជាការយោធាស្រុក Van Ninh ខេត្ត Khanh Hoa បានធ្វើការត្រួតពិនិត្យបំណែកដែលរកឃើញ ដោយអ្នកនេសាទម្នាក់ ហើយតាមសេចក្តីរាយការណ៍ជាបឋម វាគឺជាបំណែករបស់យន្តហោះ នេះបើតាមសម្តីរបស់លោក Vo Hoan Hai លេខាធិការនៃគណៈកម្មាធិកាបក្សស្រុក Van Ninh បានឲ្យដឹងយ៉ាងដូច្នេះ។</span></p>
<p><span style="color: #000000;">បុរសវ័យ៤១ឆ្នាំ ឈ្មោះ Le Tan Binh ជាអ្នកនេសាទ បានឲ្យដឹងថា លោកបានរកឃើញបំណែកមួយ ធ្វើឡើងពីអាលុយមីញ៉ូម មានប្រវែង ៣,១ម៉ែត្រ ទម្ងន់ជិត ១០០គីឡូក្រាម កាលពីថ្ងៃទី១១ ខែកុម្ភៈ នាតំបន់ឈូងសមុទ្រ Khanh Hoa ប៉ុន្តែដោយសារតែជាប់រវល់ជាមួយការងារនៅសមុទ្រ លោកមិនបានរាយការណ៍ករណីនេះ មកកាន់អាជ្ញាធរក្នុងតំបន់នោះទេ។ បើទោះបីជាករណីនេះ ត្រូវបានរាយការណ៍ ទៅកាន់ក្រុមអាជ្ញាធរក្តី ប៉ុន្តែលោក Binh នៅតែរក្សាទុកបំណែកលោហៈនោះ នៅក្នុងផ្ទះរបស់លោកដដែល៕</span></p>
<p><span style="color: #000000;"><a class="thickbox" title="" href="/FileManager/Commons/2016/2/20/58-20-02-2016--09-51-08.jpg"><img src="/FileManager/Articles/mce/2016/2/20/58-20-02-2016--09-51-08.jpg" alt="" /></a><br /></span></p>
<p> </p>
<p style="text-align: right;"><span style="color: #000000;">ប្រភព ៖ ស៊ិនហួរ </span><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>